Ngwlɛ Yilɛ 1:10 - NYANMIƐN NDƐ'N 1998

¹⁰ I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .

Ngwlɛ Yilɛ 1:10 ပူးပေါင်းရင်းမြစ်များ

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

Neemi 13:1

I blɛ sɔ nun'n, be kanngannin Moiz fluwa'n Izraɛlfuɛ'm be nyrun. Ɔ ti klɛwa i nun kɛ ɔ fata-man kɛ Amɔnfuɛ nin Moabfuɛ'm be wlu Nyanmiɛn i nvle'n nun mlɔnmlɔn le,

Ezai 63:18

E bɔ e ti ɔ nvle'n nunfuɛ mun'n, e trannin mɛn nga nun wa blɛ kaan sa. E kpɔfuɛ'm be sacili ɔ sua'n.

Zeremi 15:13

Zidafuɛ mun, n ´fa amun ninnge nin amun anwlɛn su ninnge mun m ´man amun ninnge fɛnfuɛ mun. Sa tɛ nga amun yoli i kɛ amun o amun asiɛ'n su wa'n i akatua'n yɛ ɔ o lɛ-ɔ.

Zeremi 20:5

Klɔ nga sufuɛ'm be ninnge kpakpa'n nin be bɛtrɔ mun, nin be junman'm be nuan ninnge'm be kwlakwla, nin Zida famiɛn'm be bɛtrɔ'n, n ´fa man be kpɔfuɛ mun be ´fa yo be liɛ. Be ´fɛn be ´sua kɔ Babilɔni.

Zeremi 27:19

Afin Anannganman lɛ ndɛ kɛni sua ja mlomlo mun nin kpongbo dan'n, nin kpongbo nga be kondo be mun, ɔ nin ninnge uflɛ nga be kali klɔ nga su'n be su .

Zeremi 27:21

Ninnge nga be kali Anannganman i sua'n nun'n nin Zida famiɛn'n i sua nun'n, ɔ nin Zerizalɛm klɔ nun'n, bé wun ndɛ bɔ Anannganman b'ɔ sie mɛn wunmuan'n, Izraɛl Nyanmiɛn'n ɔ kan'n yɛ. I waan:

Zeremi 50:28

An `sie amún su be `tie be bɔ be wanndi tɔ blo'n be ndɛ'n. Be bɔ be fin Babilɔni lɔ fite'n, be wa kan Anannganman e Nyanmiɛn i klunngbɔ b'ɔ su tu'n nin i sua'n i ti ngondin b'ɔ tu'n be ndɛ kle Siɔn.

Zeremi 51:51

«Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Ngwlɛ Yilɛ 1:7

Kɛ Zerizalɛm ´wun nyrɛnnɛn b'ɔ ´wlan daan'n, blɛli yɛ ɔ'a wun kɛ kannzu laa ɔ o fɛ nun-ɔn. Kɛ Zerizalɛmfuɛ'm be kpɔfuɛ'm be fali klɔ'n, bɔ sran fi ɔ'a ba-man be delɛ'n, ɔ yoli be kpɔfuɛ'm be klanman, ɔ kleli be srilɛ.

Ezekiɛl 44:7

Blɛ bɔ amun ´fa kpaun nin nnɛn lui, ɔ nin nnɛn mmoja be fa blɛ min'n, amun fali aofuɛ bɔ be ti-man min sran'n, bɔ be nian wla-man be klɛn be anwlɛn'n nun nin be wunnɛn'n su'n wluli min sua'n nun wa. Be yoli min sua'n i fiɛn. Amu'an fa tete sa sɔ mun b'a saci aenguɛ nga e nin amun e trali'n.

Ezekiɛl 7:22

N ´kaci mín sin n ´si be. Be ´yo min anwlɛn su like kpa'n i finfin, kakajefuɛ wie'm be ´wlu min sua'n nun, kpɛkuun be ´yo i fiɛn.

Ezekiɛl 9:7

Ɔ seli be kɛ: «An `yo Nyanmiɛn i sua'n i fiɛn, an `yo man fuɛn'm be yi sua'n i awlo klun'n. Kpɛkuun an `fite be wɔ be nyrun.» Be fiteli be ɔli be nyrun klɔ'n nun. Be ´kɔ'n, wuun be ´kun sran mun.

Marc 13:14

«Amun ´wun Tete Like'n kɛ ɔ o lika ng'ɔ fata-man kɛ ɔ tran nun'n i nun. Man sran ng'ɔ kanngan ndɛ sɔ'n ɔ bu i akunndan. Kɛ an wun i sɔ'n, man be nga be o Zide lɔ'n be wanndi wɔ oka'm bé su .

Mmla'n 23:3

Tekle ba'n, nán man ɔ wlu Anannganman i nvle'n nun. I osu nunfuɛ nga be ´jaso su lele b'ɔ ´fa ju i anunmannunman'm be akpasua blu su'n, nán be tran Anannganman i nvle'n nun.

Mmla'n 23:4

Amɔnfuɛ mun nin Moabfuɛ mun'n, nán be wlu Anannganman i nvle'n nun. Nán be wlu nun lele nan kɛ ɔ yo-ɔ ɔ'a yo-ɔ. Be osu nunfuɛ nga be ´jaso su lele b'ɔ ´fa ju be anunmannunman'm be akpasua blu su'n, nán be wlu nun.