Neemi 4:4 - NYANMIƐN NDƐ'N 1998

⁴ Zidafuɛ'm be waan: «Junman difuɛ'm b'a fɛ. E kplan talɛ nga-a, ɔ su yo-man ye, afin ɔ bubuli dan.»

Neemi 4:4 ပူးပေါင်းရင်းမြစ်များ

Neemi 5:9

Yɛ n seli be kɛ: «Amu'an yo-mɛn i kpa. Ɔ fata kɛ amun nantilɛ'n kle kɛ amun nyin yi e Nyanmiɛn'n, man nvle nga bɔ be ti e kpɔfuɛ'm be yaci e nzowa kpɛlɛ'n.

Jue Mun 79:12

Min Min, be nga be mɛn'n mantan e liɛ'n b'a klɔklɔ wɔ. Ɔ nzowa nga be kpɛli wɔ'n, man be nyɛn i su sa sɔ kpɛ nso.

Nyanndra Mun 3:34

Be nga bɔ sran yɛ be sri i'n, srilɛ yɛ Anannganman kusu sri be-ɔ. Sanngɛ anyinyiɛfuɛ mun'n, ye yɛ ɔ fa yo be-ɔ .

Ngwlɛ Yilɛ 1:22

Nán ɔ́ wla fi be klun wi'n su. Sa nga a fa yoli min'n, mín nyin kekle'n ti-ɔ, fɛ i sɔ sa'n yo be wie. M'an kplin lele min anwlɛn ba'n ɔ yo min ya siɛn'n.»

Ndɛ Nga Nyanmiɛn I Nuan Ijɔfuɛ Oze Kannin'n 12:14

Anannganman sunmannin i nuan ijɔfuɛ kun, i yɛ ɔ ko fali Izraɛlfuɛ mun Ezipt lɔ bali-ɔ. Nyanmiɛn nuan ijɔfuɛ kun kusu yɛ ɔ sieli i kɛ ɔ niɛn i sran'm be su-ɔ.

1 Samiɛl 17:26

David usali sran ng'ɔ nin be jin lɛ'n kɛ: «?Amun waan sran ng'ɔ kun Filistifuɛ sɔ'n nan ɔ yi nzowa ng'ɔ kpɛli Izraɛl'n mɛn i'n, be ´mɛn i nguɛ? ?Nzu sran yɛlɛ Filistifuɛ bɔ b'a wlɛ-mɛn i klɛn'n b'ɔ jaso kpɛ Nyanmiɛn Kpli b'ɔ lafi-man'n i alɛ kunfuɛ'm be nzowa sɔ-ɔ?»