Ngwlɛ Yilɛ 1:1 - NYANMIƐN NDƐ'N 1998

¹ Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ngwlɛ Yilɛ 1:1 ပူးပေါင်းရင်းမြစ်များ

2 Famiɛn Mun 23:33

Ezipt famiɛn bɔ be flɛ i Neko'n trɛli i ɔli Ribla. Amat mɛn'n nun lɔ klɔ kun-ɔn. Ɔ cicili i nin jrɔkɔ. Ɔ man ɔ'a yo-man famiɛn kun, i ti ɔ'a tran-man Zerizalɛm kun. I sin'n, Ezipt famiɛn'n miannin Zidafuɛ mun kɛ be tannin lapo be mɛn i. Lapo sɔ'n i nuan'n yɛ: jɛtɛ ufue tɔnun nsan nin sika ɔkwlɛ kilo ablasan.

2 Famiɛn Mun 23:35

Ezipt famiɛn'n bɔ be flɛ i Neko'n miannin Zozakim kɛ ɔ mɛn i jɛtɛ ufue nin sika ɔkwlɛ. Kɛ ɔ ´yo nan Zozakim ɔ'a nyɛn i sɔ sika liɛ'n ɔ'a fa man'n ti'n, ɔ man sran'm be kwlaa be tuali lapo be tinun tinun.

2 Be Nyoliɛ 9:26

Famiɛn nga be o Efrat nzue'n nuan lele fa ju Filistifuɛ'm be mɛn'n nun'n nin Ezipt anyialiɛ'n su lɔ'n, Salomɔn sie be.

Ɛsdras 4:20

Famiɛn dandan wie'm be trannin lɔ, be sieli nzue'n i sin lɔ lika wunmuan'n, be deli lapo fanunfanun mun, yɛ be deli be nga be sin be mɛn'n nun lɛ'm be sika.

Neemi 5:4

Yɛ be bue kun waan: «E fie nin vinyi fie'm bé su lapo nga e fa man famiɛn'n, kɛ i tanninlɛ'n ko ju'n, e usa afɛ yɛ e fa tua-a.

Neemi 9:37

Siɛn'n, e mɛn'n nun ninnge wla'm be ti famiɛn nga wɔ man e su be'n be liɛ, é sa tɛ bɔ e yoli'n ti. Kwlaa nga be klo kɛ be ´yo e nin e nnɛn mun'n, yɛ be yo-ɔ. Y'a wun e nyrun dan.»

Jue Mun 122:4

Lɔ yɛ Izraɛl akpasua'm be kwlaa be yia-a. Anannganman i fuɛ mun-ɔn, be yia be mɛnmɛn i. Kɛ be kleli Izraɛlfuɛ'm be sɔ-ɔ.

Ezai 14:12

Ai! ?Nan nzu sa yɛlɛ nga? ?Nja, wɔ bɔ a ti kɛ awɛ nzraama b'ɔ kpaja nglɛmun'n sa'n, kɛ ɔ o yɛ'n w'a fin nyanmiɛn su lɔ w'a tɔ? ?Wɔ bɔ a sie nvle-nvle mun'n, bɔ a tin be su kplɔlɔlɔ'n, kɛ ɔ o yɛ'n, b'a su ɔ bo b'a yi i asiɛ'n su wa ?

Ezai 22:2

amun bɔ amun klɔ'n i nun ti sran ngunmin'n, bɔ i nun ti wluwluwlu'n, bɔ be kan ngowa nun klanman'n? Amun sran nga like yoli be'n, nán tokofi yɛ be fa yoli be like sɔ nin-ɔn. Nán alɛ nun yɛ be ´wu-ɔ!

Ezai 3:26

Ɔ nunfuɛ'm be kwlaa be ´bo awuyomo, be ´yi ngwlɛ. Be ´sun kɛ bla bɔ i ninnge ng'ɔ lɛ i'n i kwlaa ɔ'a fi i sa, b'ɔ tran asiɛ ba kpa'n su sun'n sa.

Ezai 49:21

Amun wa usa amún wun kɛ: ‹?Wan yɛ ɔ wuli ba nga mun mannin ye-ɔ? Afin e liɛ'm be fili é sa. E yoli klun kpanfuɛ. Be fali ye ɔli mɛn uflɛ nun, be kannin ye bo. ?Yɛ ba nga mun'n, wan yɛ ɔ tali be-ɔ? E ba kunngba yɛ e trannin sa lele-ɔ. ?Kɛ ɔ ´yo sɔ'n, wuun ba nga'm be o nin?› »

Ezai 50:5

Anannganman Nyanmiɛn'n ɔ tikeli mín su'n, yɛ m'an yo-man nyin kekle, m'an wanndi-man.

Ezai 52:2

Zerizalɛmfuɛ mun, amun `kplakpla amún wun ndutre'n gua. Amun `jaso nan amun `tran amun tranwlɛ laa'n nun. Siɔnfuɛ mun, amun bɔ amun ti kanga'n, amun `kpɛkpɛ jrɔkɔ'm bɔ be wo amun kɔmin'n be nun gua.

