Neemi 9:28 - NYANMIƐN NDƐ'N 1998

²⁸ Kɛ be fiteli nun cɛ'n, kisie'n ɔ'a yia-man jɔlɛ'n, wuun b'a bo tɛ yolɛ'n bo ɔ́ wun ekun. Yɛ a fa be wlali be kpɔfuɛ'm bé sa nun ekun kɛ be mian be nun. Be kpan flɛli wɔ ekun. Ɔ kusu kɛ a o Nyanmiɛn su lɔ'n, a tili be kpanlɛ'n, wɔ aunnvuɛ silɛ dan'n ti a deli be blɛ sunman.

Neemi 9:28 ပူးပေါင်းရင်းမြစ်များ

1 Famiɛn Mun 8:39

kɛ a o ɔ tranwlɛ nun nyanmiɛn su lɔ'n, tɛ be su, yaci bé wun sa'n cɛ be. Yɛ sran kun i like ng'ɔ yoli'n, nian su yo ng'ɔ nin i fata'n, afin wɔ kunngba yɛ a si sran kun i anwlɛn'n nun lɔ sa mun-ɔn.

Jue Mun 106:42

Be kpɔfuɛ'm be tinnin be su kplɔlɔlɔ, be guali bé nyin ase.

Jue Mun 136:24

Be nga be mianmian ye'n, i yɛ ɔ deli ye bé sa nun-ɔn, afin i klun-ufue'n wo lɛ tititi.

Ezai 63:15

Kɛ a o ɔ sua klanman'n nun nyanmiɛn su lɔ'n, nian sa bɔ be ju e su'n. ?Ɔ klolɛ dan'n nin ɔ fanngan'n be o nin? Ɔ wun b'ɔ usu wɔ ye ti'n, yɛ aunnvuɛ bɔ a si ye'n, e wun-mɛn i sɔ kun.

Jɔlɛ Difuɛ Mun 2:19

sanngɛ kɛ jɔlɛ difuɛ'n ko wu cɛ'n, kpɛkuun be nantilɛ nga be wa nanti'n i tɛ tra bé nannan'm be liɛ'n bɔbɔ. Be fa bé wun fa cici amuɛn mun, be sɔ be, yɛ be koto bé bo. Bé nannan'm bé nyin kekle'n i su cɛ yɛ be nian-an.

Jɔlɛ Difuɛ Mun 3:30

Kɛ ɔ fin le kun sɔ nun'n, Moabfuɛ'm be ti'n wo Izraɛlfuɛ'm bé bo. Lika'n wa tɔli bliin afuɛ ablaɔcuɛ.

Jɔlɛ Difuɛ Mun 4:1

Kɛ Eid wuli'n, Izraɛlfuɛ'm be wa yoli like nga Anannganman klo-mɛn i ekun.

Jɔlɛ Difuɛ Mun 5:31

Anannganman, man ɔ kpɔfuɛ'm be wu sa tititi! Sanngɛ man be nga be klo wɔ'n be yo kɛ wia bɔ ɔ'a man su b'ɔ su bo kpa'n sa.» Kɛ ɔ yoli sɔ'n, lika'n tɔli bliin afuɛ ablanan.