Neemi 9:20 - NYANMIƐN NDƐ'N 1998

²⁰ A fali ɔ Wawɛ'n mannin be kɛ ɔ kle be ngwlɛlɛ. W'a yaci-man ɔ mani'n be fa manlɛ le. A mannin be nzue kɛ be nɔn.

Neemi 9:20 ပူးပေါင်းရင်းမြစ်များ

Neemi 9:30

A dili bé wun amlin afuɛ kpanngban. Ɔ Wawɛ'n suli ɔ́ nuan ijɔfuɛ'm be bo kɛ be `kpɛn bé wla, sanngɛ b'a sie-man bé su be nuan bo. A fali be wlali aofuɛ'm bé sa nun.

Jue Mun 105:41

Ɔ kpacili yɛbuɛ nun, kpɛkuun nzue fin nun fiteli. Nzue'n sonjili asiɛ kee'n su kɛ nzue ba sa.

Jue Mun 143:10

Kle min ɔ klun sa'n i yolɛ'n. Wɔ yɛ a ti min Nyanmiɛn nin-ɔn. Man ɔ Wawɛ klun-ufuefuɛ'n ɔ dun mmua min nyrun atin b'ɔ ti kpa'n su.

Ezipt Lɔ Tulɛ'n 16:15

Izraɛlfuɛ'm be wunnin i, sanngɛ be si-mɛn i, be usali be wiengu kɛ: «?Nzu like yɛlɛ nga?» Moiz tɛli bé su kɛ: «Aliɛ nga Anannganman fa mannin amun kɛ amun di'n yɛ ɔ o lɛ-ɔ.

Ezipt Lɔ Tulɛ'n 16:35

Izraɛlfuɛ'm be dili mani'n lele afuɛ ablanan, nan b'a ju mɛn bɔ sran'm be tran nun'n i kun nun. Mani'n yɛ be dili lele nan b'a fa ju Kanaan mɛn'n i anyialiɛ'n su lɔ-ɔ.

Ezipt Lɔ Tulɛ'n 16:4

Anannganman'n seli Moiz kɛ: «N wa yo nan kpaun ´fin nglo lɔ gua man amun. Cɛn kun sran'm be ko isa ng'ɔ ju bé cɛn kun dilɛ'n. N wa sa amun n nian sɛ amun ´fa min mmla'm bé su o, sɛ kusu amun su fa-man bé su o.

Ezipt Lɔ Tulɛ'n 17:3

Nzue we'n b'ɔ kun be dan'n ti be trikili Moiz su ekun, be waan: «?Nzu ti yɛ a fali e Ezipt lɔ bali wa-a? ?A fali e bali kɛ nzue we'n kun ye nin e mma mun, ɔ nin e nnɛn mun?»

Ezipt Lɔ Tulɛ'n 17:6

Min kusu, n wa jran ɔ nyrun lɛ Orɛb oka'n i yɛbuɛ'n kun su. Fa kpɔnman fin yɛbuɛ sɔ'n, yɛ nzue wa fin nun fite, kpɛkuun be ´nɔn.» Moiz fali Nyanmiɛn i ndɛ ng'ɔ kannin'n su, kpɛnngbɛn'm be nyin ta nun.

Ezai 48:21

Asiɛ kee b'ɔ ´fa be ´sin nun'n, nzue we su kun-man be lɔ. Ɔ ´yo man nzue ´fin yɛbuɛ'n nun fite ɔ ´fa man be. Ɔ ´kpaci yɛbuɛ'n nun, kpɛkuun nzue'n su nyrɛn.

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Ndɛ Nga Nyanmiɛn I Nuan Ijɔfuɛ Aze Kannin'n 2:5

Aenguɛ nga kɛ amun fin Ezipt be ´ba bɔ e trali'n, i su yɛ e tɛ wo-ɔ. E nin amun e o nun titi. Nán srɛ kun amun.›

Kalɛ 11:17

N wa jra nan e nin wɔ e wa koko yalɛ lɛ. N ´fa wawɛ ng'ɔ o ɔ́ su'n wie n ´fa wla be nun. Kpɛkuun be ´uka wɔ nvle'n b'ɔ ti kɛ trɔ sa'n i sualɛ nun nan ɔ ngunmin w'a sua-man trɔ sɔ'n kun.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Rɔmfuɛ Mun 15:30

Aniaan mun, n ´srɛ amun, an `nian e Min Jésus-Krist nin klolɛ nga Nyanmiɛn Wawɛ'n man e klo e wun'n ti'n,

1 Korɛntfuɛ Mun 10:3

Aliɛ kunngba b'ɔ fin Nyanmiɛn sa nun'n, yɛ be kwlaa be dili-ɔ ,

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Zozie 5:12

Kɛ ɔ fin lɛ'n, mani'n yacili gualɛ. Ɔ man i afuɛ sɔ nun'n, mɛn sɔ'n nun aliɛ yɛ be dili-ɔ.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.