Neemi 9:32 - NYANMIƐN NDƐ'N 1998

³² Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Neemi 9:32 ပူးပေါင်းရင်းမြစ်များ

1 Famiɛn Mun 8:23

Yɛ ɔ seli kɛ: «Anannganman, Izraɛl Nyanmiɛn, like fi nin wɔ sɛ-man nyanmiɛn su lɔ nin asiɛ'n su wa. Ɔ sufuɛ nga be fa bé wla gua wɔ su'n, bɔ be fa wɔ atin'n su seiin'n, aenguɛ nga a nin be trali'n ti'n, a kpɔci-man be.

2 Famiɛn Mun 15:19

Be o lɛ kpɛkuun Pil b'ɔ ti Asiri famiɛn'n ɔ'a wlu Izraɛlfuɛ'm be mɛn'n nun. Yɛ Mɛnaɛm fali sika tɔnun ablasan mɛnnin i kɛ ɔ ukɛ i nan i sielɛ'n `taka.

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

2 Famiɛn Mun 17:23

I sɔ'n ti, Anannganman niannin ndɛ ng'ɔ fa wlɛli i sufuɛ bɔ be kɛn i nuan su ndɛ'n, ɔ fuannin Izraɛlfuɛ mun. Be fali be ɔli Asiri. Mɛn sɔ'n wo be liɛ'n i wun mmua kpa. Be tɛ o lɔ lele ndɛ.

2 Famiɛn Mun 17:3

Salmanazar b'ɔ ti Asiri famiɛn'n fali alɛ'n wlɛli i sin. Oze trɛnnin i sielɛ'n i bo. Ɔ tannin lapo mɛn i.

2 Famiɛn Mun 17:6

Kɛ Oze yoli famiɛn'n, i afuɛ ngwlan'n su yɛ Salmanazar fali Samari klɔ nin-ɔn. Ɔ fali Izraɛlfuɛ mun ɔli Asiri. Ɔ man be trannin Ala. Klɔ sɔ'n wo Gɔzan lɔ nzue ba bɔ be flɛ i Kabɔr'n i nuan. Yɛ ɔ man wie'm be trannin Medifuɛ'm be klɔ'm bé su.

2 Famiɛn Mun 23:29

I blɛ su'n, Ezipt famiɛn'n bɔ be flɛ i Neko'n fɛli i alɛ mma mun ɔli Efrat nzue ba'n i bue liɛ'n su lɔ Asiri famiɛn'n i ukalɛ. Famiɛn Zozias ɔli ko buli i nyrun Megido lɔ. Kɛ Ezipt famiɛn'n wunnin Zozias cɛ'n, yɛ ɔ kunnin i-ɔ.

2 Famiɛn Mun 25:7

Be kunnin i mma mun i bɔbɔ nyrun lɛ, kpɛkuun Nɛbikadnɛzar man be boli i nyinma'n. Ɔ man be fali jrɔkɔ be cili i nan ɔ'a fɛ i ɔ'a ɔ Babilɔni .

Ɛsdras 4:10

Ɔsnapar b'ɔ ti sran dan b'ɔ lɛ nyrun'n, ɔ trali sran wie'm be lomuɛn. Ɔ fali be sieli i Samari klɔ'm be su, annzɛ Efrat nzue ba'n i sin lɔ nvle'm be nun. E nin i yɛ e klɛli fluwa sɔ nin-ɔn.»

Ɛsdras 4:2

Be wa toli Zorobabɛl nin Izraɛl awlobo kpɛnngbɛn mun nan b'a se be kɛ: «E klo kɛ e nin amun e ´kplan sua'n, afin Nyanmiɛn kunngba nga amun su i'n yɛ e su i-ɔ. Kɛ ɔ fin cɛn bɔ Ezar-Adɔn b'ɔ ti Asiri famiɛn'n ɔ fali ye bali wa'n, e yi tɛ e man Nyanmiɛn .»

