Neemi 3:7 - NYANMIƐN NDƐ'N 1998

⁷ Mɛlatia b'ɔ ti Gabaɔnfuɛ, nin Zadɔn b'ɔ ti Merɔnɔtfuɛ'n, be nin Gabaɔnfuɛ mun nin Mizpafuɛ'm be o likawlɛ, be mantan Zozada nin Mɛsilam. Be dili be junman liɛ'n juli nvle siefuɛ ng'ɔ o nzue i bue kun lɔ i lika'n i wun lɔ.

Neemi 3:7 ပူးပေါင်းရင်းမြစ်များ

2 Samiɛl 21:2

Famiɛn'n flɛli Gabaɔnfuɛ mun kɛ ɔ ´kan ndɛ ´kle be. Gabaɔnfuɛ'm be ti-man Izraɛlfuɛ . Be ti Amɔrfuɛ'm be onga. Izraɛlfuɛ'm be tali be nda laa kɛ be su kun-man be, kpɛkuun Izraɛlfuɛ mun nin Zidafuɛ mun bɔ Sail klo be dan'n ti i waan ɔ ´nunnun Gabaɔnfuɛ sɔ mun.

1 Be Nyoliɛ 27:30

Ɔbil b'ɔ ti Ismaɛlfuɛ'n yɛ ɔ nian nyɔnngɔnmɛn'm be su-ɔ. Zɛkdia b'ɔ fin Mɛremɔt'n yɛ ɔ nian aflunmun bla'm be su-ɔ.

2 Be Nyoliɛ 16:6

Yɛbuɛ nin waka nga Baɛsa fa bali Rama wun silɛ'n, famiɛn Aza man Zidafuɛ'm be kwlaa be ko fali be. Aza fa be sisili Gɛba nin Mizpa bé wun.

Ɛsdras 4:11

Fluwa sɔ'n i nun ndɛ'n yɛ: «Nannan Artaksɛrksɛs, e bɔ e ti ɔ sufuɛ bɔ e tran Efrat nzue i wia atɔliɛ wa'n, e yɛ e klɛ fluwa nga-a.

Neemi 3:19

Zozie i wa Ezɛr b'ɔ ti Mizpa kpɛnngbɛn'n ɔ o i sa su lɛ. Ɔ wlawla lika ng'ɔ o alɛ ninnge siewlɛ'n i ndɛnman'n, kan talɛ'n ti cɔnjɔ lɛ'n nun.