Neemi 8:8 - NYANMIƐN NDƐ'N 1998

⁸ Be kanngannin Nyanmiɛn i mmla fluwa'n nun weiin-weiin, kpɛkuun be tuli i bo kɛ ɔ ´yo nan sran'm be kwlaa b'a ti nga be kanngannin'n ti.

Neemi 8:8 ပူးပေါင်းရင်းမြစ်များ

2 Famiɛn Mun 23:2

I sin ɔ nin Zidafuɛ'm be kwlaa, nin Zerizalɛmfuɛ'm be kwlaa be ɔli Anannganman i sua'n nun lɔ. I Nyanmiɛn nyrun jranfuɛ mun o, i Nyanmiɛn nuan ijɔfuɛ mun o, sran kaklaakla mun o, sran kanngan mun o, sran'm be kwlakwla be nin famiɛn'n yɛ be ɔli Anannganman i sua'n nun lɔ nin-ɔn. Aenguɛ nga Anannganman nin be trali'n i nun ndɛ'n b'ɔ o fluwa nga be wunnin i Anannganman i sua'n nun lɔ'n nun'n, ɔ kɛnngɛnnin i ngba kleli be.

Ɛsdras 4:18

Fluwa nga amun fa blɛli min'n, be kacili i e aniɛn nun weiin. Be kanngan kleli min.

Neemi 8:12

Yɛ sran'm be kwlaa be ɔli be awlo nan b'a di like nan b'a nɔn nzan. Be ko mannin sran nga be lɛ-man like diwa'n be wie, yɛ be klun jɔli dan kpa, be dili cɛn, afin be wunnin ndɛ nga be tuli i bo kleli be'n i wlɛ kpa.

Neemi 8:7

I sin Levifuɛ mun, nin Zozie, Bani, Serebia, Zamɛn, Akib, Sabɛtai, Ɔdiza, Maazeza, Kɛlita, Azaria, Zozabad, Anan, ɔ nin Pɛlaza, be tuli Nyanmiɛn i mmla'n bo kleli sran mun. Be jin nglo yɛ be tie-ɔ.

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Neemi 9:3

Be kanngannin Anannganman be Nyanmiɛn'n i mmla fluwa'n nun dɔ nsan kleli be. Kɛ ɔ ´yo sɔ'n, wuun be jin nglo, kpɛkuun be kotoli Anannganman be Nyanmiɛn'n i nyrun, be dili be sa tɛ'm nanwlɛ'm dɔ nsan ekun.

Ezekiɛl 46:10

Wlengbi'n ɔ nin nvlefuɛ mun yɛ be `wlu-ɔ, yɛ ɔ nin be yɛ be `fite-ɔ.

Abakik 2:2

Kpɛkuun Anannganman'n tɛli min su kɛ: «Sa nga n su wa yi be nglo n kle wo yɛ'n, klɛ be tɛbua bue kanngan'm be su kɛ ɔ ko yo nan b'a kwla kanngan be weiin'n ti.

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

JÉSUS-CHRIST I DYASIN FE'N BO LUC KLELI'N 24:32

Yɛ be seli be wiengu kɛ: «?Kɛ ɔ ´kan ndɛ kle ye b'ɔ ´yiyi Nyanmiɛn Ndɛ nga be klɛli'n nun kle ye atin'n nun lɔ'n, ɔ yo e fɛ dan, nɛ́n i-ɔ?»

JÉSUS-CHRIST I DYASIN FE'N BO LUC KLELI'N 24:45

Yɛ ɔ man be wunnin Nyanmiɛn Ndɛ nga be klɛli'n i wlɛ-ɔ.

Sa nga bé yôli'n 28:23

Be kleli Pɔl cɛn kun, yɛ be sunman be wa toli i sikewlɛ lɛ. Kɛ ɔ ´yiyi ndɛ sɔ nun'n, ɔ kannin Nyanmiɛn sielɛ ndɛ'n kleli be, yɛ ɔ fali Moiz mmla'n nin Nyanmiɛn nuan ijɔfuɛ'm be ndɛ'n kleli be weiin kpa kɛ Jésus ndɛ'n ti nanwlɛ. Ɔ yoli i sɔ nglɛmun lele fa juli nnɔsua.