Neemi 6:15 - NYANMIƐN NDƐ'N 1998

¹⁵ Talɛ'n wieli Elil anglo'n i le ablaɔn-nin-nnun'n su. I kplanlɛ'n dili cɛn ba ablenun-nin-nnyɔn.

Neemi 6:15 ပူးပေါင်းရင်းမြစ်များ

Ɛsdras 6:14

Zuif kpɛnngbɛn'm be kplannin sua'n ɔ wieli weiin. Nyanmiɛn nuan ijɔfuɛ Aze, ɔ nin Ido i wa Zakari be ndɛ nga Nyanmiɛn fa wlali be nuan'n, ɔ wlali be fanngan. Be wieli sua'n kplan kɛ Izraɛl Nyanmiɛn'n kannin'n sa. Be fali Siris nin Dariis, nin Artaksɛrksɛs bɔ be ti Pɛrs famiɛn'n bé nuan ndɛ'n su.

Ɛsdras 6:15

Sua'n wieli Adar anglo'n i le nsan'n su. Kɛ famiɛn Dariis trannin bia'n su'n i afuɛ nsiɛn'n su-ɔ.

Neemi 7:1

Kɛ talɛ'n wieli bɔ n wlali anuan mun'n, yɛ e fali anuan su nianfuɛ mun, nin jue tofuɛ mun, nin Levifuɛ mun e sieli be junman'n su-ɔ.

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 147:2

Anannganman su kplan Zerizalɛm i uflɛ. Izraɛlfuɛ nga be trali be lomuɛn ɔli'n, i yɛ ɔ yiayia bé nuan-an.

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.