Neemi 9:17 - NYANMIƐN NDƐ'N 1998

¹⁷ Bé nyin ɔ'a yi-man wɔ. Bé wla fili atrɛ fanunfanun nga a yili be'n. Be kpali be bɔbɔ bé su kpɛn. Be waan san be ´sa be sin Ezipt lɔ be ko yo kanga ekun. Sanngɛ ɔ liɛ'n, a ti Nyanmiɛn kun bɔ a yaci sa tɛ'n cɛ. A si aunnvuɛ, sran yo wɔ annvɔ. A fa-man ya ndɛndɛ, ɔ klun-ufue liɛ'n be kan-man, ɔ man w'a yi-man be ase.

Neemi 9:17 ပူးပေါင်းရင်းမြစ်များ

1 Famiɛn Mun 6:13

N ´tran Izraɛlfuɛ'm be afiɛn, n su kpɔci-man min nvle sɔ'n le.»

1 Famiɛn Mun 8:57

Man Anannganman e Nyanmiɛn'n ɔ nin ye tran kɛ ɔ nin e nannan mun fa trannin'n sa. Nán ɔ kpɔci ye, nán ɔ yi ye ase.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Ɛsdras 9:9

afin e ti kanga, sanngɛ e Nyanmiɛn, w'a yi-man ye ase e kanga yolɛ'n nun. A fali wɔ aunnvuɛ silɛ'n wlali Pɛrs famiɛn'm be nun kɛ ɔ ´yo nan y'a wu-man, nan y'a kwla kplan wɔ bɔ a ti e Nyanmiɛn'n ɔ sua b'ɔ buli'n, nan y'a nyan fiawlɛ Zerizalɛm klɔ'n, ɔ nin Zida nvle nun'n ti.»

Neemi 9:31

Sanngɛ wɔ aunnvuɛ silɛ dan'n ti w'a nunnun-man be, w'a yi-man be blo, afin a ti Nyanmiɛn kun b'ɔ si aunnvuɛ yɛ ɔ klun ti ufue.

Jue Mun 106:13

Sanngɛ i sin ɔ'a cɛ-man, be wla wa fili sa dandan ng'ɔ yoli'n. Like ng'ɔ guguli kɛ ɔ ´yo be'n, b'a minndɛ-man be yolɛ blɛ'n.

Jue Mun 106:7

Atrɛ nga a yili be Ezipt lɔ'n, é si'm b'a wun-mɛn i wlɛ. Ye dandan nga a yoli be'n, bé wla ɔ'a kpɛn-man su. Be yoli nyin kekle Ndɛma jenvie'n i nuan lɔ.

Jue Mun 130:4

Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

Jue Mun 78:10

afin aenguɛ nga be nin Nyanmiɛn be trali'n b'a yo-mɛn i su sa'n. B'a kpli-man su kɛ be ´fɛ i mmla'n su.

Jue Mun 78:11

Bé wla fili sa dandan ng'ɔ yoli'n mun, ɔ nin abonuan sa ng'ɔ yoli kleli be'n mun.

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezipt Lɔ Tulɛ'n 32:9

Anannganman seli Moiz kɛ: «M'an wun kɛ nvle nga nunfuɛ mun be nyin ti kekle dan.

Nyanndra Mun 1:24

Sanngɛ n kpan flɛ amun, an ba-man. N fa mín sa'n n flɛ amun amu'an tɛ-man su. Amun waan nán amun yɛ an ko sɔ n sa sɔ nun-ɔn.

Zeremi 18:15

Sanngɛ kpɛkuun min nvlefuɛ'm bé wla ɔ'a fi min. Be yra ansans be fa man ninnge finfin mun. B'a yo man b'a yaci be atin'n lɛ. B'a yaci be atin laa'n lɛ. B'a ko fa atin nga b'a yi-man'n.

