Neemi 2:17 - NYANMIƐN NDƐ'N 1998

¹⁷ Yɛ n seli be kɛ: «Amun `nian nyrɛnnɛn bɔ e o nun-ɔn. Zerizalɛm klɔ'n ɔ'a bubu, i anuan'm b'a yra. Amun man e kplan Zerizalɛm klɔ'n i wun talɛ'n ekun nan e `titi e nyrun nyannzuɛn'n.»

Neemi 2:17 ပူးပေါင်းရင်းမြစ်များ

Ɛsdras 9:9

afin e ti kanga, sanngɛ e Nyanmiɛn, w'a yi-man ye ase e kanga yolɛ'n nun. A fali wɔ aunnvuɛ silɛ'n wlali Pɛrs famiɛn'm be nun kɛ ɔ ´yo nan y'a wu-man, nan y'a kwla kplan wɔ bɔ a ti e Nyanmiɛn'n ɔ sua b'ɔ buli'n, nan y'a nyan fiawlɛ Zerizalɛm klɔ'n, ɔ nin Zida nvle nun'n ti.»

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Neemi 2:13

N sinnin Kongo'n Nun Lɔ anuan'n nun n fiteli kɔnguɛ, n ɔli nzue ti bɔ be flɛ i Dragɔn'n su lɔ, yɛ n juli kan be gua wla lɔ'n i anuan'n nun lɔ. N ´kɔ'n, wuun n ´nian Zerizalɛm klɔ'n i talɛ'n. N wunnin kɛ i lika'n wie ti buwa yɛ i anuan'm be ti yrawa.

Neemi 2:16

Jɔlɛ difuɛ'm b'a si-man kan n ɔli'n, yɛ b'a si-man sa nga n yoli'n, afin kɛ ɔ ´yo sɔ'n, wuun n nian kan-man ndɛ fi n nian kle-man Zuif mun, ɔ nin Nyanmiɛn nyrun jranfuɛ mun, ɔ nin kpɛnngbɛn mun, ɔ nin mmla su nianfuɛ mun, ɔ nin sran uflɛ nga be o ju-man'n su'n.

Neemi 3:15

Kɔl-Oze i wa Salɔm b'ɔ ti Mizpa asa'n su kpɛnngbɛn'n ɔ yoli Nzue ti anuan'n. Ɔ kplannin talɛ'n, ɔ tuli su nan ɔ'a wla anuan'n nin i sin blalɛ'n nin i gboklo mun. I sin ɔ kplannin talɛ ng'ɔ o Silɔe fɛtɛ wun lɛ'n, b'ɔ o famiɛn'n i fie nin asikalie ng'ɔ fin David klɔ'n su lɔ jra'n be afiɛn lɛ.

Jue Mun 102:15

Afin e bɔ e ti ɔ sufuɛ mun'n, Siɔn lɔ yɛbuɛ'm be yo e klanman, e klo i osu-osu ng'ɔ ka lɛ'n.

Jue Mun 44:13

A yo ɔ nvle'n i atɛ gua fɛ, a ukɛ-mɛn i gua'n su bɔ kan.

Jue Mun 44:14

Wɔ man e lɛ-man nyrun nvle nga be mantan ye'n bé sa nun, be srisri ye, be yo e finfin.

Jue Mun 79:12

Min Min, be nga be mɛn'n mantan e liɛ'n b'a klɔklɔ wɔ. Ɔ nzowa nga be kpɛli wɔ'n, man be nyɛn i su sa sɔ kpɛ nso.

Jue Mun 79:4

Be nga be lika'm be mantan e wa'n, be kpɛ e nzowa. Be nga be mɛn'm be sin yia e liɛ'n, be yo e finfin, be srisri ye.

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ngwlɛ Yilɛ 3:51

Sa nga ɔ'a ju min klɔ nun talua'm bé su'n, ɔ ti sa ya dan, n kwla nian-man.

Ezekiɛl 5:14

N wa bubu Zerizalɛm klɔ'n. Nvle nga be sin yia amun lɛ'n, ɔ nin be nga be ´sin'n amun nyrun lɛ'n, amun ´sokpa be nun .

Mise 7:11

Cɛn wie lele be si amun klɔ'n i wun talɛ'n ekun. I sɔ cɛn'n nun'n, be ´trɛ amun mɛn'n nun .

1 Samiɛl 11:2

Amɔn famiɛn'n waan: «N tili, sanngɛ m ´bobo amun kwlaa amun nyinma fama'n nan y'a tra aenguɛ sɔ'n. N ´yo i sɔ n fa gua Izraɛl nvle nunfuɛ'm be kwlaa be nyin ase.»