Neemi 9:22 - NYANMIƐN NDƐ'N 1998

²² A fali mɛn nin nvle mun mannin be. Be fali mɛn nga be mantan be lɛ'n mun. Siɔn b'ɔ ti Ɛsbɔn famiɛn'n i mɛn'n, ɔ nin Ɔg b'ɔ ti Bazan famiɛn'n i mɛn'n.

Neemi 9:22 ပူးပေါင်းရင်းမြစ်များ

Jue Mun 105:44

Ɔ fali nvle uflɛ wie'm be nunfuɛ'm be asiɛ'n mannin be. Ɔ man junman nga nvle sɔ'm be nunfuɛ'm be dili'n, i nuan like'n kwlaa yoli be liɛ.

Jue Mun 78:65

Kpɛkuun e min'n wa jasoli kɛ sran b'ɔ su lafi yɛ ɔ'a jaso sa, ɔ jasoli kɛ safunyrɛn wie bɔ ɔ'a nɔn nzan ɔ'a bo yɛ ɔ'a titi i nyin su sa.

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Mmla'n 1:4

Kɛ ɔ ´yo sɔ'n, wuun ɔ'a kwla Siɔn b'ɔ ti Amɔr famiɛn'n b'ɔ tran Ɛsbɔn'n, ɔ nin Ɔg b'ɔ ti Bazan famiɛn'n b'ɔ tran Astarɔt nin Edrei'n .

Mmla'n 32:26

N waan wuun n ´nunnun be mlɔnmlɔn nan be dunman'n mlin mɛn'n nun.

Mmla'n 4:46

Kɛ ɔ ´fa sie be nyrun sɔ'n, wuun be o Zurdɛn'n i bue kun ng'ɔ o Baal-Pɛɔr i nyrun ndɛnman lɛ'n i su. Lika sɔ'n wo Amɔrfuɛ'm be famiɛn nga be flɛ i Siɔn b'ɔ tran Ɛsbɔn'n i mɛn'n nun. Kɛ Moiz nin Izraɛlfuɛ'm be fin Ezipt lɔ bali'n, be kwlali famiɛn sɔ'n.

Mmla'n 4:47

Be fɛli i lika'n. Be fali Ɔg b'ɔ ti Bazan'n i famiɛn'n i lika liɛ'n kusu wie. Amɔrfuɛ'm be famiɛn nnyɔn sɔ'm be o Zurdɛn'n sin lɔ wia afiliɛ lɔ lika'n nun laa.

Zozie 10:11

Amɔrfuɛ'm be wie'm be wanndi kpɛnnin Bɛt-Ɔrɔn sin lɔ. Kɛ be fɛ lɛ lele ´ju Azeka'n, Anannganman man nzraama dandan kpa bɔ kɛ nzue tɔ'n be gua'n be guali be su lele fa juli Azeka. Ɔ man sran nga nzraama sɔ'm be kunnin be'n, be sɔnnin tra be nga Izraɛlfuɛ'm be kunnin be tokofi nun'n.

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.