Neemi 8:9 - NYANMIƐN NDƐ'N 1998

⁹ Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Neemi 8:9 ပူးပေါင်းရင်းမြစ်များ

2 Famiɛn Mun 22:11

Kɛ famiɛn'n tili mmla fluwa'n i nun ndɛ'n, ɔ titili i wun tralɛ'm be nun.

2 Famiɛn Mun 22:19

A tili i kɛ min waan m ´bo klɔ nga nin i nun sran'm be sannzan nan n ´nunnun be. Ndɛ sɔ'n wluli ɔ́ wun, ɔ man a titili ɔ wun tralɛ'm be nun, a kannin ɔ́ wun ase min bo, a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

2 Be Nyoliɛ 15:3

Kɛ Izraɛlfuɛ'm be nin Nyanmiɛn tili nun'n, bɔ b'a nyan-man Nyanmiɛn nyrun jranfuɛ b'ɔ kle be like'n, bɔ b'a ti-man Nyanmiɛn i mmla'n kun'n, i osu lali nun kpa.

2 Be Nyoliɛ 30:22

Levifuɛ nga be tuli be klun be dili Anannganman i junman'n, Ezekias yoli be mo. Sran'm be dili cɛn dilɛ aliɛ'n lele cɛn ba nso. Kɛ ɔ ´yo sɔ'n, wuun be ´yi bo kun yolɛ'n i su tɛ mun, wuun be ´to jue be manman Anannganman b'ɔ ti be nannan'm be Nyanmiɛn'n.

2 Be Nyoliɛ 34:19

Kɛ famiɛn'n tili mmla fluwa'n i nun ndɛ'n, ɔ titili i wun tralɛ'm be nun.

2 Be Nyoliɛ 34:21

«Amun `ko gua Anannganman bo nnya e nin Zidafuɛ mun nin Izraɛlfuɛ mun bɔ y'a ka'n e dunman nun, yɛlɛ kɛ fluwa nga y'a wun i yɛ'n i nun ndɛ'n, e nannan'm b'a fa-man i ngba su, b'a di-man su. Ɔ man Anannganman ɔ'a fa e wun ya dan kpa.»

2 Be Nyoliɛ 35:3

Levifuɛ'm be ti Nyanmiɛn liɛ. Be junman liɛ bɔ be di'n yɛlɛ sran'm be like klelɛ. Zozias seli be kɛ: «Amun `fa Anannganman i alaka'n be sie sua bɔ David wa Salomɔn b'ɔ ti Izraɛl famiɛn'n kplannin'n nun. Nán amun suɛ i amun wati su kun. Siɛn'n, amun `di Anannganman amun Nyanmiɛn'n i junman'n, yɛ amun `di wie mɛn i sran mun.

Ɛsdras 2:63

Nvle'n i Siefuɛ'n waan nán be di like ng'ɔ ti Nyanmiɛn liɛ klonglo'n wie, san Nyanmiɛn nyrun jranfuɛ kun ɔ ´dun mmua fa i ninnge nga be fa si Nyanmiɛn i klun sa ɔ ´fa usa Nyanmiɛn i nun ka.

Ɛsdras 7:11

Ɛsdras ti Nyanmiɛn nyrun jranfuɛ, i kunngba'n ti mmla klefuɛ, ɔ si mmla nga Anannganman fa mannin Izraɛlfuɛ mun'n. Fluwa nga famiɛn Artaksɛrksɛs fa mɛnnin i'n yɛ:

Neemi 10:1

Sa ng'ɔ juli ye su'n i kwlaa ti, é nuan yiali ndɛ kun su. Ndɛ sɔ'n e klɛli. E famiɛn i awlo lɔ sran dandan mun, nin e Levifuɛ mun, nin e Nyanmiɛn nyrun jranfuɛ mun, be fali bé sa nuan nzɔliɛ'n sieli su, nan y'a kata su kpan.

Neemi 12:26

Be dili be junman liɛ'n Zozadak i wa Zozie i klun ba Zozakim i blɛ su. Kɛ ɔ ´yo sɔ'n, wuun Neemi ɔ ti nvle siefuɛ'n, wuun Ɛsdras kusu ti Nyanmiɛn nyrun jranfuɛ nin mmla klefuɛ.

Neemi 7:65

Siefuɛ'n tannin be kɛ nán be di aliɛ ng'ɔ ti Nyanmiɛn liɛ klonglo'n wie. I waan be minndɛ man Nyanmiɛn nyrun jranfuɛ'n ɔ fa ninnge nga be fa si Nyanmiɛn i klun sa ɔ usa Nyanmiɛn nun ka.

Neemi 7:70

Awlobo kpɛnngbɛn sunman be mannin like kɛ be `fa di junman'n. Nvle siefuɛ'n mannin sika ɔkwlɛ kpɔlɛ akpi kun, klowa ablenun. Nyanmiɛn nyrun jranfuɛ'm be tralɛ'n ɔ mannin ya nnun ablasan.

Neemi 8:2

Ɛsdras b'ɔ ti Nyanmiɛn nyrun jranfuɛ'n ɔ fali mmla'n bali yasua nin bla, nin be kwlaa nga be wun sa wlɛ'n bɔ b'a yia'n be nyrun lɛ.

Akunndanfuɛ'n 3:4

Ɔ lɛ blɛ kun bɔ be fa sun-ɔn, yɛ ɔ lɛ blɛ kun bɔ be fa sri-ɔ. Ɔ lɛ blɛ kun bɔ be fa yi ngwlɛ-ɔ, yɛ ɔ lɛ blɛ kun bɔ be fa si able-ɔ.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Saun Yolɛ 23:24

ɔ `kan ndɛ yɛ mun kle Izraɛlfuɛ mun. I waan: «Anglo nso su'n i cɛn ba klikli'n, man be bo awɛ, kɛ awɛ'n tɛ'n, amun `yia min dunman nun nan amun `manman min.

Malasi 2:13

Amún sa kun ekun bɔ amun yo i siɛn'n, yɛlɛ amun nyinmuɛn'n, amu'an fa gua Nyanmiɛn i sɔwlɛ'n su lele ɔ'a jran su dannguun! Sunlɛ nin kokolɛ yɛ ɔ'a kaci amun junman-an. Like nga bɔ amun fa ba Anannganman i manlɛ b'ɔ sɔ-man nun'n ti.

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Rɔmfuɛ Mun 7:9

Laa bɔ n di-man mmla'n su'n, n wo lɛ, sanngɛ kɛ mmla kun sɔ'n bali'n, yɛ man be bu sa tɛ'n like

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 26:14

M'an se-man kɛ sɛ ɔ'a tɔ mín su ti nan n ´di. Kɛ fiɛn'n kannin min'n, m'an kan-man blusu sɔ'n. M'an fa-man wie m'an sie-man nziɛ. Anannganman min Nyanmiɛn, n fali ɔ́ nuan su ndɛ'n su, n niannin i kwlaa nga a kannin'n su n yoli.

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.