Neemi 4:7 - NYANMIƐN NDƐ'N 1998

⁷ Yɛ n fali Izraɛlfuɛ mun n siesieli be talɛ'n i sin, lika tɔnun'm be nun, ɔ nin asiɛ kee'm be su. N siesieli be awlobo-awlobo. Be tokofi nin be cua, nin be ta'm be o bé sa nun.

Neemi 4:7 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

2 Famiɛn Mun 24:2

Yɛ Anannganman man Babilɔni sonja akpasua wie mun, nin Siri sonja akpasua wie mun, ɔ nin Amɔn sonja akpasua wie'm be fali alɛ wlali Zozakim nin Zidafuɛ'm be sin. Be sacili Zida mɛn'n kɛ Anannganman fa wlɛli i sufuɛ bɔ be ti i nuan ijɔfuɛ'm be nuan bɔ be kannin'n sa.

2 Be Nyoliɛ 20:1

Kɛ ɔ yoli sɔ'n, Moabfuɛ mun nin Amɔnfuɛ mun, be nin Zozafat be bali alɛ kunlɛ. Maɔnfuɛ'm be uka be su.

Ɛsdras 5:8

E ɔli Zida nvle'n nun, kan Nyanmiɛn Kpli'n i sua'n wo lɔ'n. Be su kplan. Be sɛ yɛbuɛ yɛ be fa kplan-an. Be fa waka be wlɛwlɛ i talɛ'n nun. Be su nian nun di junman sɔ'n kpa. Ɔ kɔ i nyrun ndɛndɛ.

Neemi 2:10

Kɛ Sanbalat b'ɔ fin Ɔrɔn'n , nin Tɔbiza b'ɔ ti Amɔnfuɛ'n b'ɔ ti Sanbalat i ukafuɛ'n be tili kɛ sran kun su wa yo sa kpa ´man Izraɛlfuɛ mun'n, ɔ'a yo-man be fɛ.

Neemi 2:19

Kɛ Sanbalat b'ɔ ti Ɔrɔnfuɛ'n, ɔ nin i ukafuɛ Tɔbiza b'ɔ ti Amɔnfuɛ'n, ɔ nin Gesɛm b'ɔ ti Arab'n be tili ndɛ sɔ'n, be srili ye, yɛ be yoli ye fiaan. Be waan: «?Nguɛ yɛlɛ nga amun ´yo i lɛ'n? ?Kɛ ɔ o yɛ'n amun su jaso famiɛn'n i wun?»

Neemi 4:1

Kɛ Sanbalat nin Tɔbiza, nin Arabfuɛ nin Amɔnfuɛ, nin Asdɔdfuɛ'm be tili kɛ Zerizalɛm klɔ'n i talɛ'n i kplanlɛ'n su kɔ i nyrun, nan e su tannintannin toklo mun'n, ɔ yoli be ya dan.

Neemi 4:6

Zuif nga be mantan be lɛ'n, be bali kpɛ blu be wa yiyili bé bo kleli ye. Be klekleli ye lika nga b'a ko jranjran nun sɛsɛsɛ nan be wa tɔ e su'n.

Neemi 4:8

Kɛ n wieli kan be wo'n i nian-nian'n, n seli kpɛnngbɛn nin jɔlɛ difuɛ, nin sran'm be kwlaa kɛ: «Nán man amun sro be! Nán amún wla fi kɛ Anannganman ti dan nan ɔ yo sro. Amun `kun amun niaan nin amun mma mun, nin amún yi mun, ɔ nin amun awlo'm be ti alɛ.»

Neemi 6:16

Kɛ e kpɔfuɛ'm be kwlaa be tili'n, srɛ kunnin nvle nga be mantan lɛ'n be kwlaa. Bé nyin guali ase. Be wunnin kɛ Nyanmiɛn fanngan nun yɛ junman sɔ'n wieli-ɔ.

Zeremi 25:20

N fa mannin Ezipt lɔ nvle fanunfanun'm be nunfuɛ mun. N fa mannin Iz mɛn nun lɔ famiɛn'n be kwlakwla. N fa mannin Filisti mɛn'n nun lɔ famiɛn'm be kwlakwla, i Askalɔn lɔ liɛ mun o, nin Gaza lɔ liɛ mun o, nin Ekrɔn lɔ liɛ mun o, ɔ nin Asdɔd mɛn nunfuɛ'n be onga nga be ka'n.

Zeremi 41:10

Kɛ ɔ yoli sɔ'n, Ismaɛl trali sran nga be o Mizpa lɛ'n be kwlaa ɔli. Ɔ fali famiɛn i mma mmla mun, ɔ nin be kwlaa nga Nɛbizaradan b'ɔ ti gladifuɛ'm be kpɛn'n fali be wlali Gɛdalia i sa nun'n mun ekun. I sin Ismaɛl fali sran sɔ mun sinnin Amɔnfuɛ'm be lɔ ɔli.

Amɔs 1:13

Anannganman'n wan yoo: «Amɔnfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Be mɛn bɔ be kunndɛ kɛ ɔ trɛ'n i dunman nun ti be kpacili Galaad bla wunnzɛfuɛ'm be klun.

Amɔs 1:8

N ´nunnun Asdɔdfuɛ mun nin famiɛn ng'ɔ sie Askalɔn'n. N ´tu mín nyin n ´wɔ Ekrɔnfuɛ mun. Filistifuɛ'm be kwlaa nga be ka'n be ´wie wu.» Anannganman'n yɛ ɔ kan sɔ kle amun-ɔn .

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Sa nga bé yôli'n 5:33

Kɛ be tili ndɛ sɔ'n, ya kunnin be dan kpa, i sɔ'n ti be waan be ´kun be.

Sa nglô yile 12:17

Ya kunnin dragɔn'n bla'n i wun kpa, ɔ man bla'n i osufuɛ nga be kali lɛ'n, bɔ be fa Nyanmiɛn mmla'n, nin ndɛ nanwlɛ nga Jésus yili i nglo'n su'n, ɔ nin be be ko kunnin.

1 Samiɛl 11:2

Amɔn famiɛn'n waan: «N tili, sanngɛ m ´bobo amun kwlaa amun nyinma fama'n nan y'a tra aenguɛ sɔ'n. N ´yo i sɔ n fa gua Izraɛl nvle nunfuɛ'm be kwlaa be nyin ase.»