Neemi 8:7 - NYANMIƐN NDƐ'N 1998

⁷ I sin Levifuɛ mun, nin Zozie, Bani, Serebia, Zamɛn, Akib, Sabɛtai, Ɔdiza, Maazeza, Kɛlita, Azaria, Zozabad, Anan, ɔ nin Pɛlaza, be tuli Nyanmiɛn i mmla'n bo kleli sran mun. Be jin nglo yɛ be tie-ɔ.

Neemi 8:7 ပူးပေါင်းရင်းမြစ်များ

1 Famiɛn Mun 8:14

Famiɛn'n kpɛli i nyin Izraɛlfuɛ'm bé su, nan ɔ'a yra be nguan. Kɛ ɔ ´yo sɔ'n, wuun sran'm be kwlaa be jinjin nglo.

2 Be Nyoliɛ 30:22

Levifuɛ nga be tuli be klun be dili Anannganman i junman'n, Ezekias yoli be mo. Sran'm be dili cɛn dilɛ aliɛ'n lele cɛn ba nso. Kɛ ɔ ´yo sɔ'n, wuun be ´yi bo kun yolɛ'n i su tɛ mun, wuun be ´to jue be manman Anannganman b'ɔ ti be nannan'm be Nyanmiɛn'n.

2 Be Nyoliɛ 35:3

Levifuɛ'm be ti Nyanmiɛn liɛ. Be junman liɛ bɔ be di'n yɛlɛ sran'm be like klelɛ. Zozias seli be kɛ: «Amun `fa Anannganman i alaka'n be sie sua bɔ David wa Salomɔn b'ɔ ti Izraɛl famiɛn'n kplannin'n nun. Nán amun suɛ i amun wati su kun. Siɛn'n, amun `di Anannganman amun Nyanmiɛn'n i junman'n, yɛ amun `di wie mɛn i sran mun.

Ɛsdras 8:18

Kɛ Nyanmiɛn'n jin e sin'n ti'n, be ´ba-a, be nin Serebia nin i mma nin i niaan mun yɛ be bali-ɔ. Be kwlaa be ti sran yasua blu-nin-mɔcuɛ. Serebia ti sran ngwlɛlɛfuɛ, ɔ ti Makli osu'n nunfuɛ. Makli i nannan yɛlɛ Levi, yɛ Levi kusu i si yɛlɛ Zakɔb .

Neemi 10:2

Be nga be dunman o fluwa sɔ'n nun'n, bɔ be fali be sa nuan sieli su'n yɛlɛ Akalia b'ɔ ti siefuɛ'n i wa Neemi, Sedesias,

Neemi 11:16

Be kpɛnngbɛn nga be nian Nyanmiɛn i sua'n i sin junman'n i su'n yɛlɛ Sabɛtai nin Zozabad.

Neemi 11:19

Anuan su nianfuɛ mun yɛlɛ Akib, Talmɔn ɔ nin be niaan nga be nian anuan'n su'n. Be ti sran ya ableso-nin-nnyɔn.

Neemi 12:33

Azaria, Ɛsdras, Mɛsilam,

Neemi 3:17

Levifuɛ'm be di be junman liɛ'n Neemi i sa su lɛ. Levifuɛ sɔ mun yɛlɛ Bani i wa Rɛɔm, nin Asabia b'ɔ ti Kɛila asa'n i bue'n su kpɛnngbɛn'n. Kɛila dili junman i akpasua liɛ'n i nuan.

Neemi 3:19

Zozie i wa Ezɛr b'ɔ ti Mizpa kpɛnngbɛn'n ɔ o i sa su lɛ. Ɔ wlawla lika ng'ɔ o alɛ ninnge siewlɛ'n i ndɛnman'n, kan talɛ'n ti cɔnjɔ lɛ'n nun.

Neemi 3:23

Bɛnzamɛn nin Asib be o bé sa su lɛ. Be dili be junman liɛ be awlo'n i nyrun lɛ. Anania i wa Maazeza i klun ba Azaria o bé sa su lɛ. Ɔ dili i junman liɛ i awlo'n wun lɛ.

Neemi 8:12

Yɛ sran'm be kwlaa be ɔli be awlo nan b'a di like nan b'a nɔn nzan. Be ko mannin sran nga be lɛ-man like diwa'n be wie, yɛ be klun jɔli dan kpa, be dili cɛn, afin be wunnin ndɛ nga be tuli i bo kleli be'n i wlɛ kpa.

Neemi 8:4

Be fali waka be boboli lika nglo-nglo kun. I su'n ti kpɛkplɛkpɛ. I su yɛ Ɛsdras jrannin-ɔn, Matitia nin Sema, nin Anania, nin Iri, nin Ilkiza, nin Maazeza be o i sa fama su, yɛ Pɛdaza, nin Mikaɛl, nin Malkiza, nin Asɔm be o i sa bɛ su.

Neemi 8:6

Ɛsdras lali Anannganman Nyanmiɛn kpli'n i ase, kpɛkuun sran'm be kwlaa be mannin bé sa'n su nglo, yɛ be seli kɛ: «Man ɔ yo sɔ! Man ɔ yo sɔ!» I sin be kotoli utuli bé nyin ase Anannganman nyrun.

Neemi 8:8

Be kanngannin Nyanmiɛn i mmla fluwa'n nun weiin-weiin, kpɛkuun be tuli i bo kɛ ɔ ´yo nan sran'm be kwlaa b'a ti nga be kanngannin'n ti.

Neemi 9:3

Be kanngannin Anannganman be Nyanmiɛn'n i mmla fluwa'n nun dɔ nsan kleli be. Kɛ ɔ ´yo sɔ'n, wuun be jin nglo, kpɛkuun be kotoli Anannganman be Nyanmiɛn'n i nyrun, be dili be sa tɛ'm nanwlɛ'm dɔ nsan ekun.

Neemi 9:4

Zozie, Bani, Kadmiɛl, Sɛbania, Bini, Serebia, Bani, yɛ Kɛnani be jaso jrannin Levifuɛ'm bé jranwlɛ'n su lɔ, nan b'a kpan flɛ Anannganman be Nyanmiɛn'n.

Saun Yolɛ 10:11

Yɛ mmla nga bɔ n kleli Moiz'n, bɔ i kusu ɔ kleli amun'n, i blɛ nga bɔ sɛ amun wa ´kan kle Izraɛlfuɛ mun'n, nán amún nuan kan nzan ng'ɔ bo'n i wie fi.»

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.