Neemi 7:1 - NYANMIƐN NDƐ'N 1998

¹ Kɛ talɛ'n wieli bɔ n wlali anuan mun'n, yɛ e fali anuan su nianfuɛ mun, nin jue tofuɛ mun, nin Levifuɛ mun e sieli be junman'n su-ɔ.

Neemi 7:1 ပူးပေါင်းရင်းမြစ်များ

2 Famiɛn Mun 7:10

Yɛ be ɔli-ɔ. Kɛ be juli lɔ'n, be flɛli anuan nun gladi difuɛ mun, nan b'a bo jasin'n b'a kle be. Be waan: «E ɔli Sirifuɛ'm be nanmue'n nun lɔ. Sran fi nun-man lɔ, y'a ti-man sran fi ngan. Like nga be o lɔ'n, yɛlɛ nnɛn kpanngɔ mun, ɔ nin aflunmun mun, be minnda-minnda lɛ. Yɛ tannin sua'm be o lɛ bɔ cɛ.»

2 Be Nyoliɛ 31:2

Ezekias sieli Nyanmiɛn nyrun jranfuɛ mun nin Levifuɛ'm be akpasua-akpasua ekun. Sran kun i junman ng'ɔ di i akpasua'n su'n, ɔ kleli i. Anannganman i sua'n nun'n, Nyanmiɛn nyrun jranfuɛ mun nin Levifuɛ'm be junman'n yɛlɛ tɛ nga be yra be nnɛn'n kɔlikɔli'n nin bo kun yolɛ'n i su tɛ'm be yilɛ. Wie'm be kusu'n Anannganman sulɛ'n wafa'n nin jue nga be to be mɛnmɛn i'n, be yɛ be nian su-ɔ.

Ɛsdras 3:8

Kɛ be sali be sin Zerizalɛm bɔ lɛ yɛ Nyanmiɛn i sua'n wo'n, be afuɛ nnyɔn i anglo nnyɔn su'n, Sealtiɛl i wa Zorobabɛl nin Zozadak i wa Zozie, nin be niaan Nyanmiɛn nyrun jranfuɛ mun, ɔ nin Levifuɛ mun, ɔ nin be kwlaa nga be trali be lomuɛn bɔ be sali be sin'n, be boli junman'n bo. Be sieli Levifuɛ nga b'a di afuɛ ablaɔn annzɛ afuɛ ablaɔn ɔ'a tra'n kɛ be nian Anannganman i sua kplanlɛ junman'n su.

Neemi 10:39

Man Aarɔn i osu'n nunfuɛ kun b'ɔ ti Nyanmiɛn nyrun jranfuɛ'n ko sunman Levifuɛ nga be dede blusu'n mun. Levifuɛ'm be `fa blusu sɔ'm be blusu be `fa bla e Nyanmiɛn i sua'n nun lɔ sua ba'm be nun, kan be sie ninnge kpakpa'm be lɔ'n.

Neemi 11:3

Zida klɔ kun nga'm be su'n, sran'm be kali be asiɛ nin be klɔ'm be su. Be sɔfuɛ mun yɛlɛ Nyanmiɛn nyrun jranfuɛ mun, nin Levifuɛ mun, nin Nyanmiɛn i sua'n nun junman difuɛ nga be lɛ su kpɛn mun'n, ɔ nin Salomɔn i sufuɛ mun. Zida kpɛnngbɛn kun nga'm be trannin Zerizalɛm.

Neemi 12:24

Asabia nin Serebia, nin Kadmiɛl i wa Zozie bɔ be ti Levifuɛ'm be kpɛnngbɛn'n, be nin be niaan mun, be yɛ be to Nyanmiɛn i manmanlɛ nin i ayɛ yilɛ jue mun-ɔn. Be tran Levifuɛ kun nga'm be nyrun ndɛnman su. Be niannin nga David b'ɔ ti Nyanmiɛn i sran'n ɔ siesieli'n su yɛ be yoli-ɔ.

Neemi 6:1

Sanbalat nin Tɔbiza, ɔ nin Gesɛm b'ɔ ti Arabfuɛ'n, ɔ nin e kpɔfuɛ nga'm be tili i kɛ m'an kplan talɛ'n, nan m'an tannintannin i toklo'n ngba. Kɛ ɔ ´yo sɔ'n, wuun n nian wla-man anuan mun bɔbɔ,

Neemi 6:15

Talɛ'n wieli Elil anglo'n i le ablaɔn-nin-nnun'n su. I kplanlɛ'n dili cɛn ba ablenun-nin-nnyɔn.

Neemi 6:19

Be yi i ayɛ min nyrun bɔbɔ. Be kan ndɛ nga n kan kle be mun kle i. Yɛ Tɔbiza klɛ fluwa mun ɔ wa wlan-wlan min.