Neemi 8:17 - NYANMIƐN NDƐ'N 1998

¹⁷ Be kwlaa nga be fin kanga nun bali'n, be kplannin kpata be trannin nun. Kɛ ɔ fin Nɛn i wa Zozie blɛ su lele b'ɔ ´fa ju blɛ nga'n, be nian yo-mɛn i sɔ le. Aklunjuɛ'n yoli dan nan b'a di cɛn bɔbɔ.

Neemi 8:17 ပူးပေါင်းရင်းမြစ်များ

1 Be Nyoliɛ 29:22

Be dili like, yɛ be nɔnnin nzan Anannganman nyrun. Be klun jɔli kpa. Le kun sɔ'n nun'n be sieli David i wa Salomɔn famiɛn kpɛ nnyɔn su. Be guɛli i su ngo Anannganman nyrun lɛ, be waan ɔ `yo be nyrun mmua dunfuɛ. Be guali Zadɔk kusu su ngo wie, be waan ɔ `yo Nyanmiɛn nyrun jranfuɛ.

2 Be Nyoliɛ 30:26

I li be nga be klun'n jɔli dan tratrali su'n, yɛlɛ Zerizalɛmfuɛ mun, afin kɛ ɔ fɛ i David wa Salomɔn b'ɔ ti famiɛn'n i blɛ su lele b'ɔ ´fa ju blɛ ng'ɔ o lɛ nun'n, b'a di-man cɛn kɛ ng'ɔ o lɛ'n sa Zerizalɛm lɛ kun.

2 Be Nyoliɛ 35:18

Kɛ ɔ fɛ Samiɛl b'ɔ ti Nyanmiɛn nuan ijɔfuɛ'n i blɛ su lele b'ɔ fa ju lɛ'n, be nian di-man Delɛ-cɛn'n kɛ nga sa le kun. Izraɛl famiɛn uflɛ fi nian siesie-man cɛn kɛ nga Zozias, nin Nyanmiɛn nyrun jranfuɛ mun, nin Levifuɛ mun, nin Zidafuɛ'm be kwlaa, nin Izraɛlfuɛ nga be o lɛ'n, ɔ nin Zerizalɛmfuɛ'm be fa siesieli bɔ be dili'n sa.

2 Be Nyoliɛ 8:13

Tɛ ng'ɔ fata kɛ be nian be cɛn'm be su be yi'n, bɔ Moiz kannin be ndɛ'n, Salomɔn yi be. Ɔ yi wunmiɛn-delɛ-cɛn'n nun liɛ'n mun, nin anglo le kun liɛ'n mun, ɔ nin cɛn dandan nsan nga be di be afuɛ kwlakwla'n be liɛ'n mun. Cɛn dandan sɔ mun'n, kun yɛlɛ kpaun bɔ kpaun ayre nun-man nun'n i cɛn'n, kun yɛlɛ le mɔcuɛ'n i cɛn'n, yɛ kun ekun yɛlɛ kpata'm bé ti cɛn dilɛ'n.

Ɛsdras 3:4

I sin be dili tannin sua'm be cɛn'n kɛ be klɛli i kɛ be di'n sa. Cɛn kwlaa, nnɛn nga be kleli'n, be niɛn i nuan'n su be kun be. Be fa yi tɛ nga be yrɛ i nnɛn'n kɔlikɔli'n.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Mmla'n 16:15

Amun `di cɛn sɔ'n le nso lika nga Anannganman amun Nyanmiɛn'n ɔ kle'n nun, amun `di fa mɛnmɛn i. Amun `yi amun aklunjuɛ i nglo yɛlɛ kɛ Anannganman amun Nyanmiɛn'n yo man amun fie'm be yo kpa, yɛ like kwlaa nga amun yo'n ɔ ´yo ye.

Hébreu 11:13

Be kwlaa be lafi Nyanmiɛn su lele be fa wuli, sanngɛ ɔ nin i sɔ'n ngba'n, b'a nyan-man ninnge nga i waan ɔ ´fa man be'n. Be wunnin be mmua lɔ, ɔ man be klun jɔli. Yɛ be dili bé wun nanwlɛ kɛ be ti aofuɛ nin wlan-wlanfuɛ asiɛ'n su .

Hébreu 11:9

I su b'ɔ lafi'n ti, ɔ ko trannin nvle nga i waan ɔ ´fa mɛn i'n nun kɛ aofuɛ sa. Ɔ nin Izaak nin Zakɔb bɔ be kusu be ´nyan like nga i waan ɔ ´fa mɛn i'n wie'n, be trannin tannin sua'n nun.

Hébreu 4:8

Afin sɛ Zozie man be deli wunmiɛn'n, wuun Nyanmiɛn a kan-man cɛn uflɛ ndɛ kun .

Zozie 1:1

Kɛ Anannganman i sufuɛ Moiz wuli'n , Anannganman seli Nɛn i wa Zozie b'ɔ ti Moiz i gbanflɛn'n kɛ: