Neemi 2:20 - NYANMIƐN NDƐ'N 1998

²⁰ N tɛli be su kɛ: «Nglo lɔ Nyanmiɛn'n man nga e sunnzun'n ɔ ´yo ye. I sufuɛ yɛlɛ ye, é bo ti kun, e wa bo talɛ'n i kplanlɛ'n bo. Amun liɛ'n, Zerizalɛm lɔ like ti-man amun like. Amun kwla yo-man like lɔ. Be ´kan Zerizalɛm ndɛ-ɔ, be bo-man amun dunman nun.»

Neemi 2:20 ပူးပေါင်းရင်းမြစ်များ

2 Be Nyoliɛ 26:5

Blɛ bɔ Zakari nyin tɛ o su'n, Ozias miɛnnin i nyin fɛli i wun mantannin Nyanmiɛn kpa, afin Zakari kle i kɛ ɔ sro Nyanmiɛn. I sɔ'n ti, Nyanmiɛn man i ninnge ng'ɔ yoli be'n be yoli ye.

Ɛsdras 4:3

Zorobabɛl nin Zozie nin awlobo kpɛnngbɛn kun nga'm be tɛli be su kɛ: «Kɛ e nin amun e `kplan e Nyanmiɛn i sua'n, ɔ ti-mɛn i su. E kunngba yɛ e ´kplan Anannganman b'ɔ ti Izraɛl Nyanmiɛn'n i sua nin-ɔn. Siris, b'ɔ ti Pɛrs famiɛn'n yɛ i waan e `yo i sɔ-ɔ.»

Neemi 1:4

Kɛ n tili ndɛ sɔ'n, n trannin ase, n sunnin, n trannin awlaboɛ sɔ'n nun n dili le nnyɔn kun. N kpɛli srɛ nun, n srɛli Nyanmiɛn b'ɔ o nglo lɔ'n.

Neemi 2:4

Famiɛn'n usali min kɛ: «?Nguɛ yɛ ɔ waan n yo m man wɔ-ɔ?» Yɛ n srɛli nglo lɔ Nyanmiɛn nin-ɔn.

Ɛstɛr 4:11

«Sran'm be kwlaa, i famiɛn'n i sran mun o, i siewlɛ'n i akpasua'm be su sran mun o, be si mmla'n. Be si kɛ sran kwlaa, i bla o, i yasua o, sran kwlaa nga b'a flɛ-mɛn i b'ɔ wlu famiɛn i awlo'n klun lɔ'n, i sɔ sran liɛ'n be kun i. Sɛ a wun kɛ ɔ ´fite nun'n, wuun famiɛn'n ɔ'a fɛ i sika ɔkwlɛ kpɔnman'n ɔ'a tinngɛ i nyrun. N kusu, n cɛn ba ablasan yɛ, be nian flɛ-man min kɛ n wlu famiɛn'n sin lɔ.»

Jue Mun 102:17

Anannganman'n ´kplan Siɔn klɔ'n uflɛ, ɔ yi i anyrunnyan'n i nglo.

Jue Mun 122:6

An `srɛ Nyanmiɛn man fɔundi tran Zerizalɛm lɔ. Zerizalɛm, be bɔ be klo wɔ'n, man alaje'n ɔ `fua be.

Jue Mun 20:5

Like nga ɔ konvi o su'n, man ɔ fa man wɔ. Sa kwlaa nga ɔ waan a ´yo'n, man ɔ yo ye i fanngan nun!

Jue Mun 35:27

Sanngɛ be bɔ be yra be nuan kɛ min ndɛ `yo fɛ'n, man be bo sro, yɛ man be klun jɔ. Yɛ man blɛ'n kwlakwla be kan kɛ: «Anannganman ti dan, ɔ klo kɛ i sufuɛ'n i wun jɔ i.»

Jue Mun 51:18

A kunndɛ-man sraka fi, sɛ ɔ ti-mɛn i ti'n, wuun n ´yi wie m ´man wɔ. A kunndɛ-man tɛ nga be yrɛ i nnɛn'n kɔlikɔli'n bɔbɔ .

