Neemi 9:11 - NYANMIƐN NDƐ'N 1998

¹¹ A kpɛli jenvie nun mannin be. Be nantili aunnyan siɛ'n su jenvie'n i afiɛn be sinnin. Yɛ be nga be su be su'n, a yoli man be mlɔnnin bunman'n nun kɛ yɛbuɛ bɔ b'a yi i nzue dan nun sa.

Neemi 9:11 ပူးပေါင်းရင်းမြစ်များ

Jue Mun 66:6

Ɔ yoli man jenvie'n i lika'n wie kacili asiɛ kee. Be nanti be ja nun yɛ be kpɛ nzue ba nin-ɔn. Amun man é wun kpaja ye sa dan sɔ'n ti.

Jue Mun 78:13

Ɔ kpɛli jenvie'n nun nan b'a sin nun. Ɔ jrannin nzue'n kɛ b'a fa talɛ b'a si i nyrun ce sa .

Ezipt Lɔ Tulɛ'n 14:14

Anannganman'n wa kun amún ti alɛ. I ti amun `gua bliin.»

Ezipt Lɔ Tulɛ'n 14:25

Be kakaklolo'm bé ja'm b'a kpɛ-man bé wun kun, be kɔ-ɔ, ɔ yo-man ye kun. Kpɛkuun Eziptfuɛ'm be kpannin be seli kɛ: «Amun man e wanndi Izraɛlfuɛ'm be nyrun, afin Anannganman b'ɔ o bé sin'n nin e su kun.»

Ezipt Lɔ Tulɛ'n 14:29

Sanngɛ Izraɛlfuɛ'm be liɛ be kpɛli jenvie'n bé ja nun. Be sinnin nzue ng'ɔ jrannin kɛ talɛ sa bé sa fama su nin bé sa bɛ su'n i afiɛn.

Zeremi 32:20

A yili atrɛ, a yoli abonuan sa mun Ezipt mɛn'n nun lɔ laa. Kɛ e ´se yɛ'n kusu, Izraɛl mɛn'n nun o, asiɛ wunmuan'n su o, a yoli man ɔ dunman'n ɔ'a fu kekleke.

1 Korɛntfuɛ Mun 10:1

Aniaan mun, n klo kɛ an si kɛ e nannan'm be kwlaa be trannin nyanmiɛn ble'n i bo, yɛ be kwlaa be kpɛli jenvie'n bé ja nun .

Hébreu 11:29

Nyanmiɛn su bɔ Izraɛlfuɛ'm be lafi'n ti yɛ Jenvie ɔkwlɛ'n kpacili nan b'a sin nun nin-ɔn. Sanngɛ kɛ Eziptfuɛ'm be waan be ´su be su'n, nzue'n bu katali bé su .

Sa nglô yile 18:21

Yɛ anz wunmiɛnfuɛ kun fali yɛbuɛ kun b'ɔ fa yɛbuɛ nin'n, nan ɔ'a to a yi jenvie nun ɔ'a se kɛ: «Kɛ be wa to Babilɔni klɔ dan'n yi i ase kekle sa, be su wun-mɛn i kun .