Neemi 9:23 - NYANMIƐN NDƐ'N 1998

²³ Yɛ a mannin be osu kpanngban kpa kɛ nyanmiɛn su lɔ nzraama mun sa. Yɛ a fali be wluli mɛn nga a seli bé nannan'm be kɛ ɔ ´yo be liɛ'n nun.

Neemi 9:23 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 15:5

Yɛ ɔ fɛ i fiteli nan ɔ'a se i kɛ: «Man ɔ nyin'n su nian nglo lɔ. Sɛ a kwla ka nzraama mun'n, ka be man n nian. Kɛ wɔ anunman'm be wa sɔn kpanngban sɔ-ɔ.»

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 22:17

i ti n ´yo man ɔ osu'n ɔ ´trɛ. I nunfuɛ'm be ´sɔn kɛ nyanmiɛn su nzraama mun sa annzɛ kɛ jenvie nuan aunnyan'n sa. Wɔ anunman'm be ´fa be kpɔfuɛ'm be klɔ mun .

Bo Bolɛ 26:3

Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

1 Be Nyoliɛ 27:23

David ɔ'a ka-man gbanflɛn nga b'a di afuɛ ablaɔn nin nga be nian di-man afuɛ ablaɔn mun, afin Anannganman kɛnnin i kɛ ɔ ´yo man Izraɛlfuɛ'm be ´sɔn kɛ nglo lɔ nzraama mun sa.

Ezipt Lɔ Tulɛ'n 1:12

Kɛ be ´kle be nyrɛnnɛn dan be kɔ be nyrun'n, wuun blɛ li yɛ b'a se be kɛ be trɛ nan be fa lika nin-ɔn. I sɔ'n ti, Eziptfuɛ'm be wa kpɔli Izraɛlfuɛ'm be kpɔlɛ kpa.

Ezipt Lɔ Tulɛ'n 1:7

Sanngɛ Izraɛlfuɛ'm be wuli ba mun kaka kpa nan b'a trɛ trɛlɛ kpa. I sɔ'n ti, be nyannin wunmiɛn kpa, be trannin Ezipt mɛn'n i lika'n kwlaa.

Mmla'n 28:62

Amun kpanngban bɔ amun ti kɛ nyanmiɛn su lɔ nzraama'm be sa'n, amun wa ka kaan sa Anannganman amun Nyanmiɛn'n i aniɛn bɔ amu'an ti-man'n ti.