Neemi 5:10 - NYANMIƐN NDƐ'N 1998

¹⁰ E nin min niaan nin min sufuɛ mun e sika kalɛ nin ble kalɛ o be su. Man e yaci kalɛ sɔ'n cɛ be.

Neemi 5:10 ပူးပေါင်းရင်းမြစ်များ

Neemi 10:32

E tɛli i ekun kɛ nvle nga be yo aliɛ annzɛ like uflɛ atɛ'n, sɛ be fa ba wunmiɛn-delɛ-cɛn annzɛ e cɛn dilɛ uflɛ wie nun'n, e su to-man. E tɛli i kɛ e ´di fie afuɛ nsiɛn, nan i afuɛ nso su'n, e ´yaci asiɛ'n man ɔ de wunmiɛn. Sɛ é kalɛ o sran su'n, e ´yaci cɛ .

Neemi 5:11

Amun `yi be fie, nin be vinyi fie, ɔ nin be olivie fie, ɔ nin bé sua mun man be. Yɛ mmlusuɛ ng'ɔ fata kɛ amun nyɛn i sika, annzɛ ble, annzɛ nzan, annzɛ ngo nga be fɛli i amún sa nun'm be su'n, amun `yaci man be.»

Neemi 5:7

Yɛ m buli akunndan kɛ n ´ijɔ kpɛnngbɛn nin jɔlɛ difuɛ mun trɔ nga be fa jin be niaan'm be ti su'n i dan'n ti. Nan m'an kle anyia cɛn sa sɔ'n ti .

Neemi 5:9

Yɛ n seli be kɛ: «Amu'an yo-mɛn i kpa. Ɔ fata kɛ amun nantilɛ'n kle kɛ amun nyin yi e Nyanmiɛn'n, man nvle nga bɔ be ti e kpɔfuɛ'm be yaci e nzowa kpɛlɛ'n.

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Ezai 58:6

Nglɛmun cilɛ ng'ɔ ti n liɛ'n su'n yɛ: amun `nyannji be nga be cili be abɔlɛ su cilɛ nin jrɔkɔ'n, amun `de be nga be ti kanga'n bɔ be tin bé su'n, amun `yo man be nga be mian be kplɔlɔlɔ'n, be `nyan bé ti. E `kpɛ kpo e `se kɛ like kwlaa ng'ɔ kle kɛ sran ti kanga'n, amun `yo man ɔ wie .

Ezekiɛl 18:13

Kɛ ɔ bo sran bosia'n, ɔ kunndɛ asubo nin bosia'n sɔ'n i su mmlusuɛ. ?Sran kɛ nga sa'n, ɔ nin nguan nyanlɛ ɔ fata? Cɛcɛ! Sa nga b'ɔ be ti tɛtɛ'n ɔ yo i kwlaa kpan. Ɔ wa wu, yɛ i ndɛ'n ɔ ´kɛ i bɔbɔ su.

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Ezekiɛl 18:8

Sɛ ɔ bo sran bosia, ɔ kunndɛ-man asubo. Ɔ yo-man sa ng'ɔ ti-mɛn i nuan su'n. Sɛ ɔ ´di jɔlɛ'n, o bu ndɛ nanwlɛ, ɔ jran-man sran sin.

Mise 2:1

Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

2 Korɛntfuɛ Mun 5:11

Kɛ e si kɛ e Min'n yo sro'n, i ti e kan ndɛ weiin e kle sran mun nan be kaci. Nyanmiɛn si e kpa, yɛ e bu i kɛ amun kusu an si e kpa.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Mmla'n 15:2

Kalɛ'n i yaci cɛlɛ'n i wun ndɛ yɛ. Kɛ be ko bo ndolo kɔ sin kɛ afuɛ nga Anannganman waan be yaci kalɛ'm be cɛ'n yɛ ɔ o yɛ'n, sran kwlaa nga i kalɛ o i wiengu su'n, man ɔ yaci cɛ i. Nán man ɔ miɛn i wiengu'n annzɛ i niaan'n kɛ ɔ tannin i kalɛ b'ɔ o i su'n.