Neemi 2:7 - NYANMIƐN NDƐ'N 1998

⁷ N seli i ekun kɛ: «Nannan, min waan n ´se wɔ nan a `klɛ fluwa man n `fa ko man nvle siefuɛ nga be o Efrat sin lɔ'n, nan be man min atin man n wɔ Zida lɔ.

Neemi 2:7 ပူးပေါင်းရင်းမြစ်များ

Ɛsdras 6:6

Ɔ man Dariis klɛ fluwa ko mannin be kɛ: «Tatnai, wɔ bɔ a ti Efrat i sin lɔ nvle'n i siefuɛ'n, a nin Setar-Bɔznai, ɔ nin Afarsakfuɛ nga amun nin be di junman'n bɔ be tran nzue'n sin lɔ'n, ndɛ sɔ'n, nán amun ndɛ su-ɔ.

Ɛsdras 7:21

M bɔbɔ min famiɛn Artaksɛrksɛs min waan sika siefuɛ nga be o Efrat sin lɔ'n be `fa like kwlaa nga Ɛsdras b'ɔ ti Nyanmiɛn nyrun jranfuɛ'n ɔ nin i mmla'n i klefuɛ'n ɔ usa'n, be `mɛn i.

Ɛsdras 8:22

Kɛ n se famiɛn'n kɛ ɔ man ye sonja nga be nanti bé ja'n, ɔ nin nga be fu nnɛn kpanngɔ'n nan be `sasa ye e kpɔfuɛ'm be lika'n, ɔ yo min nyannzuɛn, afin e dun mmua seli famiɛn'n kɛ e Nyanmiɛn'n ti be nga be fa bé wun mantan i'n be sasafuɛ, sanngɛ ya ng'ɔ fɛ i be nga be kaci be sin si i bé wun'n ɔ yo sro.

Ɛsdras 8:36

I sin be kannin famiɛn'n i ngaliɛ'n kleli be nga be jran famiɛn'n ja nun Efrat'n sin lɔ'n, ɔ nin lɔ nvle siefuɛ'm be kwlaa. Be kusu be yoli i ng'ɔ fata'n be ukali Izraɛl Nyanmiɛn'n i sua'n i kplanlɛ'n.

Neemi 2:9

Yɛ n ko toli nvle siefuɛ nga be o nzue'n i sin lɔ nin-ɔn, nan m'an fa fluwa'n m'an man be. Famiɛn'n man sonja kpɛnngbɛn wie mun, ɔ nin nnɛn kpanngɔ fufuɛ wie'm be ko sunmannin min.

Neemi 3:7

Mɛlatia b'ɔ ti Gabaɔnfuɛ, nin Zadɔn b'ɔ ti Merɔnɔtfuɛ'n, be nin Gabaɔnfuɛ mun nin Mizpafuɛ'm be o likawlɛ, be mantan Zozada nin Mɛsilam. Be dili be junman liɛ'n juli nvle siefuɛ ng'ɔ o nzue i bue kun lɔ i lika'n i wun lɔ.