Neemi 2:8 - NYANMIƐN NDƐ'N 1998

⁸ Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Neemi 2:8 ပူးပေါင်းရင်းမြစ်များ

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

Ɛsdras 5:5

Zuif kpɛnngbɛn sɔ'm be Nyanmiɛn'n i wla ɔ'a fi-man be. Ɔ man blɛ bɔ be ko bo su kleli Dariis lele nan ɔ'a tɛ be su'n, b'a se-man be kɛ be jran junman'n.

Ɛsdras 6:22

Be klun ti jɔwa, be dili kpaun nga kpaun ayre nun-man nun'n i cɛn'n le nso aklunjuɛ nun. Anannganman man be klun jɔli, afin ɔ dili junman Asiri famiɛn'n i anwlɛn'n nun ɔ man ɔ wlali be fanngan blɛ nga be ´kplan Izraɛl Nyanmiɛn'n i sua'n.

Ɛsdras 6:8

Nga n usa kɛ amun yo be man Zuif'm be kpɛnngbɛn mun nan b'a kwla kplan sua sɔ'n, yɛlɛ kɛ Efrat sin lɔ lapo nga be tua blɛ min'n, i nun yɛ amun `fa ng'ɔ fata'n fa man be-ɔ. Nán junman'n jran.

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Ɛsdras 7:9

Anglo klikli'n i cɛn klikli'n su yɛ ɔ tuli i bo Babilɔni lɔ-ɔ, kpɛkuun ɔ juli Zerizalɛm anglo nnun'n i cɛn klikli'n su, afin i Nyanmiɛn'n i sa kpa'n wo i su.

Neemi 7:2

N sieli min niaan Anani ɔ nin Anania Zerizalɛm klɔ'n su kpɛnngbɛn. Anania ti sran kun b'ɔ nanti klanman, yɛ i nyin yi Nyanmiɛn tra sran sunman.

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Akunndanfuɛ'n 2:5

N dili n klun klo waka fie mun, n fali waka fanunfanun nga be su mma'n n fa n tali fie sɔ'm be nun.

Akunndanfuɛ'n 2:6

M boli n klun klo nzue bla dandan kpa mun, yɛ n sali be nun nzue'n n fa guaguali min waka nga n tali be'n bé su.

Ezai 66:14

N ´yo i sɔ sakpa, amun ´wun i, yɛ amun klun wa jɔ, yɛ amun wunnɛn'n nun wa yo amun kpa kɛ munngun nun ijre uflɛ'n sa.» Anannganman ɔ ´yi i kwlalɛ b'ɔ kwla'n i nglo ´kle i sufuɛ mun, yɛ ɔ ´yi i ya'n kusu i nglo ´kle i kpɔfuɛ mun.

Daniɛl 1:9

Nyanmiɛn man junman difuɛ'm bé su kpɛn'n yoli Daniɛl ye, yɛ ɔ sili i aunnvuɛ.

Sa nga bé yôli'n 26:22

Sanngɛ Nyanmiɛn b'ɔ jran ń sin'n ti yɛ man m'an tran lele ɔ'a fa ju ndɛ-ɔ, n kan ndɛ kle sran ngblewa mun nin be nga be lɛ-man nyrun'n. Sa bɔ Nyanmiɛn nuan ijɔfuɛ'm be nin Moiz be seli kɛ ɔ wa yo'n, i ndɛ yɛ n kannin-ɔn, m'an kan-man ndɛ uflɛ fi a uka-man su, san i kunngba cɛ yɛ n kan-an.

Sa nga bé yôli'n 7:10

Ɔ deli i afɛ'n kwlaa nun, ɔ man ɔ nyannin nyrun Ezipt famiɛn i nyrun. Famiɛn'n wunnin kɛ ɔ ti ngwlɛlɛfuɛ, nan ɔ'a fɛ i a sie Ezipt mɛn'n ɔ nin i awlo'n i su kpɛn .

2 Korɛntfuɛ Mun 8:16

Nyanmiɛn kwla o! Afin ɔ yoli man amun ndɛ lo Tit kusu.