Ngwlɛ Yilɛ 1:14 - NYANMIƐN NDƐ'N 1998

¹⁴ Sa tɛ nga n yoli'n, ɔ'a fa kaci kɛ aya nyanman sa, ɔ'a sie i go, ɔ'a fa wla min kɔmin. E Min'n man n lɛ-man wunmiɛn kun. Sran ng'ɔ yili be kɛ be nin min be wa kun'n, n jran be nyrun-ɔn ɔ yo-man ye.

Ngwlɛ Yilɛ 1:14 ပူးပေါင်းရင်းမြစ်များ

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Ezai 14:25

N ´saci Asirifuɛ'm be tinmin'n min mɛn'n nun, n ´tiatia be su min oka'm be su. Sielɛ kekle nga be fa sie amun'n, ɔ ´wie. Be trɔ ng'ɔ wo amun wati su'n, ɔ ´foli tɔ.»

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 27:12

Ndɛ kunngba sɔ'n yɛ n kan kleli famiɛn Sedesias-ɔ. N seli i kɛ: «An `fa amún kɔmin'n man Babilɔni famiɛn'n man ɔ sie su be kɔmin su waka. An `su i, an `su i nvle'n nan amu'an nyan nguan.

Zeremi 27:8

Nvle nin famiɛn diwlɛ kun nga'm be nunfuɛ mun be waan be su-man Nɛbikadnɛzar b'ɔ ti Babilɔni famiɛn'n, sɛ be waan be fa-man be kɔmin'n mɛn-mɛn i nan ɔ sie-man su be kɔmin su waka'n, n ´fa alɛ'n nin awe'n, ɔ nin tukpacɛ b'ɔ sa ndɛndɛ'n n ´fa yi i sɔ nvle liɛ'm be su lele san be ´nunnun treketreke.›

Zeremi 28:13

«Kɔ ko se Anania kɛ: ‹A buli be kɔmin su waka'n nun sɔ sanngɛ a wa fa blalɛ yɛ a ´kaci i-ɔ.›

Zeremi 28:14

Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹N wa fa blalɛ yɛ n ´wla nvle nga be o lɛ'n be nunfuɛ'm be kwlaa be kɔmin nan be `su Nɛbikadnɛzar b'ɔ ti Babilɔni famiɛn nin-ɔn. Be ´su i, ɔliɛ bo'n nun nnɛn mun bɔbɔ, n ´fa be m ´mɛn i.›

Zeremi 32:3

Sedesias yɛ man be fɛ i wlɛli i lɔ-ɔ. I waan: «Ɔ yo sɛ ti yɛ a se kɛ: ‹Anannganman'n waan: M'an fa klɔ nga m'an wlɛ i Babilɔni famiɛn'n i sa nun, nan i ti ɔ wa fa nin-ɔn.

Zeremi 32:5

Be ´fa Sedesias be ´kɔ Babilɔni, ɔ ´ka lɔ lele san m'an ɔ i osu nianlɛ.› Nan Anannganman'n waan: ‹Sɛ amun nin Babilɔnifuɛ mun amun waan amun ´kun alɛ'n, amun su nyan-man jranwlɛ le.› »

Zeremi 37:17

Le kun kpɛkuun famiɛn Sedesias ɔ'a sunman sran i sin kɛ ɔ bla. I waan ɔ bla famiɛn sua'n nun lɔ nan ɔ `usɛ i sa nvialiɛ nun. Yɛ ɔ usɛli i kɛ: «Sɛ Anannganman'n kannin mín wun ndɛ wie kleli wɔ o!» Zeremi waan: «Ɛɛn! Ɔ kannin ɔ wun ndɛ kleli min. I waan be ´tra wɔ be ´wla Babilɔni famiɛn'n i sa nun.»

Ezekiɛl 11:9

‹N wa kan amun bo klɔ'n su kpɛkuun n ´fa amun n wla aofuɛ wie'm bé sa nun. N ´tu amun fɔ.

Ezekiɛl 21:31

Min Anannganman n wan yoo: «Be ´de wɔ famiɛn nzɔliɛ'n. Be ´de wɔ famiɛn kle'n. Lika'n ɔ'a kpɛ i wun, afin be nga be kan bé wun ase'n, be ´man be su, yɛ be nga be man bé wun su'n, be wa kan be ase.

Ezekiɛl 23:28

Anannganman Nyanmiɛn'n wan yoo: ‹N wa yaci wɔ be nga a kpɔ be bɔ ɔ wla tuli be su'n be sa nun.

Ezekiɛl 25:4

i ti'n, n ´fa amun m man be nga be fin wia afiliɛ lɔ'n, be wa bo be nanmue mun amun afiɛn. Be ´tran amun afiɛn. Be ´di amun waka mma mun. Be ´nɔn amun nɔnnɔn'n.

Ezekiɛl 25:7

I sɔ'n ti, amun `nian, n wa yi min kwlalɛ bɔ n kwla'n i nglo. E nin amun e wa nyɛn i. N ´fa amun n wla nvle-nvle'm bé sa nun. Be ´fɛn amun bo ninnge'm be kwlaa. Amun nvle'n ´nunnun mlɔnmlɔn. N ´saci amun, yɛ amun wa si jrɛiin kɛ min yɛ n ti Anannganman nin-ɔn .› »

Ndɛ Nga Nyanmiɛn I Nuan Ijɔfuɛ Oze Kannin'n 5:14

Afin m bɔbɔ min n ´kaci kɛ asɔmɔli sa Efraimfuɛ'm bé wun, n ´kaci kɛ asɔmɔli bɔ ɔ'a kpɛ cro'n sa Zidafuɛ'm bé wun, n ´titi be nun kpɛkuun n su kɔ min nyrun. Kɛ n ´kɔ'n, n ´fa be m ´bo min je nun n ´kɔ, sran fi sa su kwla-man be mín nuan nun de.

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

Mmla'n 28:48

amun wa su amun kpɔfuɛ nga Anannganman man be nin amun wa kun'n. Awe nin nzue we ´kun amun. Amún wun tralɛ'n kwlakwla ´wie titi, yalɛ ´di amun. Anannganman ɔ ´sie amun kɔmin'n su blalɛ trɔ lele san ɔ ´wie amun nunnun.