Ezipt Lɔ Tulɛ'n 28:29

Blɛ bɔ Aarɔn ´wlu min lika kpa nun'n, man ɔ wla jɔlɛ dilɛ pata kaan'n bɔ Izraɛl akpasua'm be dunman'm be o su'n, man ɔ trɛn i wue'n su. Kɛ ɔ yo sɔ'n, min Anannganman mín wla ´kpɛn amún su.

Akunndanfuɛ'n 7:18

Ɔ ti kpa kɛ a `fa afɔtuɛ nnyɔn ng'ɔ o lɛ'm be su. Afin sran nga i nyin yi Nyanmiɛn'n, ɔ fata-man kɛ be kɛn i wun ndɛ.

Ezai 56:5

n ´klɛ be dunman'n min sua'n nun lɔ talɛ'n i lika kun su. I sɔ'n ti kpa tra kɛ b'a nyan ba bla mun nin ba yasua mun'n. M ´man be dunman kun b'ɔ ´ka lɛ tititi, sran fi su nunnun-mɛn i.»

Saun Yolɛ 2:2

nan ɔ `fa ko to min nyrun jranfuɛ Aarɔn i mma mun. Ble sanmlɛn mlɛnnɛnnɛn kpa nga b'a fa ngo b'a sɛnngɛn i'n, man be fla bé sa buɛ kun, man be fa ansans, nan min nyrun jranfuɛ'n kun `yrɛ i min sɔwlɛ'n su. Ɔ ti sraka'n i nzɔliɛ kan. Be flɛ i kɛ Be Wla Kpɛnlɛ Like. Be `yrɛ i kɔlikɔli, ɔ bɔn min bue nun fannin.

Saun Yolɛ 24:7

Ansans i klonglonglo bɔ like fi sanngan nun'n, fa sie i kpaun paplapa kwle nnyɔn'm bé su lɛ, kpɛkuun man be yrɛ i sɔ ansans liɛ'n be man min, ɔ ti be wla kpɛnlɛ like.

Zakari 6:14

Sika kle'n ɔ ´ka min sua'n nun, ɔ ´yo Ɛldai, nin Tɔbiza, nin Zɛdaɛza, ɔ nin Ɛn b'ɔ ti Sofoni i wa'n be wla kpɛnlɛ like, nin i nzɔliɛ.»

Kalɛ 10:10

Amun aklunjuɛ cɛn'm be nun'n, bɔ yɛlɛ amun cɛn dilɛ mun nin amun anglo le kun cɛn dilɛ mun'n, kɛ amun ´yi tɛ nga be yrɛ be nnɛn'n kɔlikɔli'n nin bo kun yolɛ i su tɛ'n, amun `bo awɛ'n. I sɔ'n nun yɛ mín wla ´kpɛn amún su-ɔ. Min yɛ n ti Anannganman amun Nyanmiɛn nin-ɔn.»

Sa nga bé yôli'n 10:31

Ɔ seli n kɛ: ‹Kɔrnɛyi, ɔ like bɔ a srɛ Nyanmiɛn'n, ɔ tili, yɛ ye bɔ a yo yalɛfuɛ mun'n, i wla o su.

Sa nga bé yôli'n 10:4

Yɛ Kɔrnɛyi niɛnnin i siin, srɛ kunnin i, ɔ usɛli i kɛ: «?Nannan, nguɛ-ɔ?» Yɛ anz'n seli i kɛ: «Ɔ like bɔ a srɛ Nyanmiɛn'n , ɔ ti, yɛ ye bɔ a yo yalɛfuɛ mun'n, ɔ wun i, i sɔ'n ti i wla o wɔ su.»

Sa nga bé yôli'n 8:21

Ndɛ nga, ɔ liɛ nun-man nun yɛ a su nyan-man like fi nun, afin wɔ akunndan'n ti-man kpa Nyanmiɛn nyrun.