Neemi 3:28 - NYANMIƐN NDƐ'N 1998

²⁸ Kɛ ɔ fɛ i Nnɛn Kpanngɔ anuan'n nun lɛ lele kɔ'n, Nyanmiɛn nyrun jranfuɛ mun yɛ be o lɛ-ɔ. Be di be junman liɛ'n bé sua'm be nyrun lɛ. Kun di i liɛ i sua'n i nyrun, kun di i liɛ i sua'n i nyrun.

Neemi 3:28 ပူးပေါင်းရင်းမြစ်များ

2 Famiɛn Mun 11:16

Yɛ be trɛli i be fɛ i ɔli famiɛn'n i sua'n wun lɔ-ɔ. Kɛ be juli Nnɛn Kpanngɔ'm be anuan'n nun lɛ'n yɛ be kunnin i-ɔ.

2 Be Nyoliɛ 23:15

Yɛ be trali Atali fa ɔli famiɛn'n i sua'n wun lɔ-ɔ. Kɛ be juli Nnɛn kpanngɔ'm be anuan'n nun lɛ'n, yɛ be kunnin i-ɔ.

Neemi 3:10

Arimaf i wa Zɛdaza o i sa su lɛ, ɔ di i junman liɛ i sua'n i ndɛnman. Asabnia i wa Atis o i sa su lɛ.

Neemi 3:23

Bɛnzamɛn nin Asib be o bé sa su lɛ. Be dili be junman liɛ be awlo'n i nyrun lɛ. Anania i wa Maazeza i klun ba Azaria o bé sa su lɛ. Ɔ dili i junman liɛ i awlo'n wun lɛ.

Neemi 3:29

Imɛr i wa Zadɔk o bé sa su lɛ. Ɔ dili i junman liɛ'n i sua'n nyrun lɛ wie. Sɛkania i wa Sɛmaɛza b'ɔ nian Wia Afiliɛ Lɔ anuan'n su'n, ɔ o i sa'n su lɛ.

Zeremi 31:40

Fuɛn nin nzuɛn bɔ luilui o nun'n, be kongo lika ng'ɔ o lɛ ngbɛn'n lele b'ɔ ´fa ju Sedrɔn nzue ba'n nuan'n nin nnɛn kpanngɔ anuan'n i cɔnjɔ'n su wia afiliɛ lɔ lika liɛ nun'n, i sɔ lika'm be kwlakwla be ´yo min liɛ. Be su saci-man be, be su nunnun-man be le.»