Neemi 5:12 - NYANMIƐN NDƐ'N 1998

¹² Be tɛli min su kɛ: «E ´yo nga a kan'n, e ´yi be ninnge nga e fali'n, e usɛ-mɛn i sin like uflɛ.» Yɛ n flɛli Nyanmiɛn nyrun jranfuɛ mun nan m'an yo man sran sɔ'm b'a ta nda be nyrun kɛ ndɛ nga be kannin'n, be nian su yo.

Neemi 5:12 ပူးပေါင်းရင်းမြစ်များ

Ɛsdras 10:12

Sran'm be kwlaa be mannin be nɛn'n su yɛ be tɛli su kɛ: «I yɛ a ´kɛn lɛ-ɔ, ɔ fata kɛ e fa nga a kan'n su,

Ɛsdras 10:5

Ɛsdras jasoli, ɔ yoli man Nyanmiɛn nyrun jranfuɛ kpɛnngbɛn mun, nin Levifuɛ kpɛnngbɛn mun, ɔ nin Izraɛl kpɛnngbɛn'm be kwlaa be tali nda kɛ be ´nian nga be kannin'n su be ´yo.

Neemi 10:29

Izraɛlfuɛ kun nga'm be yɛ: Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, nin Nyanmiɛn i sua'n nun junman difuɛ bɔ be lɛ su kpɛn mun'n, ɔ nin be kwlaa nga be nin nvle uflɛ'm be tili nun afin be kunndɛ kɛ be ´fa Nyanmiɛn mmla'n su'n, be sɔfuɛ mun nin bé yi, nin be mma bla annzɛ yasua nga be wun sa wlɛ'n.

Neemi 10:30

Be ukali e niaan Zuif nga be ti e nun kaklaakla'm be su. E kwlakwla e tali nda yɛ e jrannin su kɛ e ´fa Nyanmiɛn i mmla'm bɔ i sufuɛ Moiz fa mannin ye'n su. E tali nda kɛ e ´fa ndɛ wafa kwlaa nga Anannganman e Min'n kannin'n, yɛ e tali nda ekun kɛ e ´fɛ i mmla'n nin i sa nuan su yolɛ mmla'm be su.

Neemi 10:31

E tali nda ekun kɛ e fa-man é wa bla mun e man-man aja nvle uflɛ nun, nan e ja-man nvle uflɛ nun bla e man-man é mma mun.

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Neemi 5:11

Amun `yi be fie, nin be vinyi fie, ɔ nin be olivie fie, ɔ nin bé sua mun man be. Yɛ mmlusuɛ ng'ɔ fata kɛ amun nyɛn i sika, annzɛ ble, annzɛ nzan, annzɛ ngo nga be fɛli i amún sa nun'm be su'n, amun `yaci man be.»

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»

JÉSUS-CHRIST I DYASIN FE'N BO LUC KLELI'N 19:8

Sanngɛ Zase jao jrannin e Min'n i nyrun lɛ, ɔ seli i kɛ: «Nannan, nian, n ´fa min ninnge'n i bue man yalɛfuɛ mun, yɛ sran nga n dili i ndrunmun'n, n ´yi i sika'n i wunsu kpɛ nnan mɛn i .»