Neemi 3:26 - NYANMIƐN NDƐ'N 1998

²⁶ Nyanmiɛn i sua'n nun junman difuɛ'm bɔ be tran Ɔfɛl'n, be dili be junman liɛ'n juli klɔ'n i sasawlɛ sua ng'ɔ o Nzue anuan'n i wia afiliɛ lɔ'n i wun lɛ.

Neemi 3:26 ပူးပေါင်းရင်းမြစ်များ

1 Be Nyoliɛ 9:2

Be nga be dun mmua sali bé sin be klɔ'm bé su'n, bɔ be ko fali be asiɛ mun ekun'n, yɛlɛ Izraɛlfuɛ wie mun nin Nyanmiɛn nyrun jranfuɛ mun, nin Levifuɛ mun, ɔ nin Nyanmiɛn sua'n nun junman difuɛ mun.

2 Be Nyoliɛ 27:3

Zɔtam yɛ ɔ yoli Anannganman i sua'n i anuan'n b'ɔ o nglo nin-ɔn. I yɛ man be wlawlali Ɔfɛl b'ɔ ti Zerizalɛm i akpasua kun'n i talɛ'n nun yɛ man ɔ jrannin cinnjin nin-ɔn.

2 Be Nyoliɛ 33:14

Kɛ sa sɔ'm be sinnin'n, Manase kplannin David Klɔ'n i sin talɛ fleiin kpa kun. Talɛ sɔ'n sin nzue ti bɔ be flɛ i Giɔn'n i lika ng'ɔ kpɛ wia afiliɛ lɔ'n su, ɔ san Sedrɔn kongo'n lele ju Jue anuan'n su. Ɔ sin yia Ɔfɛl'n. Manase sieli sonja kpɛnngbɛn mun Zida klɔ nga be sili bé wun'n be su.

Neemi 11:21

Nyanmiɛn i sua'n nun junman difuɛ nga be lɛ su kpɛn'n be trannin Zerizalɛm i lika nga be flɛ i Ɔfɛl'n nun. Bé su kpɛn mun yɛlɛ Zisa nin Gispa.

Neemi 12:37

Kɛ be juli Nzue Ba anuan'n su'n, kpɛkuun David i klɔ'n i fuwlɛ nga be fa kɔ lɔ'n ɔ'a tran be nyrun ndɛnman su. Kɛ be ´sin klɔ'n i talɛ'n su'n, David i famiɛn sua'n wo be ngua. Be nanti juli Nzue anuan'n b'ɔ o wia afiliɛ'n su lɔ.

Neemi 3:27

Tekoafuɛ'm be o bé sa su lɛ. Be junman diwlɛ'n wo klɔ'n i sasawlɛ dan ng'ɔ o talɛ'n i cɔnjɔ'n su lɛ'n lele fa to Ɔfɛl talɛ'n.

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.

Neemi 8:16

Yɛ sran'm be ɔli-ɔ, nan b'a ko kpɛ nnya-nnya sɔ mun b'a ba. Wie'm be fuli bé sua'm bé ti su nglo gbagblagba'n su yɛ be kplannin be kpata liɛ mun-ɔn. Wie'm be kplannin be liɛ'n be awlo'n i klun lɛ. Wie'm be kplɛnnin i Nyanmiɛn i sua'n i awlo'n nun lɛ Nzue anuan'n i lika gbaun'n nun, annzɛ Efraim Anuan'n i nyrun lɛ gbaun'n nun.

Neemi 8:3

Kɛ ɔ fɛ nglɛmun lele b'ɔ ´fa ju midi su'n, ɔ kanngannin fluwa nun anuan bɔ be flɛ i Nzue anuan i nyrun gbaun'n nun lɛ. Ɔ kanngan kleli yasua nin bla, nin be kwlaa bɔ be wun sa wlɛ'n mun. Sran'm be kwlaa be sieli bé su tieli mmla fluwa i nun ndɛ bɔ Ɛsdras kanngannin'n.

Ezai 32:14

Famiɛn'n i awlo'n, b'a tu nun, klɔ'n bɔ i su ti wluwlu'n, sran fi nun-man su kun. Kpɔlɛ'n nin sasawlɛ sua'n b'a ka lɛ ngbɛn, be ´ka lɛ sɔ tititi. Lɛ yɛ blo aflunmun'm be kan ngowa-a, lɛ yɛ nnɛn'm be didi-ɔ.