Neemi 5:16 - NYANMIƐN NDƐ'N 1998

¹⁶ I kpa'n bɔ m bɔbɔ n kplannin talɛ'n wie. Y'a to-man fie fi. Min sufuɛ'm be kwlaa be dili junman'n wie.

Neemi 5:16 ပူးပေါင်းရင်းမြစ်များ

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Neemi 5:17

Zuif nin be jɔlɛ difuɛ nga n yi bé nuan nun aliɛ'n be ti ya ablenun. Aofuɛ nga be fin mɛn uflɛ'm be nun ba'n, n ka-man be wla-man nun.

Kalɛ 16:15

Wafa nga be fa tɛli Moiz su'n ti, ɔ fali ya dan kpa. Yɛ ɔ seli Anannganman kɛ: «Nán sɔ be cɛlɛ like'n nun. N nian de-man be like fi le, nnɛn kpanngɔ kun bɔ sa n nian de-man be le, n nian yo-man be nun kun sa i tɛ le.»

JÉSUS-CHRIST I DYASIN FE'N BO LUC KLELI'N 8:15

Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

1 Korɛntfuɛ Mun 15:58

I sɔ'n ti'n, n niaan kpa mun, an `jran kekle, nán amún wun usu amun, an `di e Min'n i junman'n kpa wɔ amun nyrun tititi. Man an si kpa kɛ like nga e yo man e Min'n, ɔ su ka-man ngbɛn.

Galasifuɛ Mun 6:9

Nán man é sa sin bubu ye sa kpa yolɛ'n nun, afin sɛ y'a fɛ-man'n, cɛn wie e ´nyɛn i nuan like.