Ngwlɛ Yilɛ 1:12 - NYANMIƐN NDƐ'N 1998

¹² Ɔ se ekun kɛ: «Amun kwlaa bɔ amun sin wa'n, amun `nian! ?Afɛ ng'ɔ nin min liɛ'n sɛ'n, amu'an wun wie le? Kɛ Anannganman fɛli i ya dan'n, ɔ kleli min nun.

Ngwlɛ Yilɛ 1:12 ပူးပေါင်းရင်းမြစ်များ

Jue Mun 88:16

Kɛ ɔ fɛ i min kaan nun lele b'ɔ ´fa ju ndɛ yɛ'n, n wo nyrɛnnɛn nun. E nin wie'n e mantan koko tititi. Sa sroesroe mun yɛ a fa yi min su-ɔ, min anwlɛn'n ɔ ti sannganwa.

Ezai 13:13

I sɔ'n ti, min Anannganman bɔ n sie mɛn wunmuan'n, min ya dan bɔ m'an fa'n nin min anwlɛn bɔ fita min klun'n ti, n wa keje nyanmiɛn su lɔ'n, yɛ n ´keje asiɛ'n kusu.

Zeremi 10:19

«Ee! Nian kannin bɔ ɔ'a tu min-ɔn! Nga wu-ɔ ɔ yo-man ye. Min bɔ n waan: ‹Min afɛ'n ti-man dan sɔ nan n suɛn i bo-ɔ ɔ yo ye'n,

Zeremi 18:16

B'a yo man kɛ a wun be mɛn'n sa-a, ɔ yo sro, sran'm be yaci-mɛn i finfin yolɛ, be kwlaa nga be sin lɛ'n, be nuan bo bé wun, yɛ be keje be ti sɛkɛsɛkɛsɛkɛ.

Zeremi 30:23

«Anannganman i aunngban'n su ba kusu, ɔ'a fa ya kekle kpa. I aunngban dan'n ɔ kpɛ sin sa tɛ yofuɛ'm bé ti su.

Zeremi 30:24

Anannganman i ya dan ng'ɔ fali'n, ɔ ´yo i kwlaa ng'ɔ guguli kɛ ɔ ´yo'n kwlaa nan ɔ'a wie. Cɛn kun amun ´wun i sɔ'n i wlɛ.»

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 4:8

I ti-ɔ, an `wla bajɛ tralɛ. An `sun, an `man sunlɛ jue'n su, afin é wun ya dan bɔ Anannganman fali'n, ɔ nian wie-mɛn i klun.

Zeremi 48:27

?Nán wɔ yɛ a yoli Izraɛl finfin nin-ɔn? ?A ko trɛli i nin awiefuɛ mun i ti yɛ man a ´kɛn i ndɛ'n a keje ɔ ti a yo i finfin nin-ɔn?

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 2:1

E Min'n fali ya ti ɔ fali aosin tuun yili i Zerizalɛm klɔ'n su. Cuekee! Like nga bɔ man Izraɛl nvle i nyrun ba nyan'n, ɔ finndin i nglo lɔ yili i asiɛ'n su wa. Kɛ ɔ fali ya'n, i wla fili su kɛ Izraɛl'n yɛ ɔ ti i ja takatakawlɛ-ɔ!

Ngwlɛ Yilɛ 2:13

Ee! ?Zerizalɛm, n `kan sɛ yɛ n `kle wɔ-ɔ? ?Wan cɛ yɛ n ´fa ɔ́ sa yalɛ'n n sunnzun i liɛ nin-ɔn? ?Be ´fɔnvɔ wɔ wafa sɛ cɛ yɛ ɔ ´yo ye-ɔ? Sa nga ɔ'a nyan wɔ'n i dan liɛ'n san jenvie'n yɛ be ´fa sunnzun i-ɔ. ?Wan cɛ yɛ ɔ kwla yo man a ´kpɛn ɔ osu nun-ɔn ?

Daniɛl 9:12

Like nga ɔ waan a ´yo e nin é su kpɛnngbɛn nga be sie ye'n, a yoli. A fa nyrɛnnɛn yili e bɔ e o Zerizalɛm'n e su. I sɔ nyrɛnnɛn liɛ'n, be nian wun-mɛn i wun su mɛn'n i lika uflɛ le.

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Matthieu 24:21

Afin blɛ sɔ'n nun'n, nyrɛnnɛn'n ɔ ´yo dan bɔ kɛ ɔ fin mɛn'n i bo bolɛ'n nun lele ndɛ, i wunsu nian yo-man le yɛ i wunsu su yo-man kun le .