Ɛsdras 9:13

E Nyanmiɛn, e nyoliɛ tɛtɛ mun nin e fɔnlɛ ngbli-ngbli'm be ti yɛ sa'm be juli ye su-ɔ, sanngɛ w'a nian-man e sa tɛ sɔ'm be su w'a tu-man e fɔ. ?Yɛ ndɛkɛn bɔ w'a yo man e nun sran wie'm b'a nyan atin b'a sa be sin'n

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Jue Mun 47:2

Nvle nunfuɛ'm be kwlaa, amun `bo ndɛ, amun klun b'ɔ ti jɔwa'n ti'n, amun `bo sro nan amun `manman Nyanmiɛn.

Jue Mun 66:3

Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

Jue Mun 66:5

Amun `bla be wa nian Nyanmiɛn i sa nuan ninnge mun. Ninnge sɔ'm be bo sran'm be nuan.

Ezipt Lɔ Tulɛ'n 18:8

Moiz kannin sa nga Anannganman fa yili i Ezipt famiɛn'n nin Eziptfuɛ'm be su Izraɛlfuɛ'm be dunman nun'n kwlaa. Ɔ kannin nyrɛnnɛn nga be wunnin i atin nun'n, ɔ nin delɛ nga bɔ Anannganman fa deli be'n.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Daniɛl 9:6

Ɔ sufuɛ nga be ti ɔ́ nuan ijɔfuɛ bɔ be kannin ɔ́ nuan su ndɛ kleli e famiɛn mun nin e famiɛn i awlo lɔ sran dandan mun, nin e nannan mun, ɔ nin nvle'n nunfuɛ'm be kwlaa'n, y'a sie-man é su bé nuan bo.

Daniɛl 9:8

Nanwlɛ, e Min, nyannzuɛn'n ɔ'a kun ye kpo. E bɔbɔ o, e famiɛn mun o, e famiɛn i awlo lɔ sran dandan mun o, e nannan mun o, e yɛ nyannzuɛn sɔ'n ɔ'a kun ye-ɔ, afin é nyin a yi-man wɔ.

Saun Yolɛ 26:18

Sɛ i sɔ sa liɛ nga n ´fa wla amun nun'n ɔ'a ju-man amun'n, fɔnlɛ nga amun fɔn'n, i su fɔ nga n ´fa tu amun ekun'n, i kekle'n ɔ ´tra laa liɛ'n i sɔ kpɛ nso.

Saun Yolɛ 26:21

Sɛ amun waan amun ´yo nyin kekle mín su nan amún ti-man min nuan ndɛ'n, fɔ nga n wa tu amun'n, ɔ ´tra ng'ɔ o lɛ'n i sɔ kpɛ nso.

Saun Yolɛ 26:24

min kusu e nin amun e wa si su ekun. Fɔ nga n ´fa tu amun'n, ɔ ´tra ng'ɔ o lɛ'n i sɔ kpɛ nso.

Saun Yolɛ 26:28

min kusu kɛ n ko fa ya'n, min nin amun e ´yia nun. Fɔ nga n ´tuli amun'n, n ´uka su, ɔ ´tra laa liɛ'n i sɔ kpɛ nso.

Mmla'n 7:12

Sɛ amun fa amún su sie mmla sɔ'm bé bo nan amun nian be su, nan amun fa bé su'n, Anannganman kusu ɔ ´nian aenguɛ ng'ɔ nin amún si'm be trali'n su, yɛ ɔ ´yo amun ye, afin ɔ tali be nda.

Mmla'n 7:13

Ɔ ´klo amun, ɔ ´yo amun ye, ɔ ´yo man amun ´nyan ninnge kpanngban. Ɔ ´man amun ba kpanngban yɛ amun ´trɛ, amun fie'm be su ninnge'm be ´yo ye, amun ´nyan ble, nin nzan, nin ngo kpanngban. Amun nannin mun, nin amun bua mun, nin amun boli mun be ´trɛ mɛn ng'ɔ tali amun nannan'm be nda kɛ ɔ ´fa man amun'n nun.

Mmla'n 7:21

Nán srɛ kun amun bé wun, afin Anannganman amun Nyanmiɛn'n nin amun o nun. Ɔ ti Nyanmiɛn kun b'ɔ ti dan yɛ ɔ yo sro.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.