Ngwlɛ Yilɛ 1:15 - NYANMIƐN NDƐ'N 1998

¹⁵ Sonja nga be o mín sa nun'n, e Min'n ɔ'a kpla be ɔ'a yi i lɔ. Ɔ yiali alɛ kunfuɛ kpanngban kɛ be nin min gbanflɛn'm be wa kun. E Min'n ɔ'a cuɛn min bɔ n ti Zida i wa bla'n min nun kɛ be fa cuɛn vinyi mma i nzue'n sa.

Ngwlɛ Yilɛ 1:15 ပူးပေါင်းရင်းမြစ်များ

2 Famiɛn Mun 9:33

Zei seli be kɛ: «Amun `su i bo man ɔ fin fenɛtri'n nun lɔ tɔ!» Yɛ be suli i bo-ɔ. Ɔ fin fenɛtri'n nun lɔ tɔli. Kɛ ɔ tɔli'n, i mmoja'n guali talɛ'n nin nnɛn kpanngɔ'm bé wun. Zei fɛli i kakaklolo'n sinnin i su ɔli.

Jue Mun 119:118

Be nga be yo-man ɔ klun sa'n a fuan be, afin be saci ɔ sran'm bé wun ngbɛn.

Ezai 28:18

Aenguɛ bɔ amun nin wie'n amun trali'n, ɔ ´saci, yɛ janvuɛ bɔ amun nin blɔlɔ'n amun trali'n, ɔ su yo-man ye kun. Blɛ bɔ sa kekle'n ɔ ´ba'n, ɔ ´tɔ amun su wie.

Ezai 41:2

?Sran'n b'ɔ ti nanwlɛfuɛ dan'n, wan yɛ ɔ ko tuli i bo wia afiliɛ lɔ bali-ɔ? ?Wan yɛ ɔ fali nvle-nvle mun wlɛli i sa nun nin-ɔn? ?Wan yɛ man ɔ trannin famiɛn be su nin-ɔn? Sɛ e ´kwla se'n, i tokofi'n nunkun be, nvle-nvle'm be nin be famiɛn mun, be kaci ndutre yɛ i ta'n ɔ sanngan be nun, be jaso kɛ ijre bɔ aunngban'n fitɛ i'n sa .

Ezai 5:5

Ɔ man yoo, n wa kle amun like nga n wa fa yo min vinyi fie'n. M ´bubu i wun talɛ'n, yɛ nnɛn'm be wa di vinyi nga n tali'n. N ´saci awa ng'ɔ si i wun'n, yɛ be nga be ´sin'n be ´tiatia vinyi'n su.

Ezai 63:3

Min ngunmin yɛ n dili junman vinyi mma nzue yiwlɛ lɔ-ɔ, nvle'm be nun sran ba kun sa a uka-man min. Kɛ n fali ya'n, n tiatiali be su, n wɛtɛli be. Be mmoja'n, ɔ nyrɛn guali mín wun tralɛ'm be nun, i ti yɛ man be yoli fiɛn nin-ɔn.

Zeremi 13:24

N wa tru amun nun kɛ ijre bɔ aawlɛ flɛnnɛn nun aunngban'n fitɛ i kɔ'n sa.

Zeremi 14:17

«Se be kɛ yoo: ‹Mín nyinmuɛn'n bu kɔnguɛ nin wia nun. Nán ɔ yaci bulɛ le. Afin nyrɛnnɛn dan kpa ɔ'a tɔ min nvle'n bɔ sɛ ɔ ti bla-a, wuun n ´se kɛ ɔ nian si-man bian le'n su. Kannin ng'ɔ ɔ'a tu i'n ti-man blɛblɛ.

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 37:10

Kannzɛ bɔ be waan amu'an kwla Babilɔni sonja wunmuan'n nan be bɔ be ka'n, amun sa tili be kpa bɔbɔ'n, be ´jaso bé tannin sua'm be nun lɔ be wa wɔ klɔ nga nun.› »

Zeremi 50:26

Man Babilɔnifuɛ'm be kpɔfuɛ mun be fin wa be fin wa, be `kpuke be tanngannin'm be nun. Be `isa ninnge'm be bo i kofie. Be `nunnun klɔ'n, nán like fi ka lɛ.

Zeremi 51:34

«Nɛbikadnɛzar b'ɔ ti Babilɔni famiɛn'n ɔ'a yo-man ye blɛblɛ, ɔ kunnin ye mlɔnmlɔn. Ɔ'a gua ye lɛ kɛ kpongbo bɔ like fi nun-man nun kun'n sa. Ɔ mɛnnin e kɛ wuo ɔ'a mɛn like sa. E sa nun like kpakpa'n, ɔ wieli i kwlaa di trili. Kpɛkuun ɔ tuli ye i mɛn'n nun.

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Ngwlɛ Yilɛ 2:21

Gbanflɛn mun nin kpɛnngbɛn'm be fuɛn'm be jaja klɔ gua'n su. Min talua mun nin min gbanflɛn mun, alɛ'n ɔ dili be. Kɛ a fali ya'n, a kunnin be, a nunkunnin be, w'a si-man be aunnvuɛ.

Ngwlɛ Yilɛ 3:34

Kɛ be ´yo mɛn wunmuan kun nun bisuafuɛ'm be fiaan'n,

Daniɛl 3:13

Nɛbikadnɛzar fali ya dan kpa, nan ɔ'a sunman sran kɛ be ko fa Sadrak nin Mesak, ɔ nin Abɛd-Nego be `bla. Yɛ be ko fali be blɛli i-ɔ.

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Sa nglô yile 19:15

Tokofi nnana kpa kun o sran sɔ'n i nuan nun, ɔ fa kun nvle-nvlefuɛ mun. Ɔ ´fa blalɛ kpɔnman kankan be, ɔ wa cuɛn nzan nzan cuɛnwlɛ'n nun. I cuɛnwlɛ sɔ'n yɛlɛ Anannganman Nyanmiɛn b'ɔ kwla like'n kwlaa yo'n i ya b'ɔ fa'n .

Jɔlɛ Difuɛ Mun 10:8

Nvle sɔ'm be yoli be tɛtɛ kpa. Kɛ ɔ fɛ afuɛ sɔ'n nun lele b'ɔ ´fa di afuɛ blu-nin-mɔcuɛ'n, Izraɛlfuɛ nga be tran Zurdɛn i bue kun lɔ'n wia afiliɛ lɔ lika nun Amɔrfuɛ'm be lika ng'ɔ o Galaad lɔ'n, be wunnin nyrɛnnɛn dan.