Neemi 9:12 - NYANMIƐN NDƐ'N 1998

¹² Wia nun'n, a dun mmua be nyrun, sin wɛnsrɛn'n ɔ ja tiaan yɛ ɔ kle be atin nin-ɔn. Kɔnguɛ a dun mmua be nyrun, sin taaman'n ɔ ja tiaan yɛ ɔ kpaja atin nga be sin su'n su-ɔ.

Neemi 9:12 ပူးပေါင်းရင်းမြစ်များ

Neemi 9:19

Sanngɛ wɔ aunnvuɛ silɛ dan'n ti w'a yi-man be ase aawlɛ flɛnnɛn'n nun. Wɛnsrɛn b'ɔ kle be atin wia nun'n, ɔ nin sin b'ɔ kpaja be nyrun kɔnguɛ'n b'a kpɔci-man be le.

Jue Mun 105:39

Anannganman fali nyanmiɛn ble'n katali i nvlefuɛ'm bé su. Kɔnguɛ'n, sin yɛ ɔ kpaja bé bo-ɔ.

Jue Mun 107:7

Ɔ fali be sinnin atin trele wie su kɛ ɔ ´yo nan b'a ko fite klɔ bɔ sran tran su'n i su'n ti.

Jue Mun 143:8

Nglɛmun'n, kɛ be ´se kɛ lika'n ɔ'a cɛn cɛ'n, man n wun ɔ klun-ufue'n nun weiin, afin ɔ su yɛ n fa min wla'n gua-a. Atin ng'ɔ ti bɔ n `fa su'n, kle min, afin ɔ́ su yɛ n lafi-ɔ.

Jue Mun 78:14

Wia nun'n, ɔ man wɛnsrɛn tiaan kun dun be nyrun mmua yɛ ɔ kle be atin nin-ɔn .

Ezipt Lɔ Tulɛ'n 15:13

A deli ɔ sran mun wɔ aunnvuɛ silɛ dan'n ti, ɔ nin ɔ tinmin bɔ a lɛ i'n ti. A su tinngɛ be nan a ´fa be kɔ mɛn ng'ɔ ti ɔ liɛ klonglo'n, bɔ a kan kleli be kɛ a ´fa man be'n i nun lɔ.

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Kalɛ 9:16

Kɛ ɔ fin lɛ'n, kɛ ɔ yo sɔ tititi-ɔ. Sin wɛnsrɛn'n kata Nyanmiɛn i lika'n su. Yɛ kɔnguɛ'n sin wɛnsrɛn'n ɔ kpaja.

Kalɛ 9:21

Sɛ sin wɛnsrɛn'n ka sua'n su lɛ kɔnguɛ, nan kpɛkuun kɛ aliɛ'n ´cɛn-ɔn, ɔ tu i bo'n, be kusu be tu bé bo. Sɛ sin wɛnsrɛn'n di kɔnguɛ kun nin wia su kun nan ɔ tu i bo'n, Izraɛlfuɛ'm be tu bé bo wie.

Mmla'n 1:33

Kusu wuun i yɛ ɔ dun mmua amun nyrun yɛ ɔ kunndɛ amun ngblaliɛ kpɛwlɛ mun-ɔn. Kɔnguɛ'n, ɔ fa sin'n kpaja amún bo nan amun wun atin nga amun ko sin nun'n. Wia'n nun'n, ɔ fa sin wɛnsrɛn'n kle amun atin'n.