Neemi 8:6 - NYANMIƐN NDƐ'N 1998

⁶ Ɛsdras lali Anannganman Nyanmiɛn kpli'n i ase, kpɛkuun sran'm be kwlaa be mannin bé sa'n su nglo, yɛ be seli kɛ: «Man ɔ yo sɔ! Man ɔ yo sɔ!» I sin be kotoli utuli bé nyin ase Anannganman nyrun.

Neemi 8:6 ပူးပေါင်းရင်းမြစ်များ

Bo Bolɛ 14:22

Yɛ Abram se i kɛ: «Mín sa'n yɛ m'an man su m'an kle Anannganman Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n yɛ.

Bo Bolɛ 24:26

Kpɛkuun bian'n kotoli Anannganman bo, ɔ lɛli i ase.

1 Be Nyoliɛ 16:36

Amun `la Anannganman b'ɔ ti Izraɛl Nyanmiɛn'n i ase titi! Sran'm be kwlaa be tɛli su kɛ: «Man ɔ yo sɔ! E manman Anannganman!»

1 Be Nyoliɛ 29:10

David lali Anannganman ase sran nga be yiali'n be kwlaa be nyrun. Ɔ seli kɛ: «Anannganman, e nannan Izraɛl i Nyanmiɛn, e la wɔ ase titi, e su yaci-mɛn i le.

1 Be Nyoliɛ 29:20

Yɛ David seli sran'm bɔ b'a yia'n be kɛ: «Amun `la Anannganman amun Nyanmiɛn'n i ase!» Yɛ anyia nunfuɛ'm be kwlaa be lali Anannganman b'ɔ ti be si'm be Nyanmiɛn'n i ase-ɔ. Be kotoli nan b'a utu bé nyin ase Nyanmiɛn nin famiɛn'n be nyrun.

2 Be Nyoliɛ 20:18

Zozafat kotoli yɛ ɔ utuli i nyin ase. Zidafuɛ mun nin Zerizalɛmfuɛ'm be kwlaa be kotoli yɛ be utuli bé nyin ase Anannganman nyrun wie.

2 Be Nyoliɛ 29:10

N klo kɛ e nin Anannganman b'ɔ ti Izraɛl Nyanmiɛn'n e tra aenguɛ siɛn'n kɛ ɔ ´yo nan ɔ'a guɛ i ya dan b'ɔ fɛli i e wun'n i ase'n ti.

2 Be Nyoliɛ 29:30

Yɛ famiɛn'n nin i awlo lɔ sran dandan'm be seli Levifuɛ'm be kɛ be to jue bɔ David nin Azaf b'ɔ ti Nyanmiɛn nuan ijɔfuɛ'n be kpɛli'n. Be waan be `to be manman Anannganman. Levifuɛ'm be kpajali bé wun be toli jue'n, i sin be kotoli yɛ be utuli be nyin ase, yɛ be suli Anannganman.

2 Be Nyoliɛ 6:4

Ɔ seli kɛ: «Man be manman Anannganman b'ɔ ti Izraɛl Nyanmiɛn'n, bɔ i bɔbɔ i nuan nun ɔ ijɔ kleli min si David'n, bɔ i bɔbɔ yoli ndɛ b'ɔ kannin'n i su sa'n.

Neemi 5:13

Yɛ n kpukpuli min tralɛ dan'n nun-ɔn, nan m'an se kɛ: «Sran nga ɔ'a niɛn-mɛn i ndɛ'n su ɔ'a yo-man'n, man Nyanmiɛn kpukpu i nun kɛ nga sa. Man i bɔbɔ i awlo'n nin i bo ninnge'm be fi i sa. Man Nyanmiɛn kpukpu i nun ɔ jrɛ i sa kli!» Be kwlaa be tɛli su kɛ: «Man ɔ yo sɔ!» Nan b'a manman Anannganman. I sin be niannin be ndɛ sɔ'n su be yoli.

Neemi 8:7

I sin Levifuɛ mun, nin Zozie, Bani, Serebia, Zamɛn, Akib, Sabɛtai, Ɔdiza, Maazeza, Kɛlita, Azaria, Zozabad, Anan, ɔ nin Pɛlaza, be tuli Nyanmiɛn i mmla'n bo kleli sran mun. Be jin nglo yɛ be tie-ɔ.

