Neemi 5:5 - NYANMIƐN NDƐ'N 1998

⁵ Kusu wuun e nin e niaan mun e kwlakwla e ti mmoja kun. E mma mun nin be liɛ'm be ti kun'n, sanngɛ wuun ɔ fata kɛ e mma'm be yo kanga. E wa bla wie'm be o kanga'n nun kɛ e ´se yɛ'n bɔbɔ. E lɛ-mɛn i yowlɛ uflɛ, afin e fie nin e vinyi'm be ti sran uflɛ liɛ.»

Neemi 5:5 ပူးပေါင်းရင်းမြစ်များ

Bo Bolɛ 29:14

Laban waan: «Min mmoja yɛlɛ wɔ, e ti sran wunmuan.» Zakɔb dili anglo kun Laban wun lɛ.

Bo Bolɛ 37:27

Man e yo i atɛ Ismaɛlfuɛ'm bé sa nun, nán é sa kɛn i. Afin kannzɛ ɔ yo sɛ é niaan-an, e nin i e ti sran kunngba.» I niaan'm be fɛli i ndɛ'n su.

2 Famiɛn Mun 4:1

Le kun Nyanmiɛn i nuan ijɔfuɛ'm be nun kun i angboti'n ko sun kleli Elize. I waan: «A si kɛ mín wun'n suli Anannganman kpa, yɛ ndɛ ɔ nun-man nun kun. Kpɛkuun sran nga e fali like i sa nun'n, ɔ'a ba mín mma'm be falɛ. I waan ɔ ´fa be ko yo i kanga mun.»

Nyanndra Mun 22:7

Sikafuɛ yɛ ɔ sie yalɛfuɛ-ɔ. Sran ng'ɔ fa like sran sa nun'n, ɔ kaci kɛ sran sɔ i akua sa.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Ezai 58:7

Sran ng'ɔ lɛ-man aliɛ'n, amun `mɛn i wie. Be nga be ti yalɛfuɛ bɔ be lɛ-man lawlɛ'n, amun `fa be sie. Sɛ amun wun sran wie bɔ i wun ti kplɛn'n, amun `mɛn i tannin man ɔ kla. Nán amun `kaci amún sin si amun wiengu klɔ sran'n .

Matthieu 18:25

Kɛ ɔ lɛ-man like fi nan ɔ'a fa tua kalɛ sɔ'n, i min'n seli kɛ be `yo i bɔbɔ, nin i yi, nin i mma mun, ɔ nin i bo ninnge'n kwlaa be atɛ be `fa tua kalɛ sɔ'n.