Neemi 8:5 - NYANMIƐN NDƐ'N 1998

⁵ Kɛ Ɛsdras jin like nglo-nglo su ti'n, kɛ ɔ tikeli fluwa'n su'n, sran kwlaa be wunnin i nan b'a jaso nglo.

Neemi 8:5 ပူးပေါင်းရင်းမြစ်များ

1 Famiɛn Mun 8:12

Yɛ Salomɔn kpan seli kɛ: «Anannganman, ɔ waan a ´tran lika tuun nun.

1 Famiɛn Mun 8:14

Famiɛn'n kpɛli i nyin Izraɛlfuɛ'm bé su, nan ɔ'a yra be nguan. Kɛ ɔ ´yo sɔ'n, wuun sran'm be kwlaa be jinjin nglo.

Neemi 8:3

Kɛ ɔ fɛ nglɛmun lele b'ɔ ´fa ju midi su'n, ɔ kanngannin fluwa nun anuan bɔ be flɛ i Nzue anuan i nyrun gbaun'n nun lɛ. Ɔ kanngan kleli yasua nin bla, nin be kwlaa bɔ be wun sa wlɛ'n mun. Sran'm be kwlaa be sieli bé su tieli mmla fluwa i nun ndɛ bɔ Ɛsdras kanngannin'n.

Neemi 8:4

Be fali waka be boboli lika nglo-nglo kun. I su'n ti kpɛkplɛkpɛ. I su yɛ Ɛsdras jrannin-ɔn, Matitia nin Sema, nin Anania, nin Iri, nin Ilkiza, nin Maazeza be o i sa fama su, yɛ Pɛdaza, nin Mikaɛl, nin Malkiza, nin Asɔm be o i sa bɛ su.

Jɔlɛ Difuɛ Mun 3:20

Eid wluli i sin lɔ. Kɛ ɔ ´yo sɔ'n, wuun ɔ ti nglo sua ng'ɔ fa aunngban lɔ'n nun. Ɔ seli i kɛ: «Nyanmiɛn sunmannin min kɛ n kan ndɛ kun kle wɔ.» Yɛ famiɛn'n jasoli i famiɛn bia'n su-ɔ.