Neemi 6:12 - NYANMIƐN NDƐ'N 1998

¹² N wunnin kɛ nán Nyanmiɛn yɛ ɔ sunmɛnnin i-ɔ. Ndɛ nga i waan Nyanmiɛn fa wlɛli i nuan kɛ ɔ kan kle min'n, kannzu Sanbalat nin Tɔbiza b'a mɛn i sika.

Neemi 6:12 ပူးပေါင်းရင်းမြစ်များ

Neemi 6:11

N tɛli i su kɛ: «N ti-man sran nyrun wanndifuɛ. ?Sɛ sran kɛ min sa ɔ wlu Nyanmiɛn i sua nun'n, nán wulɛ cɛ yɛ ɔ ´wu-ɔ? N wlu-man lɔ!»

Neemi 6:13

Be waan be ´yo sɔ nan srɛ kun min nan n nian ng'ɔ kannin'n su n yo, nan n fɔn, nan n dunman tɛ'n wɔ, nan be ´fa gua min nyin ase.

Ezai 56:11

Be ti kɛ alua'm bɔ be ti aliɛ safuɛ'n sa, be di like-ɔ, be ku yi-man. Be ti bua kankanfuɛ mun bɔ be wun-man sa fi wlɛ, be kwlaa be fa be klun klo atin. Like ng'ɔ ti be liɛ'n i ngunmin cɛ yɛ ɔ lo be-ɔ.

Zeremi 14:14

Yɛ Anannganman'n tɛli min su kɛ: «I sɔ sran liɛ'm be tɔn be wun suɛn ngbɛn, nán min yɛ n sunmannin be-ɔ. M'an fa-man ndɛ m'an sie-man be nyrun, m'an kan-man ndɛ m'an kle-man be. Bé ti nun ninnge nga be wun i'n, ɔ ti ato. Sa nga be kɛn i kɛ ɔ wa ju'n, finfin ndɛ yɛ be kan-an. Be kpɛ bé ti nun yɛ be kan-an.»

Zeremi 23:16

Anannganman b'ɔ sie mɛn wunmuan'n wan yoo: «Be nga be bu be wun kɛ be ijɔ min nuan'n, be ndɛ nga be ´kan kle amun'n, nán amun fa amún su sie i bo. Aolia nun like nga be ´kɛn i ndɛ kle amun'n, ɔ fin be bɔbɔ be akunndan'n nun. Nán min nuan su ndɛ-ɔ.

Zeremi 23:25

Ndɛ nga be nga be waan be ijɔ min nuan'n be kan'n, n tili. Be tɔn bé wun suɛn kɛ be ijɔ mín nuan. Be ko se kɛ: «N cɛnnin laliɛ kun, n cɛnnin laliɛ kun.»

Zeremi 28:15

Yɛ Nyanmiɛn nuan ijɔfuɛ Zeremi seli Nyanmiɛn nuan ijɔfuɛ Anania kɛ: ‹Anania, sie ɔ́ su tie, Anannganman'n ɔ'a sunman-man wɔ. W'a yo man sran'm b'a gua be wla ase ngbɛn.›

Ezekiɛl 13:19

Ɔrz sa buɛ kun nin kpaun sin kanngan wie'm be ti an yo min finfin min sran'm be nyrun. An bua ato kle min sran mun, yɛ be kusu be lafi amun su-ɔ. Kpɛkuun an kun be ng'ɔ fata-man kɛ be wu'n, yɛ an yaci be nga be nin nguan nun tranlɛ fata-man'n be lɛ.›

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Ezekiɛl 13:7

Nga n se be'n yɛ: ?Aolia nun sa nga an wun be lɛ'n, an kpɛ-man be amún ti nun? ?Wunnzue nga an yi lɛ'n, be ti-man ato? An se kɛ: Anannganman'n i nuan su ndɛ'n yɛ, kusu wuun m'an kan-man ndɛ fi m'an kle-man amun.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Sa nga bé yôli'n 20:33

Min nyin a blo-man sran fi i jɛtɛ ufue, nin i sika ɔkwlɛ, ɔ nin i tralɛ'm be wun.

1 Korɛntfuɛ Mun 12:10

Ɔ man wie yo sa kekleekle, ɔ man wie ijɔ Nyanmiɛn nuan, ɔ man wie si like nga be ti Nyanmiɛn liɛ'n nin nga be ti-mɛn i liɛ'n be ngbaciɛ, ɔ man wie kan aniɛn wafa-wafa, yɛ ɔ man wie kaci aniɛn b'ɔ ti-man'n.

1 Korɛntfuɛ Mun 2:15

Sran nga Nyanmiɛn Wawɛ sie i'n, i liɛ'n, ɔ si sa ngbɛsungbɛsu'n kwlaa, sanngɛ sran fi wun-mɛn i bɔbɔ'n i wafa'n i wlɛ.

1 Timote 3:3

Nán man ɔ yo nzan nɔnfuɛ nin utre klofuɛ, sanngɛ man ɔ yo wɛtɛɛfuɛ b'ɔ kunndɛ-man ndɛnngan, nán man ɔ yo sran bɔ i nyin yi-man like.

Tite 1:7

Man asɔnun sunianfuɛ sɔ'n yo sran bɔ be kwla saci-mɛn i wun kaan sa, afin ɔ nian Nyanmiɛn ninnge'm be su. Nán man ɔ yo sran b'ɔ yo i bɔbɔ i klun sa, yɛ nán man ɔ yo ya fafuɛ, nin nzan nɔnfuɛ, nin utre klofuɛ, nin sran b'ɔ kunndɛ sika i wafa ng'ɔ ti-mɛn i su'n.

1 Piɛr 5:2

an `nian Nyanmiɛn i bua fa b'ɔ fa be mannin amun'n be lika. Nán an yo i mianlɛ su, an `yo i kɛ Nyanmiɛn klo kɛ an yo'n sa. Nán an yo i kɛ amun wa nyan like ti, sanngɛ an `tu amun klun yo .

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.

Sa nglô yile 18:13

ayre fannin bɔ be fa gua be like diwa nun'n, parfɛn, mir, ansans, nzan, ngo, ble sanmlɛn mlɛnnɛnnɛn kpa, ble, nannin mun, bua mun, nnɛn kpanngɔ mun, kakaklolo bɔ be lɛ ja nnan'n, nin kanga mun .