Neemi 4:8 - NYANMIƐN NDƐ'N 1998

⁸ Kɛ n wieli kan be wo'n i nian-nian'n, n seli kpɛnngbɛn nin jɔlɛ difuɛ, nin sran'm be kwlaa kɛ: «Nán man amun sro be! Nán amún wla fi kɛ Anannganman ti dan nan ɔ yo sro. Amun `kun amun niaan nin amun mma mun, nin amún yi mun, ɔ nin amun awlo'm be ti alɛ.»

Neemi 4:8 ပူးပေါင်းရင်းမြစ်များ

2 Samiɛl 10:12

Jran kekle. E `fa yakpa e `kun alɛ'n e `man e nvle'n ɔ nin e Nyanmiɛn'n i klɔ mun! Man Anannganman i klun sa'n yo!»

2 Be Nyoliɛ 32:7

«Amun `jran kekle, amun `tra anwlɛn, nán srɛ kun amun, nán amun sro Asiri famiɛn'n nin sonja kpanngban ng'ɔ nin be ba'n mun. Sran ng'ɔ jin e sin'n, ɔ ti dan tra like ng'ɔ o i sin'n.

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Neemi 4:7

Yɛ n fali Izraɛlfuɛ mun n siesieli be talɛ'n i sin, lika tɔnun'm be nun, ɔ nin asiɛ kee'm be su. N siesieli be awlobo-awlobo. Be tokofi nin be cua, nin be ta'm be o bé sa nun.

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

Mmla'n 1:29

N seli amun kɛ: «Nán srɛ kun amun. Nán an sro be.