Neemi 2:3 - NYANMIƐN NDƐ'N 1998

³ Yɛ n seli famiɛn'n kɛ: «Nannan, man wie wla fi wɔ! Min nyrun bɔ m mlan'n yɛlɛ kɛ b'a bubu klɔ nga be sieli min nannan'm be su'n . Yɛ b'a wɔ i anuan'm be nun.»

Neemi 2:3 ပူးပေါင်းရင်းမြစ်များ

1 Famiɛn Mun 1:31

Bat-Seba kotoli, ɔ utuli i nyin ase famiɛn'n i nyrun, kpɛkuun i waan: «Fiaa! Famiɛn David, man wie wla fi ɔ su tititi.»

2 Famiɛn Mun 25:8

Nɛbizaradan ti gladi difuɛ'm be su kpɛn, i kunngba'n ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun su yɛ ɔ bali sɔ nin-ɔn, wuun anglo'n ɔ'a di le nso.

2 Be Nyoliɛ 21:20

Kɛ Zɔram ´yo famiɛn'n, wuun ɔ lɛ afuɛ ablasan-nin-nnyɔn. Ɔ trannin Zerizalɛm afuɛ mɔcuɛ. I wie'n ɔ'a yo-man sran fi ya. Be sieli i David Klɔ lɔ, sanngɛ b'a sie-mɛn i kan be sie famiɛn'm be lɛ'n.

2 Be Nyoliɛ 28:27

Kɛ ɔ wuli'n, be sieli i Zerizalɛm klɔ lɛ, sanngɛ b'a sie-mɛn i kɛ be sie famiɛn'm be lɛ'n. I wa Ezekias yɛ ɔ sinnin i osu-ɔ.

2 Be Nyoliɛ 32:33

Kɛ Ezekias wuli'n, be sieli i David osu nunfuɛ'm be ndia nglo-nglo kpafuɛ'n nun. Kɛ ɔ wuli sɔ'n, Zerizalɛmfuɛ mun nin Zidafuɛ kun nga'm be kwlaa be kɛnnin i wun ndɛ klanman, yɛ i wa Manase sinnin i osu-ɔ.

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Neemi 2:13

N sinnin Kongo'n Nun Lɔ anuan'n nun n fiteli kɔnguɛ, n ɔli nzue ti bɔ be flɛ i Dragɔn'n su lɔ, yɛ n juli kan be gua wla lɔ'n i anuan'n nun lɔ. N ´kɔ'n, wuun n ´nian Zerizalɛm klɔ'n i talɛ'n. N wunnin kɛ i lika'n wie ti buwa yɛ i anuan'm be ti yrawa.

Ɛstɛr 8:6

Afin n tran lɛ sa n nian nyrɛnnɛn ng'ɔ wa tɔ min nvle'n su nin-ɔn, ɔ yo-man ye. Kɛ be ´nunnun be nga e nin be e mmoja'n ti kun'n min nyrun lɛ sa'n, ɔ ti kekle man min.»

Jue Mun 102:14

A su tran-man diin sa. A ´si Siɔnfuɛ'm be aunnvuɛ, afin be aunnvuɛ silɛ blɛ'n ɔ'a ju lele be flɛ-mɛn i julɛ kun.

Jue Mun 102:15

Afin e bɔ e ti ɔ sufuɛ mun'n, Siɔn lɔ yɛbuɛ'm be yo e klanman, e klo i osu-osu ng'ɔ ka lɛ'n.

Jue Mun 137:6

Zerizalɛm, sɛ mín wla jaso ɔ su'n, sɛ like uflɛ i ndɛ lo min tra wɔ'n, man min taaman'n ɔ mantan min lalolalo nun.

Jue Mun 38:7

Min wi'n ɔ'a bu, m'an fɛ lele ɔ'a tra fɛlɛ su. Awlaboɛ'n ɔ'a kun min kpo, n ti nvuɛn-nvuɛn tititi.

Zeremi 52:12

Nɛbizaradan ti gladi difuɛ'm be su kpɛn, i kunngba'n ɔ ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun'n su yɛ ɔ bali sɔ nin-ɔn, wuun anglo'n ɔ'a di le blu.

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Daniɛl 2:4

Wunnzue yifuɛ'm be tɛli famiɛn'n su Aram aniɛn'n nun kɛ: «Nannan, man wie wla fi wɔ! Kan laliɛ nga a cɛnnin'n kle ye man e tu i bo e kle wɔ.»

Daniɛl 3:9

Be ko seli famiɛn Nɛbikadnɛzar kɛ: «Ee Kpli, man wie wla fi wɔ!

Daniɛl 5:10

Kɛ famiɛn'n nin i mantanfuɛ'm be ´kpan'n, famiɛn i nin'n ɔ tili. Ɔ wluli aliɛ diwlɛ lɔ, yɛ ɔ seli kɛ: «Nannan, man wie wla fi wɔ! Nán man wɔ akunndan sanngan kun, nán ɔ nyrun'n ɔ kaci kun.

Daniɛl 6:21

Kɛ ɔ mantannin kunman'n wun lɛ'n, ɔ kpan flɛli Daniɛl. Kɛ ɔ ´flɛ i sɔ'n, i konviabo bo i kpɔlɛ. Ɔ seli kɛ: «?Daniɛl, Nyanmiɛn b'ɔ lafi-man i sufuɛ, ɔ Nyanmiɛn bɔ a su i nin anwlɛn tankaan'n, ɔ kwla deli wɔ asɔmɔli'm bé sa nun?»

Daniɛl 6:6

Sran sɔ'm be seli bé wun kɛ: «E su nyan-man sa kun bɔ e ´jran su nan y'a fa bu Daniɛl i fɔ-ɔ, san i Nyanmiɛn ng'ɔ su i'n, i mmla nun yɛ e ´kwla nyan sa wie e ´jran su-ɔ .»

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.