Neemi 7:2 - NYANMIƐN NDƐ'N 1998

² N sieli min niaan Anani ɔ nin Anania Zerizalɛm klɔ'n su kpɛnngbɛn. Anania ti sran kun b'ɔ nanti klanman, yɛ i nyin yi Nyanmiɛn tra sran sunman.

Neemi 7:2 ပူးပေါင်းရင်းမြစ်များ

Bo Bolɛ 42:18

I cɛn nsan'n su'n, Zozɛf seli be kɛ: «Min nyin yi Nyanmiɛn, i ti, n wa kle amun sa kun. Sɛ amun nian su yo'n, amun ´fite nun.

2 Samiɛl 23:3

Izraɛl Nyanmiɛn'n ijɔli. Nyanmiɛn b'ɔ ti kɛ Izraɛl i yɛbuɛ'n sa'n b'ɔ talo i'n, ɔ seli min kɛ: ‹Sran ng'ɔ sie sran mun'n, sɛ ɔ ti nanwlɛfuɛ'n yɛ sɛ i nyin yi min'n,

1 Famiɛn Mun 18:12

Kɛ n ´fin ɔ́ wun wa bɔ n ´kɔ cɛ'n, wienun-ɔn, Anannganman i Wawɛ'n ɔ wa man ɔ́ su kɔ lika wie bɔ n si-mɛn'n, kusu wuun m'an dun mmua se min min'n kɛ wɔ yɛ a ba lɛ-ɔ. Ɔ man be wa kunndɛ wɔ lele ngbɛn. Yɛ ɔ man be ´kun min. Kɛ ɔ fin n bakan nun lele'n, min nyin yi Anannganman'n.

1 Famiɛn Mun 18:3

Akab flɛli Abdias b'ɔ ti i awlo'n su kpɛn'n. Abdias sɔ'n i nyin yi Anannganman kpa.

Neemi 1:2

Anani b'ɔ ti min niaan'm be nun kun'n, ɔ nin sran wie'm be fin Zida be bali. N usali be nga be fin kanga nun ɔli'n be osu be sa nun. Yɛ n usali Zerizalɛm klɔ'n i wun ndɛ ekun.

Neemi 13:13

N sieli Selemia b'ɔ ti Nyanmiɛn nyrun jranfuɛ'n, nin Zadɔk b'ɔ ti fluwa klɛfuɛ'n, ɔ nin Pɛdaza b'ɔ ti Levifuɛ'n be kɛ be nian sua ba nga be sie ninnge nun'n be su. N fali Matania i wa Zakir i klun ba Anan n ukali be su. Be kwlaa sɔ'n, sran'm be di be wun lalo kɛ be ti sran kpa. Be yɛ n seli be ekun kɛ be cɛ ninnge'n nun be man be niaan mun-ɔn.

Neemi 2:8

Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Neemi 7:3

N seli be kɛ: «Sɛ wia nian tu-mɛn i bo'n, nán be tike Zerizalɛm klɔ'n i anuan mun. Nnɔsua'n, man be nyin ka nan anuan su nianfuɛ'm b'a jra junman. Man Zerizalɛmfuɛ'm be sasa klɔ'n, be `kacikaci bé wun. Be `siesie wie'm be lika'm be nun, wie'm be kusu be `jranjran be awlo'm be nyrun.»

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Jue Mun 101:6

Be nga be fa bé wla gua bé su-ɔ ɔ yo ye'n, be yɛ n ´kunndɛ be-ɔ, n ´fa be n ´sie mín wun. Sran ng'ɔ nanti sein'n, ɔ ´yo min mantanfuɛ.

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Daniɛl 6:4

Daniɛl i junman ng'ɔ di'n ɔ trɛ i wiengu nnyɔn'm be liɛ'n yɛ ɔ tra akpasua'm bé su kpɛn'm be kpɛnngbɛn'm be kwlaa be liɛ'n. Afin wawɛ ng'ɔ o i nun'n i dan tra be liɛ'n. I sɔ'n ti, famiɛn waan ɔ ´fɛ i fa sie i famiɛn diwlɛ wunmuan'n su.

Kalɛ 12:7

Sanngɛ min sufuɛ Moiz liɛ'n, ɔ ti-man sɔ. I liɛ'n, ɔ nian min awlo'n su kpa.

Matthieu 24:45

«?Sran kpa nanwlɛfuɛ b'ɔ si ngwlɛlɛ'n bɔ i min'n fɛ sie i sran'm bé su kɛ ɔ man be aliɛ blɛ ng'ɔ ti i nuan su'n i su'n, yɛlɛ wan?

Matthieu 25:21

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

1 Korɛntfuɛ Mun 4:2

Kusu sa ng'ɔ ti cinnjin'n, yɛlɛ kɛ sran ng'ɔ nian ninnge su'n, ɔ `yo sran kpa.

2 Timote 2:2

Ndɛ nga a tili i kɛ n kɛnnin i sran kpanngban be nyrun'n, kan ndɛ sɔ'n, fa yaci i be nga a lafi bé su bɔ be kusu be kwla kan kle sran uflɛ'n, bé sa nun.