Jue Mun 134:2

An `man amun sa'm be su an `tinngɛ be Nyanmiɛn i sua'n i ndɛnman. An `la Anannganman i ase!

Jue Mun 141:2

Min srɛlɛ nga n srɛ'n, man ɔ yo ɔ nyrun kɛ ansans sa. Mín sa nga m man be su'n man ɔ yo ɔ nyrun kɛ nnɔsua nun tɛ bɔ be yi'n sa .

Jue Mun 28:2

Kɛ n kpan n flɛ wɔ'n, tie min aunnvuɛ srɛlɛ'n. Kɛ n tinngɛ mín sa ɔ lika nga a tran nun'n i ndɛnman bɔ n srɛ wɔ'n, tɛ min srɛlɛ'n su.

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

Jue Mun 63:4

Afin ɔ klun-ufue'n i kpa tra nguan'n. N ´fa mín nuan'n n ´yi wɔ ayɛ.

Jue Mun 95:3

Afin Anannganman ti Nyanmiɛn kun b'ɔ ti kpli. Ɔ ti famiɛn dan ɔ sie ninnge'n kwlaa.

Ezipt Lɔ Tulɛ'n 12:27

Amun `tɛ bé su kɛ: ‹Ɔ ti tɛ kun bɔ be yi be fa man Anannganman Delɛ-cɛn'n nun. Afin kɛ bɔ Izraɛlfuɛ'm be tɛ o Ezipt lɔ'n, Anannganman fali wie'n yili i Eziptfuɛ'm bé su, sanngɛ kɛ ɔ ´sin'n, ɔ'a jran-man e sua liɛ'm be su wie, ɔ yacili ye awlo'm be lɛ.› » Kɛ ɔ yoli sɔ'n, Izraɛlfuɛ'm be kotoli nan b'a su Anannganman'n.

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Zeremi 28:6

«Fiaa! Man ɔ yo sɔ. Man Anannganman'n yo i sɔ. Man Anannganman'n nian ndɛ nga a ´kɛn i lɛ'n su yo, man Anannganman fɛ i sua'n i nun ninnge nga be fa ɔli Babilɔni'n bla.

Ngwlɛ Yilɛ 3:41

Kɛ e ´srɛ Nyanmiɛn bɔ e man é sa'n su'n , i kunngba nin-ɔn, sɛ ɔ ti like bɔ be man su-ɔ ɔ yo ye'n, wuun n se kɛ e man e anwlɛn'n su nglo e kle Nyanmiɛn.

Saun Yolɛ 9:24

Be ´nian-an sin yɛ ɔ'a kpɛn Nyanmiɛn i sɔwlɛ'n su yɛ. Ɔ yrali tɛ nga be yrɛ i nnɛn'n kɔlikɔli'n nin tɛ nnɛn kun'm be lui'n. Kɛ Izraɛlfuɛ'm be wunnin i sɔ'n, kpɛkuun yɛ be bo be sroli woo-ɔ! Kpɛkuun yɛ be utuli bé nyin'n i ase-ɔ.

Matthieu 26:39

Yɛ ɔ ɔli i nyrun lɔ kaan nan ɔ'a la ɔ'a utu i nyin ase, yɛ ɔ seli i Si kɛ: «N Si, sɛ nyrɛnnɛn wie nga kwla to fuan min'n, man ɔ to fuan min, nán yo nga n klo kɛ ɔ `yo su'n, sanngɛ yo nga a klo kɛ ɔ `yo su'n.»

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

1 Korɛntfuɛ Mun 14:16

?Sɛ ɔ'a yo-man sɔ'n, sɛ Nyanmiɛn Wawɛ'n man a yi i ayɛ aniɛn wie nun sɔ'n, ɔ ´yo sɛ yɛ sran b'ɔ wun-man sa sɔ'n i wlɛ'n ɔ ´sɔ ɔ Nyanmiɛn i asenna'n su kɛ: «Man ɔ yo sɔ-ɔ?» Afin ɔ ti-man ndɛ nga a kan'n.

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

Sa nglô yile 7:11

Yɛ anz'm be kwlaa be jinjin sin yia bia'n, nin kpɛnngbɛn mun, nin like nnan bɔ be ti kɛ nnɛn sa'n. Be utu bé nyin ase bia'n nyrun lɛ, yɛ be manman Nyanmiɛn