Neemi 8:3 - NYANMIƐN NDƐ'N 1998

³ Kɛ ɔ fɛ nglɛmun lele b'ɔ ´fa ju midi su'n, ɔ kanngannin fluwa nun anuan bɔ be flɛ i Nzue anuan i nyrun gbaun'n nun lɛ. Ɔ kanngan kleli yasua nin bla, nin be kwlaa bɔ be wun sa wlɛ'n mun. Sran'm be kwlaa be sieli bé su tieli mmla fluwa i nun ndɛ bɔ Ɛsdras kanngannin'n.

Neemi 8:3 ပူးပေါင်းရင်းမြစ်များ

Neemi 10:29

Izraɛlfuɛ kun nga'm be yɛ: Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, nin Nyanmiɛn i sua'n nun junman difuɛ bɔ be lɛ su kpɛn mun'n, ɔ nin be kwlaa nga be nin nvle uflɛ'm be tili nun afin be kunndɛ kɛ be ´fa Nyanmiɛn mmla'n su'n, be sɔfuɛ mun nin bé yi, nin be mma bla annzɛ yasua nga be wun sa wlɛ'n.

Neemi 13:1

I blɛ sɔ nun'n, be kanngannin Moiz fluwa'n Izraɛlfuɛ'm be nyrun. Ɔ ti klɛwa i nun kɛ ɔ fata-man kɛ Amɔnfuɛ nin Moabfuɛ'm be wlu Nyanmiɛn i nvle'n nun mlɔnmlɔn le,

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.

Neemi 8:18

Kɛ ɔ fɛ i cɛn klikli'n lele bɔ be cɛn dilɛ'n ´fa wie'n, be kanngannin Nyanmiɛn mmla fluwa'n nun tititi. Be dili le nso, i le mɔcuɛ'n su'n, be kwlaa be yoli anyia dan kpa kun likawlɛ kɛ mmla'n kannin'n sa.

Neemi 8:4

Be fali waka be boboli lika nglo-nglo kun. I su'n ti kpɛkplɛkpɛ. I su yɛ Ɛsdras jrannin-ɔn, Matitia nin Sema, nin Anania, nin Iri, nin Ilkiza, nin Maazeza be o i sa fama su, yɛ Pɛdaza, nin Mikaɛl, nin Malkiza, nin Asɔm be o i sa bɛ su.

Neemi 8:5

Kɛ Ɛsdras jin like nglo-nglo su ti'n, kɛ ɔ tikeli fluwa'n su'n, sran kwlaa be wunnin i nan b'a jaso nglo.

Marc 12:37

David bɔbɔ flɛli i i Min. ?Sɛ ɔ ti sɔ'n, ɔ yo sɛ yɛ ɔ ti i anunman-an? Sran kpanngban sɔ'n bɔ be tie i ndɛ'n, ɔ yo be fɛ.»

JÉSUS-CHRIST I DYASIN FE'N BO LUC KLELI'N 19:48

Sanngɛ be si-man kɛ be yo nan b'a nyɛn i-ɔ, afin sran'm be kwlaa bé su wo i nuan'n bo.

JÉSUS-CHRIST I DYASIN FE'N BO LUC KLELI'N 8:18

Ɔ man an `sie amún su ndɛ nga be kan'n be su kpa, afin sran ng'ɔ lɛ like'n yɛ be mɛn i wie-ɔ, sanngɛ ng'ɔ lɛ-man like'n, kaan ng'ɔ wo i sa nun b'ɔ lafi su'n, be ´de.»

Sa nga bé yôli'n 13:15

Kɛ be wieli mmla'n nin Nyanmiɛn nuan ijɔfuɛ'm be fluwa'n i kanngan'n, Nyanmiɛn ndɛ suanlɛ nin i srɛlɛ sua su kpɛn'm be sunmannin sran kɛ be ko se be kɛ: «Nja mun, kpɛnngbɛn'm be waan sɛ an lɛ afɔtuɛ ndɛ wie bɔ an klo kɛ amun ´kan kle sran mun'n, an `kan.»

Sa nga bé yôli'n 13:27

Zerizalɛmfuɛ'm be nin bé su kpɛn mun b'a si-man Jésus, yɛ Nyanmiɛn nuan ijɔfuɛ'm be ndɛ bɔ be kɛnngɛn i wunmiɛn-delɛ-cɛn'n kwlaa'n, b'a wun-mɛn i wlɛ, ɔ man kɛ be dili i jɔlɛ bɔ be buli i fɔ'n, sa nga be kɛnngɛn i ndɛ sɔ'n nun kɛ ɔ ´ju'n yɛ be ´yoli-ɔ.

Sa nga bé yôli'n 15:21

Afin kɛ ɔ fin lalafuɛ nun'n, sran'm be o klɔ'n kwlakwla su be kan Moiz mmla'n i nun ndɛ'n, yɛlɛ kɛ be kɛnngɛn i wunmiɛn-delɛ-cɛn kwlaa Nyanmiɛn ndɛ suanlɛ nin i srɛlɛ sua'm be nun.»

Sa nga bé yôli'n 16:14

Bla kun b'ɔ su Nyanmiɛn'n wo lɛ, be flɛ i kɛ Lidi, ɔ fin klɔ'n bɔ be flɛ i Tiatir'n su, ɔ yo tannin kpakpa bɔ i nyin ti ɔkwlɛ kankankan atɛ. Ɔ sie i su e ndɛ'n su, e Min'n man i akunndan tran ndɛ bɔ Pɔl kan'n su, nan ɔ'a fa su.

Sa nga bé yôli'n 17:11

Zuif sɔ'm be nzuɛn'n ti kpa tra Tɛsalonik liɛ mun, be fali Nyanmiɛn ndɛ'n su ndɛndɛ, cɛn kwlaa be fa Nyanmiɛn ndɛ nga be klɛli'n nin ndɛ nga Pɔl kan kle be'n, be sunnzun nian sɛ ɔ ti kun o.

Sa nga bé yôli'n 20:11

Kɛ ɔ fuli lɔ ekun'n, ɔ bubu kpaun nun dili, i sin ɔ nin be kokoli yalɛ lele aliɛ'n fa cɛnnin, nan ɔ'a wɔ.

Sa nga bé yôli'n 20:7

Mɔnnɛn bɔ sɛ aliɛ cɛn-ɔn Pɔl ´kɔ'n, e yiali kɛ e ´di like e ´fa kɔminiɔn. Pɔl kan ndɛ kleli be bɔ be yiali lɛ'n lele fa juli lika mlunnuɛn nun.

Sa nga bé yôli'n 28:23

Be kleli Pɔl cɛn kun, yɛ be sunman be wa toli i sikewlɛ lɛ. Kɛ ɔ ´yiyi ndɛ sɔ nun'n, ɔ kannin Nyanmiɛn sielɛ ndɛ'n kleli be, yɛ ɔ fali Moiz mmla'n nin Nyanmiɛn nuan ijɔfuɛ'm be ndɛ'n kleli be weiin kpa kɛ Jésus ndɛ'n ti nanwlɛ. Ɔ yoli i sɔ nglɛmun lele fa juli nnɔsua.

Mmla'n 31:9

Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.

Sa nglô yile 2:29

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n!› »

Sa nglô yile 3:22

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n!› »