Neemi 3:31 - NYANMIƐN NDƐ'N 1998

³¹ Malkiza b'ɔ ti sika ɔkwlɛ ajuin difuɛ'n wo i sa su lɛ. I lika liɛ'n to Nyanmiɛn i sua nun junman difuɛ'n ɔ nin like atɛ yofuɛ'm bé sua mun. Ɔ fɛ i Mifkad anuan'n i ndɛnman lɛ fa ju nglo sua ng'ɔ o talɛ'n i cɔnjɔ'n i ti su nglo'n i wun lɛ.

Neemi 3:31 ပူးပေါင်းရင်းမြစ်များ

1 Be Nyoliɛ 6:40

Be mannin be Ebrɔn klɔ'n b'ɔ o Zida lika nun'n nin i wun lɛ lika mun,

Neemi 3:30

Selemia i wa Anania yɛ Anɛn b'ɔ ti Zalaf i wa nsiɛn su'n be o i sa su lɛ. Berekia i wa Mɛsilam wo be kusu be sa su lɛ. Ɔ dili i junman liɛ'n i sua'n i nyrun lɛ.

Neemi 3:32

Sika ɔkwlɛ ajuin difuɛ nin like atɛ yofuɛ'm be dili be junman nglo sua sɔ'n nin Bua anuan'n be afiɛn lɛ.

Neemi 3:8

Araza i wa Iziɛl b'ɔ ti sika ɔkwlɛ ajuin difuɛ'n ɔ mantan lɛ, yɛ Anania b'ɔ ti parfɛn yifuɛ'n i kusu mɛntɛn i lɛ. Be wieli be junman liɛ'n di, be juli kan Zerizalɛm i talɛ'n ti tɛtrɛ lɛ'n.