Neemi 9:16 - NYANMIƐN NDƐ'N 1998

¹⁶ Kpɛkuun e nannan'm b'a kan-man bé wun ase. Be yoli nyin kekle, b'a fa-man ɔ mmla'n su.

Neemi 9:16 ပူးပေါင်းရင်းမြစ်များ

2 Famiɛn Mun 17:14

Sanngɛ b'a tie-man ndɛ nga be kan kleli be'n. Be yoli nyin kekle kɛ bé nannan'm bɔ b'a lafi-man Anannganman be Nyanmiɛn'n i su'n be sa.

2 Be Nyoliɛ 29:6

E nannan'm b'a mantan-man Anannganman e Nyanmiɛn'n. Be yoli sa ng'ɔ yo-mɛn i fɛ'n, be kacili be sin sili i. Be kacili bé sin sili i sua'n, b'a kpɛ-man bé nyin Anannganman su lɔ kun.

2 Be Nyoliɛ 30:8

Nán amun yo nyin kekle kɛ amun nannan'm be yoli'n sa. Amun `fa amun wun man Anannganman man ɔ sie amun. Amun `bla i sua'n bɔ i bɔbɔ ɔ'a yo i saun'n nun. Sua sɔ'n, ɔ ´yo saun tititi. Yɛ amun `su Anannganman amun Nyanmiɛn'n, kɛ ɔ ´yo nan i ya dan'n b'ɔ fɛli i amún wun'n ɔ'a jɔ'n ti.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Neemi 9:29

A jrannin bé wun kɛ be sa be sin be fa ɔ mmla'n su sanngɛ wuntulɛ'n ti b'a tie-man ɔ́ nuan ndɛ'n. Ɔ nuan ndɛ b'ɔ man sran ng'ɔ fa su'n i nguan'n, be yili i blo. B'a kan-man be wun ase, be keteli be anwlɛn'n, bé nyin ɔ'a yi-man wɔ.

Jue Mun 106:6

E yoli sa tɛ kɛ e si'm be sa. E fɔnnin, e yoli klunwi.

Jue Mun 81:8

I nun bɔ a o nyrɛnnɛn nun'n, a kpan flɛli min yɛ n wa deli wɔ. N jrannin nyanmiɛn b'ɔ ´kpla'n nun n tɛli wɔ su. Mɛriba nzue ti'n su lɔ'n, n sali wɔ niannin .

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 32:9

Anannganman seli Moiz kɛ: «M'an wun kɛ nvle nga nunfuɛ mun be nyin ti kekle dan.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Ezai 48:18

Sɛ ɔ ti kɛ amun sieli amún su mmla nga m mannin amun'n i bo'n, wuun amun ´di alaje. Sɛ alaje sɔ'n ti nzue'n, wuun n ´se kɛ ɔ ´yo kɛ nzue ba kun b'ɔ sonji kpuu b'ɔ kpɛ-man'n sa. Sɛ ɔ ti kɛ amun sieli amún su mmla sɔ'n i bo'n, wuun amun ´nyan muae. Sɛ muae sɔ'n ti jenvie'n, wuun n ´se kɛ ɔ ´bo gua cenje'n su tititi.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Ezai 63:10

Sanngɛ be yoli nyin kekle, be boli Nyanmiɛn i Wawɛ'n i wla. Nyanmiɛn ɔ'a klo-man be sa kun, kpɛkuun i bɔbɔ yɛ ɔ nin be kunnin siɛn nin-ɔn.

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 7:26

Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Ezekiɛl 5:6

I su sran'm b'a fa-man min mmla nin min ndɛ nga n kan kleli be'n be su. Be liɛ'n, sa tɛ'n i yolɛ'n yoli be fɛ dan kpa trali nvle nga be mantan be lɛ'n mun. Afin b'a di-man min mmla'm be su, b'a nanti-man atin nga n kleli be'n i su .›

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 9:13

Anannganman seli min ekun kɛ: «M'an wun kɛ nvle nga nunfuɛ'm be nyin ti kekle.

Mmla'n 9:27

Man ɔ́ wla kpɛn ɔ sufuɛ Abraam, nin Izaak, ɔ nin Zakɔb bé su. Nán nian sran nga'm be nyin kekle, nin be aeliɛ tɛtɛ, ɔ nin be sa tɛ mun.

Mmla'n 9:6

Man amun si kɛ sɛ Anannganman amun Nyanmiɛn'n fa mɛn klanman nga man amun kɛ amun tran nun'n, nán kpa yɛ amun ti i ti yɛ ɔ fa mannin amun-ɔn, afin amun ti nyin keklefuɛ.

Hébreu 3:13

Sanngɛ kɛ ɔ ´yo nan b'a laka-man amun nun wie nan ɔ'a yo-man sa tɛ ɔ'a kete-man'n, an `tu amun wun fɔ cɛn'n kwlaa bɔ be tɛ se kɛ: «Ndɛkɛn'n.»

Hébreu 3:15

E tɛ kanngan Nyanmiɛn Ndɛ nga be klɛli'n nun kɛ: «Sɛ ndɛkɛn an ti ndɛ nga Nyanmiɛn kan'n, nán an yo nyin kekle i su kɛ i nun bɔ amun jaoli i wun amun yoli'n sa .»