Neemi 2:16 - NYANMIƐN NDƐ'N 1998

¹⁶ Jɔlɛ difuɛ'm b'a si-man kan n ɔli'n, yɛ b'a si-man sa nga n yoli'n, afin kɛ ɔ ´yo sɔ'n, wuun n nian kan-man ndɛ fi n nian kle-man Zuif mun, ɔ nin Nyanmiɛn nyrun jranfuɛ mun, ɔ nin kpɛnngbɛn mun, ɔ nin mmla su nianfuɛ mun, ɔ nin sran uflɛ nga be o ju-man'n su'n.

Neemi 2:16 ပူးပေါင်းရင်းမြစ်များ

Neemi 2:15

I sin n fali Sedrɔn nzue mmuɛ'n kɔnguɛ, n ´kɔ'n, wuun n ´nian talɛ'n, kpɛkuun n sinnin Kongo Nun Lɔ anuan'n nun yɛ n sali n sin-ɔn.

Neemi 2:17

Yɛ n seli be kɛ: «Amun `nian nyrɛnnɛn bɔ e o nun-ɔn. Zerizalɛm klɔ'n ɔ'a bubu, i anuan'm b'a yra. Amun man e kplan Zerizalɛm klɔ'n i wun talɛ'n ekun nan e `titi e nyrun nyannzuɛn'n.»

Ezipt Lɔ Tulɛ'n 24:11

Nyanmiɛn ɔ'a yo-man Izraɛl awlobo kpɛnngbɛn sɔ'm bé sa fi. Be wunnin Nyanmiɛn weiin, i sin be dili like yɛ be nɔnnin nzan.

Nyanndra Mun 12:23

Akunndanfuɛ'n ɔ ti ndɛ-ɔ, ɔ tɛ-mɛn i kan. Sran ng'ɔ si-man sa'n, i liɛ ndɛ'n i tilɛ yɛ, i jɔ bolɛ yɛ.