Neemi 6:9 - NYANMIƐN NDƐ'N 1998

⁹ Be kwlaa sɔ'm be waan be ´wlanwlan ye. Be bu kɛ wuun é sa sin ´bubu ye nan e ´yaci junman'n dilɛ. «I ti Nyanmiɛn, wla min fanngan!»

Neemi 6:9 ပူးပေါင်းရင်းမြစ်များ

2 Be Nyoliɛ 15:7

Amun liɛ'n, amun `jran kekle, nán amún sa sin bubu amun, afin amun wa nyan amun junman nga amun di'n i nuan like.»

2 Be Nyoliɛ 32:18

Be nga Sankerib sunmannin be'n, be kpannin kekle kpa Ebre aniɛn'n nun be kannin ndɛ kleli sran nga be o Zerizalɛm wun talɛ'n su'n. Be waan be ´yo sɔ nan srɛ kun sran sɔ mun. I liɛ'n, kɛ bé sa sin bubu be'n, be ´kwla fa klɔ'n ndɛndɛ.

Ɛsdras 1:6

Be tranfuɛ'm be kwlaa be ukali be. Be mannin be jɛtɛ ufue, nin sika ɔkwlɛ ninnge mun, nin ninnge uflɛ mun, nin ninnge uflɛ b'ɔ be ti kpakpa mun ekun, ɔ nin nnɛn mun. Be mannin be be klun klo ninnge mun ekun.

Neemi 6:14

«Min Nyanmiɛn, nán ɔ wla fi Tɔbiza nin Sanbalat be nyoliɛ'm be su. Nán ɔ wla fi ɔ nuan ijɔfuɛ Nɔadia, ɔ nin ɔ nuan ijɔfuɛ kun nga mun bɔ be kunndɛ kɛ be ´wla min srɛ'n be su.»

Jue Mun 138:3

I nun bɔ n kpan flɛli wɔ'n, a tɛli mín su. A wlali min fanngan, a mannin min wunmiɛn.

Jue Mun 56:3

Ee Nyanmiɛn, wɔ bɔ a o like kwlaa ti su'n, nian, cɛn kwlaa min kpɔfuɛ'm be su min su nin ndɛnngan'n. Be sɔnnin, be nin min kun.

Jue Mun 68:35

Amun `kɛn i kpa man be ti i kɛ Nyanmiɛn'n ɔ kwla. I dunman dan'n wo Izraɛl su. I kwlalɛ b'ɔ kwla'n ɔ fu lele ju nyanmiɛn ble'n nun lɔ.

Jue Mun 71:1

Anannganman, ɔ sin yɛ n kunndɛ n fia-a, nán man n wun nyannzuɛn ngbɛn mlɔnmlɔn.

Ezai 40:29

Sran nga ɔ'a fɛ'n, ɔ mɛn i wunmiɛn. Yɛ ɔ wla sran ng'ɔ ti fakafaka'n i nun fanngan .

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Zeremi 38:4

Kɛ famiɛn'n i awlo lɔ sran dandan sɔ'm be tili i sɔ'n, be seli famiɛn'n kɛ: «Yasua nga, ɔ nin wulɛ yɛ ɔ fata-a. Afin ndɛ ng'ɔ kan be'n, be bubu sonja kanngan bɔ be ka'n, ɔ nin Zidafuɛ'm bé sa sin. Yasua nga kunndɛ-man kɛ nvle nga yo kpa. Sa tɛ yɛ ɔ sunnzun i nin i-ɔ.»

Ezekiɛl 30:24

M ´man Babilɔni famiɛn'n i fanngan. N ´fa min tokofi n ´wlɛ i sa nun, yɛ m ´bubu Ezipt famiɛn'n i sa mun. Ɔ ´wu kɔ'n, wuun ɔ ´kplin i kpɔfuɛ'n i nyin bo lɛ.

Zakari 10:12

N ´yo man min sran'm be ´yo yasua. Be ´nian min dunman'n su yɛ be ´nanti-ɔ. M bɔbɔ min Anannganman'n, min yɛ n kan sɔ-ɔ.»

2 Korɛntfuɛ Mun 12:9

Sanngɛ ɔ seli n kɛ: «Ye nga n yo wɔ'n ɔ ju wɔ, afin kɛ sran'n ɔ lɛ-man wunmiɛn'n i nun sɔ'n nun yɛ n yi min wun nglo kɛ n kwla like'n kwlaa yo-ɔ.» Ɔ man n klun jɔ n fuɛn bɔ n ti'n su nan Krist yi i dan'n b'ɔ ti'n i nglo.

Efɛzfuɛ Mun 3:16

Kɛ anyrunnyan ninnge'm be sɔnnin i sa nun'n dan'n ti'n, n srɛ i kɛ i Wawɛ'n wla amun fanngan nan an tra amun anwlɛn yɛ an jran kekle

Efɛzfuɛ Mun 6:10

Min ndɛ'n i atabo'n yɛ: Man e Min'n tin amun sran wunmuan bɔ amun nin i amu'an kaci nin i kwlalɛ b'ɔ lɛ-man wunsu'n ti.

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

Hébreu 12:12

I sɔ'n ti, an `kpɛntɛn amún sa bɔ b'a kpɔ'n nin amún ja bɔ b'a nyan amun wun'n, be nun .

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.