Ezai 52:7

Kɛ jasin fɛ bofuɛ'n ɔ fin oka'm be su lɔ ba'n, i ja'm be yo nyɛnmɛn o! Ɔ kan aunjuɛ'n i ndɛ, ɔ kan sran'm be delɛ'n i ndɛ. Ɔ se Siɔnfuɛ'm be kɛ: «Amun Nyanmiɛn'n yɛ ɔ ti famiɛn nin-ɔn !»

Ezai 54:4

Nyannzuɛn su kun-man amun, i sɔ'n ti nán amun klun titi amun. Amun su sokpa-man, i sɔ'n ti nán amún sa sin bubu amun. Amún wla wa fi nyannzuɛn bɔ amun wunnin i amun kaan nun'n i su. Yɛ amún wla su kpɛn-man nyannzuɛn bɔ amun wunnin i blɛ bɔ amun kacili kɛ angboti bla mun sa'n i su.

Zeremi 31:7

Afin Anannganman'n wan yoo: «An `bo sro be man Zakɔb i osu'n nunfuɛ mun. An `bo sro be manman Anannganman b'ɔ ti mɛn'n kwlakwla bé su kpɛn'n. An `kpan Aleluya man be ti, an `se kɛ: ‹Anannganman, de ɔ nvle'n, de Izraɛlfuɛ nga be ka'n.› » Ndɛ nga Anannganman kusu kan'n yɛ:

Zeremi 40:9

Gɛdalia kannin ndɛ kleli be nin be sran mun, ɔ seli be kɛ yoo: «Nán srɛ kun amun, an su Babilɔnifuɛ mun, an `ka e mɛn'n nun wa an su Babilɔni famiɛn'n, amun ´nyan amun ti.

Zeremi 42:2

«E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Zeremi 44:2

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹?Nyrɛnnɛn sa nga n fa yili Zerizalɛm nin Zida klɔ kun nga mun be su'n bɔ yɛ man andɛ b'a nunnun treketreke'n, amu'an wun-mɛn i?

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Zeremi 50:23

An `se kɛ sɛ, marto b'ɔ keje asiɛ'n ɔ'a bu, i nun ɔ'a fufu. Babilɔni fa-man mɛn kun. Ɔ'a yo sa flɛnnɛnnɛn kɛ aawlɛ kee'n sa.

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ngwlɛ Yilɛ 1:19

N flɛli be nga laa be klo min'n lele ngbɛn. B'a yi min ase. Min Nyanmiɛn nyrun jranfuɛ mun nin min afɔtuɛ manfuɛ mun bɔ be ´kunndɛ aliɛ be ´di nan b'a nyan wunmiɛn kan'n, be wuli klɔ nun.

Ngwlɛ Yilɛ 2:1

E Min'n fali ya ti ɔ fali aosin tuun yili i Zerizalɛm klɔ'n su. Cuekee! Like nga bɔ man Izraɛl nvle i nyrun ba nyan'n, ɔ finndin i nglo lɔ yili i asiɛ'n su wa. Kɛ ɔ fali ya'n, i wla fili su kɛ Izraɛl'n yɛ ɔ ti i ja takatakawlɛ-ɔ!

Ngwlɛ Yilɛ 2:10

Siɔn kpɛnngbɛn'm be titi asiɛ ba kpa'n su. Be si-man wie se kun. B'a gua bé ti su ndutre. B'a wla bé bajɛ tralɛ mun. Zerizalɛm talua'm be kwla-man bé ti su man kun.

Ngwlɛ Yilɛ 4:1

Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!

Ngwlɛ Yilɛ 5:16

E ti sika kle'n ɔ tu tɔli. Sa tɛ nga e yoli'n ti'n, y'a wun nyrɛnnɛn.

Ezekiɛl 26:16

Nvle-nvle nga be o jenvie nuan'n, be famiɛn'm be ´jaso be famiɛn bia'm be su. Be ´yi bé wun tralɛ dandan mun nin be tralɛ nga be di be nun aba'n. Srɛ'n ´kun be kpo. Be ´tran asiɛ wun, be ´usu sa lele. Wɔ agualiɛ ng'ɔ wa gua wɔ lɛ'n ti'n, be wawɛ'n ´wanndi bé wun.

Ezekiɛl 26:2

«Klɔ sran, Tirfuɛ'm be yo Zerizalɛm finfin be se kɛ: ‹Klɔ bɔ sran kwlaa sin su'n, ɔ'a bubu. Siɛn'n bɔ Zerizalɛm ɔ'a bubu'n, junman ng'ɔ di'n ɔ'a ka e sa nun. Ɔ ´yo nvuɛn, yɛ e klɔ liɛ'n kusu ´yi.

Ezekiɛl 5:5

Anannganman Nyanmiɛn'n wan yoo: ‹Zerizalɛm klɔ'n yɛ ɔ o lɛ-ɔ. N fa sieli nvle-nvle nin mɛnmɛn nga be sin yiɛ i'n be afiɛn.

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Sofoni 2:15

«Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Sa nglô yile 18:7

Tutre nin mɛn ng'ɔ dili'n, an `fɛ i wunsu nyrɛnnɛn'n kle i, man ɔ wun i nyin su! Afin ɔ se kɛ: ‹N su di famiɛn, n ti-man angboti, n su yo-man sɛnvuɛ le.›