Neemi 5:9 - NYANMIƐN NDƐ'N 1998

⁹ Yɛ n seli be kɛ: «Amu'an yo-mɛn i kpa. Ɔ fata kɛ amun nantilɛ'n kle kɛ amun nyin yi e Nyanmiɛn'n, man nvle nga bɔ be ti e kpɔfuɛ'm be yaci e nzowa kpɛlɛ'n.

Neemi 5:9 ပူးပေါင်းရင်းမြစ်များ

Bo Bolɛ 20:11

Yɛ Abraam tɛli i su kɛ: «N waan wuun mɛn nga nun wa sran'm be nyin yi-man Nyanmiɛn kaan sa nan be ´kun min mín yi'n dunman nun.

Bo Bolɛ 42:18

I cɛn nsan'n su'n, Zozɛf seli be kɛ: «Min nyin yi Nyanmiɛn, i ti, n wa kle amun sa kun. Sɛ amun nian su yo'n, amun ´fite nun.

2 Samiɛl 12:14

sanngɛ wɔ man Anannganman i kpɔfuɛ'm be yoli i finfin. I sɔ'n ti ba nga w'a wu i yɛ'n ɔ ´wu.»

Neemi 4:4

Zidafuɛ'm be waan: «Junman difuɛ'm b'a fɛ. E kplan talɛ nga-a, ɔ su yo-man ye, afin ɔ bubuli dan.»

Neemi 5:10

E nin min niaan nin min sufuɛ mun e sika kalɛ nin ble kalɛ o be su. Man e yaci kalɛ sɔ'n cɛ be.

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Jue Mun 90:11

?Wan yɛ ɔ kwla si kɛ ɔ ya'n i dan'n fa ti ju-ɔ? ?Wan yɛ ɔ kwla wun ɔ ya'n i wlɛ b'ɔ man i nyin yi wɔ kɛ ɔ fata'n sa-a?

Nyanndra Mun 16:29

Sran gblugblufuɛ'n ɔ lɛkɛ i wiengu, yɛ ɔ fɛ i nanti atin ng'ɔ ti-man kpa'n su.

Nyanndra Mun 17:26

Sran nga bɔ ɔ'a yo-man sa'n, ɔ fata-man kɛ be de i like. Sran nga kusu b'ɔ ti sran kpa'n, ɔ fata-man kɛ i nanwlɛ dilɛ'n ti be kle i nun.

Nyanndra Mun 18:5

Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Nyanndra Mun 19:2

Sɛ a ´yo like wie bɔ a lɛ-mɛn i wun akunndan mlɔnmlɔn'n, ɔ ti tɛ man wɔ. Sɛ a kpli yo sa'n, ɔ cɛ-man nan fɔnlɛ ɔ'a tran nun.

Nyanndra Mun 24:23

Akunndanfuɛ'm be ndɛ nga be kannin'n i wie ekun yɛ. Sɛ be ´di jɔlɛ'n, ndɛ kwlɛ dilɛ'n ɔ ti-man kpa.

Ezekiɛl 36:20

Nvle nga be ɔli be nun lɛ'n, bé sa tɛ'n ti min dunman fɛ'n ɔ sacili be kwlaa be nun. Kɛ be wun be'n, be se kɛ: ‹Anannganman i nvle nunfuɛ mun-ɔn. Be fin i mɛn'n nun lɔ yɛ be ba-a.›

Saun Yolɛ 25:36

Nán amun se kɛ amun ´kunndɛ mmlusuɛ i su annzɛ amun ´bo i akpo. Man amun nzuɛn klanman'n ɔ kle kɛ amun nyin yi min. Amun `man amun niaan sɔ'm be atin man be tran amún wun lɛ.

Sa nga bé yôli'n 9:31

Asɔnunfuɛ'm bɔ be o Zide, nin Galile, ɔ nin Samari mɛn wunmuan'n nun lɔ'n, be lɛ alaje, yɛ asɔnun'n kɔ i nyrun. Kɛ bɔ asɔnunfuɛ'm be nyin yi e Min'n bɔ Nyanmiɛn Wawɛ'n jran bé sin ti'n, be trɛ.

Rɔmfuɛ Mun 2:24

Afin be klɛli i kɛ: «Amun Zuif mun amun ti, be bɔ be ti-man Zuif'n be saci Nyanmiɛn dunman .»

1 Timote 5:14

I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

Tite 2:5

be yo sa i nuan su, nán man be yo sa sukusuku, man be yo awlo bla kpa, man be yo klun-ufuefuɛ, nán man be fa bé nyin wlawla bé wun mun, man be bu be sran, nan sran fi a se-man kɛ Nyanmiɛn ndɛ'n ti-man kpa.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Samiɛl 2:24

Min mma mun, sa nga bɔ amun yo bɔ Nyanmiɛn i nvle nunfuɛ'm be kan sin'n, ɔ ti-man kpa mlɔnmlɔn. Nán amun yo sɔ kun.