Neemi 6:13 - NYANMIƐN NDƐ'N 1998

¹³ Be waan be ´yo sɔ nan srɛ kun min nan n nian ng'ɔ kannin'n su n yo, nan n fɔn, nan n dunman tɛ'n wɔ, nan be ´fa gua min nyin ase.

Neemi 6:13 ပူးပေါင်းရင်းမြစ်များ

Neemi 6:12

N wunnin kɛ nán Nyanmiɛn yɛ ɔ sunmɛnnin i-ɔ. Ndɛ nga i waan Nyanmiɛn fa wlɛli i nuan kɛ ɔ kan kle min'n, kannzu Sanbalat nin Tɔbiza b'a mɛn i sika.

Neemi 6:6

Ɔ klɛli i nun kɛ: «E ti unkun-unkun sran'm be afiɛn kɛ a nin Zuif mun amun klo kɛ amun ´jaso famiɛn'n i wun i ti yɛ a kplan talɛ nin-ɔn. Be waan a klo kɛ a ´yo Zuif'm be famiɛn. E tili ndɛ kunngba'n Gesɛm i nuan nun ekun.

Nyanndra Mun 22:1

Sɛ be bo ɔ dunman kpa'n, ɔ ti kpa tra anyanbeun ninnge'n kwlaa. Sɛ sran'm be bo ɔ dunman kpa'n, ɔ ti kpa tra sika ɔkwlɛ nin jɛtɛ ufuɛ'n.

Nyanndra Mun 29:5

Sran ng'ɔ lɛkɛ i wiengu'n, ɔ sua i bɔbɔ wun aya.

Akunndanfuɛ'n 7:1

Sran i dunman kpa nga be bo i sa'n, ɔ ti kpa tra ayre fanninfannin i kpafuɛ'n bɔbɔ. Sran i wie cɛn'n i kpa trɛ i awuliɛ cɛn'n.

Ezai 51:7

Amun nga amun si nanwlɛ'n, amun nga min mmla'n wo amun anwlɛn'n nun'n, amun `sie amún su mín nuan'n bo! Nán amun sro kputulɛ bɔ sran'm be ´kputu amun'n, sɛ be kpɛ amun nzowa'n, nán amun usu.

Ezai 57:11

?Wan yɛ srɛ kun amun i wun-ɔn? ?Wan yɛ amun sro i ti yɛ man amun laka min b'ɔ man amún wla kpɛn-man mín su, b'ɔ man amun ndɛ nun-man min ndɛ nun nin-ɔn? M muannin min nuan ɔ'a cɛ kpa. ?I sɔ'n ti yɛ amun sro-man min kun nin-ɔn?

Zeremi 1:17

Nan i ti'n, tanndan wɔ wun, jaso ko kan ndɛ nga n ´fa wla ɔ́ nuan yɛ'n kle be. Nán srɛ kun wɔ bé wun, ɔ yo sɔ-ɔ, n ´yo man srolɛ nga a sro be'n ɔ ´yo dan tra su.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Ezekiɛl 2:6

Sanngɛ Ezekiɛl, ɔ liɛ'n, nán sro be, nán sro bé nuan nun ndɛ mun. N si kɛ ndɛ nga a kan'n be ´kaci i. A wa yo kɛ sran b'ɔ o owie-owie nin nyannglan'm be nun'n sa. Sanngɛ nán man sran sɔ'm be ndɛ nga be ´kan'n nin be aeliɛ'm be kun wɔ srɛ.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Matthieu 22:15

Yɛ Farizifuɛ'm be ko wunnin be wun-ɔn, be kunndɛ kɛ be ´tie Jésus nuan bo ndɛ nan be ´jran su fa trɛ i.

Matthieu 26:59

Nyanmiɛn nyrun jranfuɛ dandan'm be nin jɔlɛ difuɛ dandan'm be kwlaa be kunndɛ Jésus wun sa kun bɔ be ´jran su fa kun i.

Sa nga bé yôli'n 6:13

Be man sran wie'm be jrannin be nyrun lɛ be tɔnnin i suɛn seli kɛ: «Bian nga kan Nyanmiɛn lika ng'ɔ o yɛ'n nin mmla'n be sacilɛ ndɛ titi,

2 Korɛntfuɛ Mun 11:12

Like nga n yo'n, n ´yo i kwlaa sɔ'n titi nan be nga be kunndɛ kɛ sran'm be bu kɛ be nin ye sɛ'n, n ´fa gua bé nyin ase.

1 Timote 5:14

I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

2 Timote 1:7

Afin Nyanmiɛn a fɛ-mɛn i Wawɛ'n ɔ'a man-man e kɛ e sa nyan, sanngɛ ɔ fa mannin e kɛ ɔ `wla e fanngan, e `klo i bɔbɔ Nyanmiɛn nin sran, yɛ e `si ngwlɛlɛ.

Tite 2:8

Kan ndɛ ng'ɔ ti kpa'n nan sran fi a se-man kɛ ndɛ nga a kan'n ti tɛ, nan ɔ kpɔfuɛ'm bé nyin gua ase, afin be su wun-man é wun ndɛ fi kan-man.

Jacques 4:17

Sran ng'ɔ si kɛ like nga sɛ ɔ yo-ɔ ɔ ti kpa b'ɔ yo-man'n, wuun ɔ'a yo sa tɛ.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»