Neemi 9:5 - NYANMIƐN NDƐ'N 1998

⁵ Yɛ Zozie, Kadmiɛl, Bani Asabnia, Serebia, Ɔdiza, Sɛbania, ɔ nin Pɛtakza bɔ be ti Levifuɛ'n, be seli kɛ: «Amun `jaso be la Anannganman amun Nyanmiɛn'n i ase titi, nán amun yaci i le.» «Man be manman ɔ dunman b'ɔ yo nyɛnmɛn'n. Ɔ dunman'n ti dan tra su, be kwla mɛnmɛn-mɛn i nin bé nuan'n.

Neemi 9:5 ပူးပေါင်းရင်းမြစ်များ

1 Famiɛn Mun 8:14

Famiɛn'n kpɛli i nyin Izraɛlfuɛ'm bé su, nan ɔ'a yra be nguan. Kɛ ɔ ´yo sɔ'n, wuun sran'm be kwlaa be jinjin nglo.

1 Famiɛn Mun 8:15

I sin ɔ seli kɛ: «N ´la Anannganman b'ɔ ti Izraɛl Nyanmiɛn'n i ase, afin ɔ'a yia ndɛ ng'ɔ kan kleli mín si David'n i nuan.

1 Famiɛn Mun 8:22

Salomɔn ko jrannin Anannganman i sɔwlɛ'n i nyrun lɛ, ɔ kpɛli i nyin Izraɛlfuɛ'm be kwlaa bɔ b'a yia'n bé su. Ɔ mannin i sa'm be su nglo.

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

1 Be Nyoliɛ 16:36

Amun `la Anannganman b'ɔ ti Izraɛl Nyanmiɛn'n i ase titi! Sran'm be kwlaa be tɛli su kɛ: «Man ɔ yo sɔ! E manman Anannganman!»

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

1 Be Nyoliɛ 29:13

I ti e Nyanmiɛn, e ´manman wɔ, yɛ e ´bo flɛ wɔ, afin ɔ dunman'n yo nyɛnmɛn.

1 Be Nyoliɛ 29:20

Yɛ David seli sran'm bɔ b'a yia'n be kɛ: «Amun `la Anannganman amun Nyanmiɛn'n i ase!» Yɛ anyia nunfuɛ'm be kwlaa be lali Anannganman b'ɔ ti be si'm be Nyanmiɛn'n i ase-ɔ. Be kotoli nan b'a utu bé nyin ase Nyanmiɛn nin famiɛn'n be nyrun.

2 Be Nyoliɛ 20:13

Zidafuɛ'm be kwlaa, be nin be anunman mun, nin bé yi mun, ɔ nin be mma mun, be jrannin Anannganman nyrun lɛ.

2 Be Nyoliɛ 20:19

I sin'n, Levifuɛ'm bɔ be ti Keat nin Kɔre be akpasua sufuɛ'n be jasoli, be mannin be nɛn'n su kpa be manmannin Anannganman b'ɔ ti Izraɛl Nyanmiɛn'n.

Ɛsdras 3:11

Nyanmiɛn i ayɛ yilɛ nin i manmanlɛ jue ng'ɔ o yɛ'n, be ´to'n wuun be ´sɔ su. Be se kɛ: «Anannganman ti kpa, afin i klun-ufue'n ng'ɔ yo Izraɛlfuɛ mun'n wo lɛ tititi.» Nzrafuɛ'm be kpannin kekle kpa, afin be klun ti jɔwa, be manmannin Anannganman i sua'n i bo ase bɔ be su wla'n ti.

Neemi 9:4

Zozie, Bani, Kadmiɛl, Sɛbania, Bini, Serebia, Bani, yɛ Kɛnani be jaso jrannin Levifuɛ'm bé jranwlɛ'n su lɔ, nan b'a kpan flɛ Anannganman be Nyanmiɛn'n.

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Zɔb I Nyrɛnnɛn Wunlɛ 1:21

yɛ ɔ seli kɛ: «Kɛ n fin mín nin klun m ´ba'n, mín wun ngbɛn. N kɔlɛ su'n, mín sa ngbɛn yɛ n ´fa kɔ-ɔ. Anannganman yɛ ɔ mannin-ɔn, Anannganman yɛ ɔ'a fa-a. Man manmanlɛ'n ɔ yo i liɛ!»

Jue Mun 106:2

?Wan bɔ cɛ yɛ ɔ ´si Anannganman i sa dandan ng'ɔ yo be'n bé wun ndɛ kan-an? ?Wan cɛ yɛ ɔ ´mɛnmɛn i nan sran'm b'a ti i lika'n kwlakwla-a?

Jue Mun 134:1

Zerizalɛm kɔlɛ'n i su jue. Amun bɔ an su Anannganman'n, bɔ kɔnguɛ amun jran i sua'n nun'n, an `lɛ i ase .

Jue Mun 145:2

N ´la wɔ ase cɛn kwlakwla. N su yaci-man ɔ dunman kpa bolɛ le nan kɛ ɔ yo-ɔ ɔ'a yo.

Jue Mun 145:5

A ti famiɛn, a lɛ nyrun, a yo nyɛnmɛn, min waan n ´kan wafa sɔ bɔ a ti'n i ndɛ. N ´kan abonuan sa bɔ a yo be'n be ndɛ wie.

Jue Mun 146:2

Blɛ bɔ mín nyin tɛ o su'n, m ´manman Anannganman. Blɛ bɔ n tɛ kpɛ n tɛ di'n, m ´bo flɛ min Nyanmiɛn'n.

Jue Mun 16:2

N se Anannganman kɛ wɔ yɛ a ti min Min nin-ɔn. N lɛ-man like kpa fi san wɔ.

Jue Mun 66:2

Amun `to jue be bo flɛ i i nyrun nyannyan'n ti. Amun `sro jue be `mɛnmɛn i.

Jue Mun 99:3

Man be manman wɔ ɔ dunman b'ɔ ti dan, b'ɔ yo sro'n ti. Ɔ nzuɛn'n nin klɔ sran liɛ'n ti-man kun.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 15:6

Anannganman, ɔ́ sa fama'n lɛ wunmiɛn o! A bubuli ɔ kpɔfuɛ'm be nun sa kpokpokpo.

Daniɛl 2:20

Ɔ mɛnmɛnnin i seli kɛ: «Man be la Nyanmiɛn i ase titi, nán be yaci i le! Ngwlɛlɛ'n nin fanngan'n be ti i liɛ.

Matthieu 11:25

I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Mmla'n 28:58

Sɛ amu'an fa-man mmla bɔ be ti klɛwa fluwa nga nun'n i nun ndɛ mun, sɛ amu'an fa-man be amun sie-man'n, sɛ amun nian-man su b'a nanti-man'n, sɛ amun nyin a yi-man sran nga b'ɔ lɛ nyrun, b'ɔ yo sro'n, b'ɔ i dunman yɛlɛ Anannganman amun Nyanmiɛn'n,

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

Jɔlɛ Difuɛ Mun 13:18

Anannganman i anz'n tɛli i su kɛ: «?Ɔ yo sɛ ti yɛ a usa min dunman-an? Ɔ ti nvialiɛ nun like .»