Neemi 9:1 - NYANMIƐN NDƐ'N 1998

¹ Anglo kunngba'n i le ablaɔn-nin-nnan'n su, Izraɛlfuɛ'm be yiali kɛ be ´ci nglɛmun. Be wlali bajɛ tralɛ, be fali ndutre utuli bé ti'n su.

Neemi 9:1 ပူးပေါင်းရင်းမြစ်များ

2 Samiɛl 1:2

I le nsan su'n, sran kun fin Sail i alɛ ngblaliɛ'n nun lɔ bali. Kɛ ɔ ´ba'n ɔ titili i wun tralɛ'm be nun, ɔ yoli i wun kɛ sɛnvuɛ sa, ndutre o i ti'n su. Kɛ ɔ juli David wun lɛ'n, ɔ kotoli nan ɔ'a utu i nyin ase.

2 Be Nyoliɛ 20:3

Srɛ b'ɔ kunnin Zozafat dan'n ti, i waan ɔ ko wun Anannganman wun, i ti i waan be `kpɛ srɛ nun Zida nvle wunmuan'n nun.

2 Be Nyoliɛ 7:10

Anglo nso su'n i cɛn ba ablaɔn-nin-nsan su'n, Salomɔn mannin sran'm be atin kɛ be sanndi be wɔ tannin sua'm be nun. Kɛ be ´ko'n, bé wun kpajali be, yɛ be klun jɔli kpa, afin Anannganman yoli David nin Salomɔn, ɔ nin Izraɛl b'ɔ ti i nvle'n be ye.

Ɛsdras 8:21

Aava nzue ba nuan lɛ'n, n yoli man e kpɛli srɛ nun. E kannin é wun ase e Nyanmiɛn'n i nyrun. Yɛ e srɛli i kɛ ɔ yo nan ye ajalɛ tulɛ nun'n, nán sa fi ju e nin e mma nin e ninnge'm be su.

Ɛsdras 8:23

Ɔ man e kpɛli srɛ nun e srɛli e Nyanmiɛn'n kɛ ɔ `sasa ye, kpɛkuun ɔ tili e srɛwa'n.

Neemi 8:2

Ɛsdras b'ɔ ti Nyanmiɛn nyrun jranfuɛ'n ɔ fali mmla'n bali yasua nin bla, nin be kwlaa nga be wun sa wlɛ'n bɔ b'a yia'n be nyrun lɛ.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Ɛstɛr 4:3

Kan Asieris sie ju lɛ'n, i akpasua kwlaa nun'n, kɛ Zuif'm be ko ti sa nga famiɛn'n waan be `yo be'n cɛ'n, wuun be akunndan'n ɔ'a sanngan, wuun be su sun, wuun be ´yi ngwlɛ, kpɛkuun be ci i wun nglɛmun. Be nun kpanngban be wlali bajɛ tralɛ yɛ be lali nzuɛn nun.

Zɔb I Nyrɛnnɛn Wunlɛ 2:12

Kɛ be wunnin i mmua lɔ'n, b'a wun-mɛn i sran wlɛ. Yɛ be tɔli sunlɛ'n wun-ɔn. Be titili be wun tralɛ'm be nun, yɛ be fali ndutre guali bé ti'n su.

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Saun Yolɛ 23:34

ɔ `kan ndɛ yɛ mun kle Izraɛlfuɛ mun. I waan: «Kɛ anglo nso'n ɔ ju'n, i cɛn ba blu-nin-nnun'n su'n, amun `di kpata'm be cɛn'n lele le mɔcuɛ kun min dunman nun.

Saun Yolɛ 23:39

Ninnge nga amun tali be'n, ɔ nin nga amun luali be'n, ɔ nin nga amun boli be'n, sɛ amun tu'n annzɛ sɛ amun ti'n, annzɛ sɛ amun kpɛ'n, sra nso'n su'n, i cɛn ba blu-nin-nnun'n su'n, amun `bo cɛn dilɛ'n i bo. Amun `di cɛn'n i le mɔcuɛ kun. Cɛn'n i klikli su'n, ɔ nin cɛn ba mɔcuɛ'n i su'n, be ti wunmiɛn-delɛ-cɛn.

Zozie 7:6

Zozie nin Izraɛl kpɛnngbɛn'm be titili be wun tralɛ'm be nun, be fali ndutre guali be ti'n su yɛ be kotoli, be utuli bé nyin ase Anannganman i alaka'n nyrun lele nnɔsua, bé wla b'ɔ boli'n ti.

Sa nglô yile 11:3

N yo man min ndɛ kanfuɛ nnyɔn'm be ´wla bajɛ tralɛ, be ´kan min ndɛ'n cɛn ba akpi kun cɛn ba ya nnyɔn cɛn ba ablesiɛn (1.260).»

Jɔlɛ Difuɛ Mun 20:26

Kɛ ɔ yoli sɔ'n, Izraɛlfuɛ'm be kwlakwla be ɔli Betɛl nan b'a sun. Be cili nglɛmun, be trannin Anannganman nyrun lɛ lele nnɔsua. Be yili tɛ nga be yra be nnɛn'n kɔlikɔli'n, ɔ nin bo kun yolɛ i su tɛ mun be mannin Anannganman.

1 Samiɛl 4:12

Bɛnzamɛn akpasua su sran kun fin alɛ kunwlɛ lɔ juli Silo lɛ le kunngba'n nun. Ɔ wanndi yɛ ɔ ba-a, ɔ ba'n, ɔ'a titi i wun tralɛ'm be nun, ɔ'a guɛ i ti su ndutre.

1 Samiɛl 7:6

Yɛ be yiali Mizpa-a. Be sali nzue be guɛli i ase Anannganman i nyrun. Le kun sɔ'n, be cili nglɛmun. Be waan: «E fɔnnin Anannganman i wun.» Mizpa lɛ yɛ Samiɛl yoli Izraɛl nvle'n i siefuɛ nin-ɔn.