Neemi 4:2 - NYANMIƐN NDƐ'N 1998

² Nan b'a gugu kɛ bé bo `yo kun nan be nin ye bɔ e ti Zerizalɛmfuɛ mun'n e `kun nan be `sanngan e nun.

Neemi 4:2 ပူးပေါင်းရင်းမြစ်များ

Ɛsdras 4:4

Kɛ ɔ fin lɛ'n, sran sɔ'm bɔ be tran Izraɛl mɛn'n nun lɛ'n, be yoli nga be ko yo nan b'a bubu Zidafuɛ'm bé sa sin'n. Be wlan-wlannin be.

Neemi 12:27

Kɛ be ´yi Zerizalɛm talɛ'n i nglo'n, be ko yiali Levifuɛ'm be lika nga be tran nun'n i kwlaa nun kɛ be bla Zerizalɛm be wa di cɛn'n wie. Be flɛ be kɛ be wa to jue, be bo aaba ndɛ nin jru, nin aluku be manman Nyanmiɛn.

Neemi 12:43

Le kun sɔ'n, e yili sraka kpanngban, yɛ e dili cɛn bɔbɔ, afin sa nga Nyanmiɛn yo mɛnnin i sran mun'n, ɔ man be klun jɔli dan. Bla nin ba kanngan'm be ngba yɛ be klun jɔli sɔ nin-ɔn. Be tili Zerizalɛmfuɛ'm be aklunjuɛ kplanlɛ'n mmua.

Neemi 4:10

Sanngɛ kɛ ɔ fɛ lɛ'n, min sran'm be bue yɛ be yo junman nin-ɔn, be bue kusu bé sa nun cua, ɔ nin nyrɛn, ɔ nin ta, ɔ nin like kokloko bɔ be fa kata be wue'n su'n. Kpɛnngbɛn'm be ´nian-an, Zidafuɛ'm be kwlaa be o be junman'n su.

Neemi 6:15

Talɛ'n wieli Elil anglo'n i le ablaɔn-nin-nnun'n su. I kplanlɛ'n dili cɛn ba ablenun-nin-nnyɔn.

Jue Mun 83:4

Be cici ɔ sran mun bé wun sa. Be wun bé wun be bu be nga a sasa be'n bé wun akunndan tɛ.

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 33:24

«?Ndɛ nga sran'm be kan'n, a ti? Be ko se kɛ: ‹Awlo nnyɔn nga Anannganman'n kpali be'n, ɔ yili be blo.› Nian kɛ be yo min nvle'n i finfin-ɔn. Ɔ ti-man nvle be nyrun kun.»

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Zakari 4:10

?Sua yɛ'n, kɛ be ´bo i kplanlɛ bo'n, sran wie'm b'a yi-man bé nyin saa, yɛ b'a sri-mɛn i kplanfuɛ mun? Sanngɛ cɛn nga be ´wun kɛ Zorobabɛl su kplan sua sɔ'n ´kɔ'n, be klun ´jɔ. Nan yoo, kannin nso nga a wun i lɛ'n, Anannganman'n i nyinma mun-ɔn. Ɔ fa wlan asiɛ wunmuan'n su .

1 Korɛntfuɛ Mun 1:27

Afin like nga sran'm be bu-man be like'n, be yɛ Nyanmiɛn fa gua ngwlɛlɛfuɛ'm bé nyin ase-ɔ. Like nga sran'm be bu i kɛ be kwla fa yo-man like fi'n, be yɛ Nyanmiɛn fa gua keklefuɛ'm bé nyin ase-ɔ.