Neemi 5:15 - NYANMIƐN NDƐ'N 1998

¹⁵ Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Neemi 5:15 ပူးပေါင်းရင်းမြစ်များ

Bo Bolɛ 20:11

Yɛ Abraam tɛli i su kɛ: «N waan wuun mɛn nga nun wa sran'm be nyin yi-man Nyanmiɛn kaan sa nan be ´kun min mín yi'n dunman nun.

Bo Bolɛ 42:18

I cɛn nsan'n su'n, Zozɛf seli be kɛ: «Min nyin yi Nyanmiɛn, i ti, n wa kle amun sa kun. Sɛ amun nian su yo'n, amun ´fite nun.

Neemi 5:16

I kpa'n bɔ m bɔbɔ n kplannin talɛ'n wie. Y'a to-man fie fi. Min sufuɛ'm be kwlaa be dili junman'n wie.

Neemi 5:9

Yɛ n seli be kɛ: «Amu'an yo-mɛn i kpa. Ɔ fata kɛ amun nantilɛ'n kle kɛ amun nyin yi e Nyanmiɛn'n, man nvle nga bɔ be ti e kpɔfuɛ'm be yaci e nzowa kpɛlɛ'n.

Zɔb I Nyrɛnnɛn Wunlɛ 31:23

Afin Nyanmiɛn ti famiɛn. N su kwla suɛn-mɛn i fɔ b'ɔ fa tu sran'n i bo .

Jue Mun 112:1

An `manman Anannganman! Sran nga i nyin yi Anannganman'n, bɔ Anannganman i mmla'm be su falɛ'n ɔ yo i fɛ'n, i liɛ su ti ye!

Jue Mun 147:11

Be nga be nyin yi Anannganman'n, bɔ be lafi i klun-ufue'n su'n, be yɛ bé wun yo i fɛ-ɔ.

Nyanndra Mun 16:6

Sɛ a ti sran kpa bɔ a di nanwlɛ'n, be yaci ɔ́ wun sa be cɛ wɔ. Sran nga i nyin yi Nyanmiɛn'n, ɔ klo-man sa tɛ yolɛ.

Nyanndra Mun 29:12

Sɛ be kpɛ gblɛ be kle kpɛnngbɛn kun nan ɔ fa su'n, san klunwifuɛ'm be ngunmin yɛ be mɛntɛn i-ɔ.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Zeremi 32:9

Yɛ n toli Anatɔt lɔ lika sɔ'n min niaan Anameɛl i sa nun-ɔn. N fali i ti sika jɛtɛ ufue blu-nin-nso m mɛnnin i.

Ngwlɛ Yilɛ 5:8

Kanga'm b'a kaci e min, e nyan-man sran nan ɔ'a de e bé sa nun .

Matthieu 5:47

?Sɛ an yo amun niaan'm be ngunmin be like'n, wuun nzu like dan yɛ amu'an yo-ɔ? ?Be bɔ be ti-man Zuif mun bɔbɔ be yo-man be niaan'm be like?

2 Korɛntfuɛ Mun 11:9

Kɛ n wo amun wun lɔ bɔ min sa miannin'n, m'an kaci-man sran fi ti su trɔ yɛlɛ kɛ e niaan nga be fin Maseduani bali'n, be mannin min like ng'ɔ mian min'n i kwlaa. N sasa min wun kpa kɛ nán man m mian sran fi, n ´sasa min wun sɔ titi .

2 Korɛntfuɛ Mun 12:13

?Nzu like yɛ n yo mannin asɔnun nga mun bɔ m'an yo-man wie a man-man amun-ɔn? San like bɔ m'an de-mɛn i amún sa nun'n, i cɛ! Sɛ i yɛ ɔ ti sa bɔ n yoli amun'n, an `yaci.

1 Samiɛl 8:15

Ɔ ´de amun fie'm bé su ninnge'm be blusu'n, ɔ ´fa mɛn i sufuɛ wie mun ekun.