Neemi 3:19 - NYANMIƐN NDƐ'N 1998

¹⁹ Zozie i wa Ezɛr b'ɔ ti Mizpa kpɛnngbɛn'n ɔ o i sa su lɛ. Ɔ wlawla lika ng'ɔ o alɛ ninnge siewlɛ'n i ndɛnman'n, kan talɛ'n ti cɔnjɔ lɛ'n nun.

Neemi 3:19 ပူးပေါင်းရင်းမြစ်များ

2 Be Nyoliɛ 26:9

Ɔ kplannin klɔ sasawlɛ lika mun Zerizalɛm lɔ. Be ti fleiinfleiin. Ɔ kplannin kun kan Cɔnjɔ su anuan'n wo lɛ'n, ɔ kplannin kun kan Kongo anuan'n wo lɛ'n, yɛ ɔ kplannin kun ekun kan talɛ'n fite piembie lɛ'n. Ɔ sili bé wun.

Neemi 10:9

Maazia, Bilgai ɔ nin Sɛmaɛza. Be kwlaa be ti Nyanmiɛn nyrun jranfuɛ.

Neemi 12:8

Levifuɛ'm be yɛ: Zozie, Binii, Kadmiɛl, Serebia, Zida, ɔ nin Matania. Matania ɔ nin i niaan'm be yɛ be jran jue tofuɛ'm be nyrun kɛ be ´to Nyanmiɛn manmanlɛ jue mun nin-ɔn.

Neemi 3:15

Kɔl-Oze i wa Salɔm b'ɔ ti Mizpa asa'n su kpɛnngbɛn'n ɔ yoli Nzue ti anuan'n. Ɔ kplannin talɛ'n, ɔ tuli su nan ɔ'a wla anuan'n nin i sin blalɛ'n nin i gboklo mun. I sin ɔ kplannin talɛ ng'ɔ o Silɔe fɛtɛ wun lɛ'n, b'ɔ o famiɛn'n i fie nin asikalie ng'ɔ fin David klɔ'n su lɔ jra'n be afiɛn lɛ.

Neemi 3:18

Be niaan Enadad i wa Bavai b'ɔ ti Kɛila asa'n i bue su kpɛnngbɛn'n, ɔ dili i junman liɛ'n be sa su lɛ.

Neemi 3:24

Enadad i wa Binii wo i sa su lɛ. Kan ɔ dili i junman liɛ'n ɔ fɛ i Azaria i sua'n wun lɛ lele ju talɛ'n i cɔnjɔ'n su lɛ.