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 7:26

Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Ezekiɛl 5:6

I su sran'm b'a fa-man min mmla nin min ndɛ nga n kan kleli be'n be su. Be liɛ'n, sa tɛ'n i yolɛ'n yoli be fɛ dan kpa trali nvle nga be mantan be lɛ'n mun. Afin b'a di-man min mmla'm be su, b'a nanti-man atin nga n kleli be'n i su .›

Daniɛl 9:9

Sanngɛ ɔ liɛ'n e Min, e Nyanmiɛn, wɔ bɔ a si aunnvuɛ'n, bɔ ɔ klun ti ufue'n, kannzɛ bɔ e jasoli ɔ́ wun'n, a yacili e wun sa'n a cɛli ye.

Zoɛl 2:13

Amún wun tralɛ'm be nun titilɛ'n ti ngbɛn, amun anwlɛn ba'n yɛ ɔ fata kɛ an `kaci i-ɔ. An `kaci i nan an `sa amun sin Anannganman amun Nyanmiɛn'n i sin. I klun ti ufue, ɔ si aunnvuɛ. Ɔ fa-man ya ndɛndɛ. I klun-ufue liɛ'n gua lɛ ngbɛn yɛ be isa-a. Kɛ ɔ ko fua kɛ ɔ fa nyrɛnnɛn yi sran kun su'n, kpɛkuun i kunngba'n i sa sin ɔ'a bubu i, ɔ yo-mɛn i kun.

Saun Yolɛ 26:44

Sanngɛ kusu i blɛ nga be ´fa tran be kwlafuɛ'm be nvle liɛ nun lɔ'n, n su yi-man be ase mlɔnmlɔn, n su kaci-man mín sin n si-man be mlɔnmlɔn, n su nunnun be. Min aenguɛ bɔ e nin be ye tra'n, n su yi-mɛn i ase, afin min yɛ n ti Anannganman be Nyanmiɛn nin-ɔn .

Naɔm 1:3

Anannganman fa-man ya ndɛndɛ, i wunmiɛn'n ti dan. Sran ng'ɔ yo sa tɛ'n, ɔ yaci-mɛn i lɛ ngbɛn. Kɛ ɔ ´sin'n, aunngban dan kun fita, ndutre ng'ɔ ´nanti-ɔ ɔ tu'n, sɛ e ´kwla se'n, yɛlɛ nzue ng'ɔ mlan'n .

Kalɛ 14:11

Anannganman seli Moiz kɛ: «?Finfin nga nvlefuɛ'm be yo min yɛ'n, cɛn onin ko yɛ be ´yaci i yolɛ-ɔ? ?Yɛ atrɛ nga n yi be be nyrun'n cɛn kwlaa bɔ be lafi-man su lɛ'n, cɛn onin ko yɛ be ´lafi min su-ɔ?

Kalɛ 14:41

Moiz usali be kɛ: «?Nguɛ ti yɛ amun kaci Anannganman i nuan ndɛ nin-ɔn? Kannzɛ amun yo i sɛ, ɔ su yo-man ye kun.

Kalɛ 16:14

Nanwlɛ, a fa-man ye a ba-man lika bɔ be yo like nun-ɔn ɔ yo ye'n nun, a man-man e fie nin vinyi. ?A bu i kɛ wuun e ti anyansifuɛ mun ti-ɔ? E kɔ-man lika fi.»

Sa nga bé yôli'n 7:39

Sanngɛ e nannan'm b'a fɛ-mɛn i ndɛ'n su, be kɛnnin i bo, yɛ bé nyin trannin Ezipt lɔ ,

Rɔmfuɛ Mun 9:15

Afin ɔ seli Moiz kɛ: «Sran nga n waan n ´yo i ye, n ´yo i ye, yɛ sran nga n waan n ´si i aunnvuɛ'n, n ´si i aunnvuɛ .»

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

1 Samiɛl 12:22

Anannganman su yi-mɛn i nvle'n i blo, yɛlɛ kɛ i dunman'n ti dan, afin i bɔbɔ yɛ ɔ guguli kɛ ɔ ´fa amun yo i nvle-ɔ.